ಶಾರುಖ್‌ರನ್ನು 'ಅಂಕಲ್' ಎಂದು ಕರೆದ ನಟಿ, ಅಭಿಮಾನಿಗಳು ಗರಂ

ನಟ ಶಾರುಖ್ ಖಾನ್‌ ಮುಜುಗರಕ್ಕೆ ಒಳಗಾದ ಘಟನೆ ಇದು. ಏಕೆಂದರೆ ಶಾರುಖ್‌ರನ್ನು ನಟಿ ಸಾರಾ ಅಲಿ ಖಾನ್ ವೇದಿಕೆ ಮೇಲೆ 'ಅಂಕಲ್' ಎಂದು ಕರೆದಿರುವುದು ಸಾಮಾಜಿಕ ಜಾಲ ತಾಣಗಳಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಈ ಘಟನೆ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವೀಡಿಯೋ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಸಾರಾ ಈ ರೀತಿ ಕರೆದಿರುವುದು ಶಾರುಖ್ ಅಭಿಮಾನಿಗಳನ್ನೂ ಕೆರಳಿಸಿದೆ. ಟ್ವಿಟರ್‌ನಲ್ಲಿ ಸಾರಾ ಬಗ್ಗೆ ತಮ್ಮ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ ಅಭಿಮಾನಿಗಳು.

ಸಾರಾ ಅಭಿಮಾನಿಗಳೂ ಸುಮ್ಮನೆ ಕೂರದೆ ಶಾರುಖ್ ಅಭಿಮಾನಿಗಳಿಗೆ ತಕ್ಕ ಪ್ರತ್ಯುತ್ತರ ನೀಡುತ್ತಿದ್ದಾರೆ. ಶಾರುಖ್ ಖಾನ್ ಮಕ್ಕಳು ಸೈಫ್ ಆಲಿ ಖಾನ್‌ರನ್ನು ಅಂಕಲ್ ಎಂದೇ ಕರೆಯುತ್ತಾರೆ. ಸಾರಾ ಆ ರೀತಿ ಕರೆದು ಗೌರವಿಸಿದ್ದಾರೆ ಅಷ್ಟೇ ಎಂದಿದ್ದಾರೆ.

ವಿಶೇಷ ಎಂದರೆ ಶಾರುಖ್ ಖಾನ್ ಮತ್ತು ಸೈಫ್ ಆಲಿ ಖಾನ್ ಮಾತ್ರ ಈ ವಯಸ್ಸಲ್ಲೂ ಒಳ್ಳೆಯ ಗೆಳೆಯರು. ಅವರಿಬ್ಬರ ನಡುವೆ ಯಾವುದೇ ವಿವಾದ, ಗಲಾಟೆ, ಜಗಳ ಇಲ್ಲ. ಈಗ ಸಾರಾ ಅಂಕಲ್ ಎಂದು ವೇದಿಕೆ ಮೇಲೆ ಕರೆದಿರುವುದು ಅಭಿಮಾನಿಗಳ ನಡುವಿನ ಕೆಸರೆರಚಾಟಕ್ಕೆ ಕಾರಣವಾಗಿದೆ.