ಶಾಹಿದ್ ಕಪೂರ್ ಟ್ವಿಟರ್, ಇನ್‌ಸ್ಟ್ರಾಗ್ರಾಮ್ ಖಾತೆಗಳು ಹ್ಯಾಕ್

ಬಾಲಿವುಡ್ ನಟ ಶಾಹಿದ್ ಕಪೂರ್ ಇನ್‌ಸ್ಟಾಗ್ರಾಮ್ ಮತ್ತು ಟ್ಟಿಟರ್ ಖಾತೆಗಳು ಹ್ಯಾಕ್ ಆಗಿದೆ. ದುಃಖದ ಸಂಗತಿ ಎಂದರೆ ಇಂದು ಅವರ ಪತ್ನಿ ಮುದ್ದಾದ ಮಗುವಿಗೆ ಜನ್ಮ ನೀಡಿದ್ದು ಮಗು ಮತ್ತು ಪತ್ನಿಯನ್ನು ಕರುತರುವ ಕೆಲಸದಲ್ಲಿ ಬಿಝಿಯಾಗಿರಬೇಕಾದರೆ ಅವರ ಸಾಮಾಜಿಕ ಮಾಧ್ಯಮ ಖಾತೆಗಳಿಗೆ ಹ್ಯಾಕರ್‌ಗಳು ಕನ್ನ ಹಾಕಿದ್ದಾರೆ.

ಶಾಹಿದ್ ಕಪೂರ್ ಮತ್ತು ಮೀರಾ ಕಪೂರ್ ದಂಪತಿಗಳಿಗೆ ಈಗಾಗಲೆ ಒಂದು ಮಗು ಇದ್ದು, ಇದೀಗ ಎರಡನೇ ಮಗು ಆಗಿದೆ. ಈ ಸಿಹಿ ಸುದ್ದಿಯನ್ನು ಶಾಹಿದ್ ಕಪೂರ್ ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳುತ್ತಾರೆ ಎಂಬ ನಿರೀಕ್ಷೆಯಲ್ಲಿದ್ದ ಅಭಿಮಾನಿಗಳಿಗೆ ಶಾಕ್ ಕಾದಿದೆ.


ಶಾಹಿದ್ ಕಪೂರ್ ಅವರ ವೆರಿಫೈಡ್ ಟ್ವಿಟರ್ ಮತ್ತು ಇನ್‍ಸ್ಟಾಗ್ರಾಮ್ ಖಾತೆಗಳನ್ನು ಟರ್ಕಿಶ್ ಹ್ಯಾಕರ್ ಹ್ಯಾಕ್ ಮಾಡಿದ್ದು ಕೆಲವು ಅಸಂಬದ್ಧ ಸಂದೇಶಗಳು ಹಾಗೂ ವೀಡಿಯೋಗಳನ್ನು ಪೋಸ್ಟ್ ಮಾಡಿದ್ದಾನೆ. 'ಪದ್ಮಾವತ್' ಸಿನಿಮಾದಲ್ಲಿ ಮಹಾರಾವಲ್ ರತನ್ ಸಿಂಗ್ ಪಾತ್ರ ಪೋಷಿಸಿದ್ದರು ಶಾಹಿದ್. ಚಿತ್ರದಲ್ಲಿ ಅಲ್ಲಾವುದ್ದೀನ್ ಖಿಲ್ಜಿ ಜೊತೆಗೆ ಹೋರಾಡುವ ಸನ್ನಿವೇಶಗಳೂ ಇವೆ.


ಸಿನಿಮಾದಲ್ಲಿ ಬಿಂಬಿಸಿರುವಂತೆ ಅಲ್ಲಾವುದ್ದೀನ್ ಖಿಲ್ಜಿ ರಾಕ್ಷಸ ಅಲ್ಲ ಎಂಬುದನ್ನು ಹ್ಯಾಕರ್ ಟ್ವಿಟರ್‌ನಲ್ಲಿ ತಿಳಿಸಿದ್ದಾನೆ. "ಸಿನಿಮಾದಲ್ಲಿ ನೀವು ತೋರಿಸಿದಂತೆ ಅಲ್ಲಾವುದ್ದೀನ್ ಖಿಲ್ಜಿ ಬಾರ್ಬರ್, ಪ್ರಾಣಿ ಅಥವಾ ಹರಾಮಿ ಅಲ್ಲ" ಎಂಬ ಸಂದೇಶವನ್ನೂ ಹಾಕಿದ್ದಾನೆ ಹ್ಯಾಕರ್.