ಇಡೀ ಜಗತ್ತಿನಲ್ಲೇ ಗರಿಷ್ಠ ಸಂಭಾವನೆ ಪಡೆಯುವ ನಟಿ ಸ್ಕಾರ್ಲೆಟ್‌ ಜೊಹಾನ್ಸನ್‌

ಹಾಲಿವುಡ್‌ ನಟಿ ಸ್ಕಾರ್ಲೆಟ್‌ ಜೊಹಾನ್ಸನ್‌ ಇಡೀ ಜಗತ್ತಿನಲ್ಲೇ ಅತ್ಯಧಿಕ ಸಂಭಾವನೆ ಪಡೆಯುವ ನಟಿಯಾಗಿ ಹೊರಹೊಮ್ಮಿದ್ದಾರೆ. ಫೋಬ್ಸ್‌ರ್‍ ನಿಯತಕಾಲಿಕೆ ಸಿದ್ಧಪಡಿಸಿರುವ ಈ ವರ್ಷದ ಗರಿಷ್ಠ ಸಂಭಾವನೆ ಪಡೆದ ನಟಿಯರ ಲಿಸ್ಟ್‌ನಲ್ಲಿಸ್ಕಾರ್ಲೆಟ್‌ ಹೆಸರು ಅಗ್ರ ಸ್ಥಾನದಲ್ಲಿದೆ. ಎವೆಂಜರ್ಸ್ ಎಂಡ್‌ಗೇಮ್‌ ಸಿನಿಮಾದ ಮೆಗಾ ಯಶಸ್ಸಿನಿಂದಾಗಿ ಇವರ ಸಂಪಾದನೆ 56 ದಶಲಕ್ಷ ಡಾಲರ್‌ಗೆ ದಾಟಿದೆ.

ಕಳೆದ ವರ್ಷವೂ ಈ ಲಿಸ್ಟ್‌ನಲ್ಲಿಪ್ರಥಮ ಸ್ಥಾನದಲ್ಲಿದ್ದ ಸ್ಕಾರ್ಲೆಟ್‌, ತಮ್ಮ ಮುಂಬರುವ ಬ್ಲ್ಯಾಕ್‌ ವಿಡೋ ಸಿನಿಮಾಗೂ ದೊಡ್ಡ ಮೊತ್ತದ ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಲಿಸ್ಟ್‌ನಲ್ಲಿಹಾಲಿವುಡ್‌ ನಟಿ ಸೋಫಿಯಾ ವೆರ್ಗೆರ (44.1 ದಶಲಕ್ಷ ಡಾಲರ್‌) ಎರಡನೇ ಸ್ಥಾನ ಮತ್ತು ರೀಸ್‌ ವಿದರ್‌ಸ್ಪೂನ್‌ (35 ದಶಲಕ್ಷ ಡಾಲರ್‌) ಮೂರನೇ ಸ್ಥಾನ ಪಡೆದಿದ್ದಾರೆ. ಆದರೆ ಈ ಬಾರಿ ಬಾಲಿವುಡ್‌ನ ಯಾವುದೇ ನಟಿಯರೂ ಈ ಲಿಸ್ಟ್‌ನಲ್ಲಿಟಾಪ್‌ 100 ನಲ್ಲಿಸ್ಥಾನ ಪಡೆದಿಲ್ಲ.