ಸೋಲನ್ನು ಎಂಜಾಯ್‌ ಮಾಡಲು ನಿರ್ಧರಿಸಿದ ಶಾರುಖ್‌ ಖಾನ್‌

ಝೀರೊ ಸಿನಿಮಾದ ಸೋಲಿನ ನಂತರ ಸಿನಿಮಾದಿಂದ ಕೊಂಚ ಬ್ರೇಕ್‌ ತೆಗೆದುಕೊಂಡಿರುವ ಶಾರುಖ್‌ ಖಾನ್‌, ನಾನು ದೀರ್ಘ ಕಾಲದಿಂದ ಯಶಸ್ಸು ಅನುಭವಿಸಿರುವ ಕಾರಣ ಸೋಲನ್ನು ಎಂಜಾಯ್‌ ಮಾಡಲು ನನಗೆ ಸ್ವಲ್ಪ ಸಮಯ ಬೇಕು ಎಂದಿದ್ದಾರೆ.

ಮುಂದಿನ ನಾಲ್ಕೈದು ತಿಂಗಳುಗಳ ಕಾಲ ನಾನು ಬ್ರೇಕ್‌ ತೆಗೆದುಕೊಂಡು ಈ ಅವಧಿಯಲ್ಲಿವಿವಿಧ ಜನರನ್ನು ಭೇಟಿಯಾಗಿ ಹೊಸ ಹೊಸ ಕಥೆಗಳನ್ನು ಅನ್ವೇಷಣೆ ಮಾಡುವೆ ಮತ್ತು ಜನರೊಂದಿಗೆ ಬೌದ್ಧಿಕ ಸಂಭಾಷಣೆ ನಡೆಸುವೆ ಎಂದಿದ್ದಾರೆ. [ಶಾರುಖ್ ಖಾನ್ ಜತೆ 'ಕನೆಕ್ಟ್' ಹೊಂದಿದ ನಟ ನೆನಪಿರಲಿ ಪ್ರೇಮ್!]

ನನಗೆ ಇನ್ನೂ ಉತ್ತಮ ಸಿನಿಮಾಗಳನ್ನು ಮಾಡುವ ಸಾಮರ್ಥ್ಯವಿದೆ ಎಂದು ಹೇಳಿರುವ ಶಾರುಖ್‌, ನನ್ನಲ್ಲಿ ಈಗಲೂ 20 ರಿಂದ 25 ರಷ್ಟು ಉತ್ತಮ ಸಿನಿಮಾಗಳ ಐಡಿಯಾಗಳಿವೆ. ಆದರೆ ಸದ್ಯಕ್ಕೆ ನಾನು ಸೋಲನ್ನು ಎಂಜಾಯ್‌ ಮಾಡಲು ನಿರ್ಧರಿಸಿದ್ದೇನೆ ಎಂದು ವಿವರಿಸಿದ್ದಾರೆ.