ಮಗಳ ಬಣ್ಣವನ್ನು ಅವಮಾನಿಸಿದ ನೆಟ್ಟಿಗರು: ಮೌನ ಮುರಿದ ಶಾರುಖ್ ಖಾನ್ ಪತ್ನಿ ಗೌರಿ ಖಾನ್!

ಸ್ಟಾರ್ ನಟ-ನಟಿಯರ ಮಕ್ಕಳ ಬಗ್ಗೆ ಪ್ರೇಕ್ಷಕರು ತುಂಬ ಕುತೂಹಲದಿಂದಿರುತ್ತಾರೆ. ಅದರ ಜೊತೆಗೆ ಕೆಲವೊಮ್ಮೆ ಅವರ ಗುಣಗಾನ ಹಾಗೂ ಅವಹೇಳನ ಕೂಡ ಮಾಡುವುದಿರುತ್ತದೆ. ಅಂತೆಯೇ ಬಾಲಿವುಡ್ ನಟ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಅವರು ಆಗಾಗ ಕೆಲ ವಿಚಾರಗಳಿಗೆ ಸುದ್ದಿಯಾಗುತ್ತಿರುತ್ತಾರೆ. ಕೆಲದಿನಗಳ ಹಿಂದೆ ಅವರ ಬಣ್ಣದ ಬಗ್ಗೆ ಕೆಲ ನೆಟ್ಟಿಗರು ಮನ ಬಂದಂತೆ ಕಾಮೆಂಟ್ ಮಾಡಿದ್ದರು. ಇದಕ್ಕೆ ಸುಹಾನಾ ಪ್ರತಿಕ್ರಿಯೆ ನೀಡಿದ್ದರು. ಮಗಳು ಸುಹಾನಾ ಬಗ್ಗೆ ಶಾರುಖ್ ಪತ್ನಿ ಗೌರಿ ಖಾನ್ ಅವರು ಈಗ ಮಾತನಾಡಿದ್ದಾರೆ.

ಮಗಳ ಬಗ್ಗೆ ಗೌರಿ ಹೇಳೋದೇನು?
ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಗೌರಿ, 'ಈಗಲಾದರೂ ಬಣ್ಣದ ಬಗ್ಗೆ ಕಾಮೆಂಟ್ ಮಾಡೋದನ್ನು ನಿಲ್ಲಿಸಬೇಕು. ತನಗಾಗಿ ಸುಹಾನಾ ನಿಂತುಕೊಂಡಿದ್ದನ್ನು ನೋಡಿ ನನಗೆ ಅವಳ ಬಗ್ಗೆ ಹೆಮ್ಮೆ ಮೂಡಿದೆ' ಎಂದು ಹೇಳಿದ್ದಾರೆ. ಸುಹಾನಾ ಖಾನ್‌ ಅವರ ಮೈಬಣ್ಣ ಸ್ವಲ್ಪ ಕಪ್ಪಾಗಿದ್ದರಿಂದ ಅದನ್ನೇ ಬಂಡವಾಳವಾಗಿಟ್ಟುಕೊಂಡು, ಸೋಶಿಯಲ್‌ ಮೀಡಿಯಾದಲ್ಲಿ ಟ್ರೋಲ್‌ ಮಾಡಲಾಗುತ್ತಿದೆ. ಇದರಿಂದ ಬೇಸರಪಟ್ಟುಕೊಂಡ ಸುಹಾನಾ ಸೋಶಿಯಲ್ ಮೀಡಿಯಾದಲ್ಲಿ ಪ್ರತ್ಯುತ್ತರ ನೀಡಿದ್ದರು.

ನನ್ನ ಬಣ್ಣದ ಬಗ್ಗೆ ನನಗೆ ಹೆಮ್ಮೆಯಿದೆ: ಸುಹಾನಾ ಖಾನ್
' ಅನೇಕ ಹುಡುಗ-ಹುಡುಗಿಯರು ಕಾರಣವೇ ಇಲ್ಲದೆ ಕೀಳರಿಮೆ ಅನುಭವಿಸುವಂತಾಗಿದೆ. ಇದು ನನ್ನೊಬ್ಬಳ ಸಮಸ್ಯೆ ಅಲ್ಲ. ನನ್ನ ಬಗ್ಗೆ ಕೂಡ ಬಹಳ ಮಾತು ಕೇಳಿಬರ್ತಿದೆ. ಮೊದಲು ಇದನ್ನು ಬಗೆಹರಿಸಿಕೊಳ್ಳಬೇಕು. ಕಪ್ಪಗಿದ್ದೇನೆ ಅಂತ ನನ್ನನ್ನು ಅವಮಾನ ಮಾಡಲಾಗುತ್ತಿದೆ. ಭಾರತೀಯರಾದ ನಾವೆಲ್ಲರೂ ಕಂದು ಬಣ್ಣದವರಾಗಿರುವುದು ಸಹಜ. ಎಷ್ಟೇ ಪ್ರಯತ್ನಪಟ್ಟರೂ ಕೂಡ ಅದನ್ನು ಬದಲಿಸಲು ಸಾಧ್ಯವಿಲ್ಲ. ನಾನು 5.3 ಅಡಿ ಎತ್ತರ ಇದ್ದೇನೆ ಮತ್ತು ನನ್ನ ಮೈ ಬಣ್ಣ ಕಂದು. ಅದರ ಬಗ್ಗೆ ನನಗೆ ಅಪಾರ ಖುಷಿ ಇದೆ. ನಿಮಗೂ ನಿಮ್ಮ ಬಗ್ಗೆ ಖುಷಿ ಇರಬೇಕು' ಎಂದು ಸುಹಾನಾ ಖಾನ್ ಅವರು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದರು.

Also Read-ಇನ್‌ಸ್ಟಾಗ್ರಾಮ್‌ನಲ್ಲಿ ಅಮಿತಾಭ್ ಬಚ್ಚನ್ ಮೊಮ್ಮಗನನ್ನು ಅನ್‌ಫಾಲೋ ಮಾಡಿದ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್!

ಸುಹಾನಾ ಬಗ್ಗೆ ನೆಟ್ಟಿಗರು ಹೇಳಿದ್ದೇನು?
ಸುಹಾನಾ ಖಾನ್ ಅವರಿಗೆ ಅನೇಕ ಕಾಮೆಂಟ್‌ಗಳು ಬಂದಿದ್ದವು. 'ಬೆಳ್ಳಗೆ ಕಾಣಬೇಕು ಎಂದು ಸರ್ಜರಿ ಮಾಡಿಸಿಕೊಂಡಿದ್ದಾಳೆ, ಆದರೂ ಗಂಡಸರ ರೀತಿ ಕಾಣ್ತಾ ಇದಾಳೆ', 'ಕಪ್ಪು ಮಾಟಗಾತಿ ಬಂದಳು', 'ತುಂಬ ಕೆಟ್ಟದಾಗಿದ್ದಾಳೆ ಮತ್ತು ಕಪ್ಪಗಿದ್ದಾಳೆ', 'ಕರಿ ಬೆಕ್ಕು' ಎಂಬಿತ್ಯಾದಿ ನೆಟ್ಟಿಗರು ಕಾಮೆಂಟ್ ಮಾಡಿದ್ದರು. ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿರುವ ಸುಹಾನಾ ಆಗಾಗ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಈ ಪೋಸ್ಟ್‌ಗಳಿಂದ ಅವರು ಕೆಲವೊಮ್ಮೆ ಟ್ರೋಲ್‌ಗೆ ಒಳಗಾಗುತ್ತಾರೆ.

Also Read-ಶಾರುಖ್‌ ಖಾನ್ ಮಗನ ಜೊತೆ ಕಾಜೋಲ್‌ ಮಗಳು ಓಡಿ ಹೋದರೆ ಕಾಜೋಲ್‌ ಏನು ಹೇಳ್ತಾರೆ?