ಕತ್ರಿನಾ ಕೈಫ್‌ ಸ್ಥಾನಕ್ಕೆ ಸಾರಾ ಆಲಿ ಖಾನ್‌

ಬಿಗ್‌ ಬಜೆಟ್‌ನ ಡಾನ್ಸ್‌ ಸಿನಿಮಾವೊಂದರಲ್ಲಿ ಕತ್ರಿನಾ ಕೈಫ್‌ ನಿರ್ಗಮನದಿಂದ ತೆರವಾದ ನಾಯಕಿ ಸ್ಥಾನಕ್ಕೆ ಸೈಫ್‌ ಆಲಿ ಖಾನ್‌ ಪುತ್ರಿ ಸಾರಾ ಆಲಿ ಖಾನ್‌ ಆಯ್ಕೆಯಾಗುವ ಸಾಧ್ಯತೆ ಇದೆ. ಈ ಸ್ಥಾನಕ್ಕೆ ಶ್ರದ್ಧಾ ಕಪೂರ್‌ ಹೆಸರು ಕೂಡಾ ಕೇಳಿ ಬಂದಿದೆಯಾದರೂ ಇತ್ತೀಚೆಗೆ ಕೇದಾರನಾಥ್‌ ಮತ್ತು ಸಿಂಬದಲ್ಲಿ ಸಾರಾ ಅಭಿನಯ ನೋಡಿ ಇಂಪ್ರೆಸ್‌ ಆಗಿರುವ ಈ ಸಿನಿಮಾದ ನಿರ್ದೇಶಕರು ಸಾರಾಗೆ ನಾಯಕಿ ಪಾತ್ರದ ಆಫರ್‌ ನೀಡಲು ನಿರ್ಧರಿಸಿದ್ದಾರಂತೆ.

ಕೊರಿಯೊಗ್ರಾಫರ್‌ ರೆಮೊ ಡಿಸೋಜಾ ನಿರ್ದೇಶನದ ಈ ಸಿನಿಮಾದಲ್ಲಿ ವರುಣ್‌ ಧವನ್‌ ನಾಯಕ. ಅವರಿಗೆ ಬಾಲಿವುಡ್‌ನ ಸದ್ಯದ ಹೊಸಮುಖ ಸಾರಾ ಆಲಿ ಖಾನ್‌ ಉತ್ತಮ ಜೋಡಿಯಾಗಬಲ್ಲರು ಎಂದು ಚಿತ್ರತಂಡ ಅಭಿಪ್ರಾಯಪಟ್ಟಿದೆ. ಇನ್ನೂ ಟೈಟಲ್‌ ಇಡದ ಈ ಸಿನಿಮಾದಲ್ಲಿ ಪ್ರಭುದೇವ್‌ ಕೂಡಾ ಇರಲಿದ್ದು, ನಾಯಕಿ ಸ್ಥಾನಕ್ಕೆ ಸಾರಾ ಮಾತ್ರವಲ್ಲದೆ, ಜಾಕ್ವೆಲಿನ್‌ ಫೆರ್ನಾಂಡಿಸ್‌, ಕೃತಿ ಸನನ್‌ ಮುಂತಾದವರೂ ಸ್ಪರ್ಧೆಯಲ್ಲಿದ್ದಾರೆ.