'ಕೇದಾರನಾಥ್‌' ಫಸ್ಟ್‌ ಲುಕ್‌ನಲ್ಲಿ ಸಾರಾ ಮಿಂಚು

ಒಂದು ಕೈಯಲ್ಲಿ ಛತ್ರಿ ಹಿಡಿದು ಮತ್ತೊಂದು ಕೈಯಲ್ಲಿ ಬ್ಯಾಸ್ಕೆಟ್‌ ಹಿಡಿದುಕೊಂಡು ಪಕ್ಕಾ ದೇಸಿ ಲುಕ್‌ನಲ್ಲಿ ಸೂರ್ಯನಿಗೇ ಚಮಕ್‌ ಕೊಡುತ್ತಿರುವ ಈ ಸುಂದರಿ ಯಾರೆಂದು ನಿಮಗೆ ಗೊತ್ತಾ? ಈಕೆ ಬಾಲಿವುಡ್‌ನ ಖ್ಯಾತ ನಟನ ಸುಪುತ್ರಿ. ಇನ್ನೂ ಗೊತ್ತಾಗಿಲ್ಲ ಅಂದ್ರೆ ನಾವೇ ಹೇಳ್ತಿವಿ ಬಿಡಿ.

ಈ ಮೋಹಕ ಬೆಡಗಿ ನಟ ಸೈಫ್‌ ಅಲಿಖಾನ್‌ ಮಗಳು ಸಾರಾ ಅಲಿಖಾನ್‌. 'ಕೇದಾರನಾಥ್‌' ಚಿತ್ರದ ಮೂಲಕ ಸಾರಾ ಬಿಟೌನ್‌ ಜಗತ್ತಿಗೆ ಎಂಟ್ರಿ ನೀಡುತ್ತಿದ್ದಾರೆ. 2018ರ ಬಹುನಿರೀಕ್ಷಿತ ಚಿತ್ರಗಳಲ್ಲಿ 'ಕೇದಾರನಾಥ್‌' ಕೂಡ ಒಂದು. ಇಲ್ಲಿ ಸಾರಾಗೆ ನಾಯಕನಾಗಿ 'ಎಂಎಸ್‌ ಧೋನಿ' ಚಿತ್ರ ಖ್ಯಾತಿಯ ಸುಶಾಂತ್‌ ಸಿಂಗ್‌ ರಜಪೂತ್ ಅಭಿನಯಿಸುತ್ತಿದ್ದಾರೆ. ಈಗಾಗಲೇ ಉತ್ತರಾಖಂಡ್‌ನಲ್ಲಿ ಚಿತ್ರದ ಚಿತ್ರೀಕರಣ ಭರದಿಂದ ಸಾಗಿದೆ.

ಸದ್ಯಕ್ಕೆ ಚಿತ್ರದ ಫಸ್ಟ್‌ ಲುಕ್‌ನಲ್ಲಿ ಸಾರಾ ಸಖತ್ತಾಗಿ ಮಿಂಚುತ್ತಿದ್ದಾರೆ. 2013ರಲ್ಲಿ ಉತ್ತರ ಭಾರತವನ್ನು ಸಂಕಷ್ಟಕ್ಕೆ ತಂದೊಡ್ಡಿದ ಪ್ರವಾಹ ಪರಿಸ್ಥಿತಿಯನ್ನು ಚಿತ್ರದ ಕಥಾವಸ್ತುವಾಗಿ ಬಳಸಿಕೊಳ್ಳಲಾಗಿದೆಯಂತೆ. ಈ ಕ್ಯೂಟ್‌ ಲವ್‌ಸ್ಟೋರಿಯಲ್ಲಿ ಸಾರಾ ಪ್ರವಾಸಿಯ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಸುಶಾಂತ್‌ ಟೂರಿಸ್ಟ್‌ ಗೈಡ್‌ ಪಾತ್ರದಲ್ಲಿ ಮಿಂಚಲಿದ್ದಾರೆ. ಅಭಿಷೇಕ್‌ ಕಪೂರ್‌ ನಿರ್ದೇಶನ ಈ ಚಿತ್ರಕ್ಕಿದೆ.