ಅರ್ಹತೆ ಆಧರಿಸಿ ಸಂಭಾವನೆ ಸಿಗಲಿ ಎಂದ ಕಿಂಗ್‌ ಖಾನ್‌

ಬಾಲಿವುಡ್‌ನಲ್ಲಿ ಲಿಂಗ ತಾರತಮ್ಯದ ವಿರುದ್ಧ ಪ್ರತಿಬಾರಿಯೂ ಧ್ವನಿ ಎತ್ತುವ ಶಾರುಖ್‌ ಖಾನ್‌, ಕಲಾವಿದರಿಗೆ ಅರ್ಹತೆಯ ಆಧಾರದ ಮೇಲೆ ಸಂಭಾವನೆ ಸಿಗಬೇಕೇ ಹೊರತು ಲಿಂಗದ ಆಧಾರದ ಮೇಲೆ ಅಲ್ಲ ಎಂದು ಹೇಳಿದ್ದಾರೆ. ನಟ ಮತ್ತು ನಟಿಯರ ಸಂಭಾವನೆಯಲ್ಲಿರುವ ಅಂತರ ಹೋಗಬೇಕು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಎಲ್ಲರಲ್ಲೂ ಪ್ಲಸ್‌ ಪಾಯಿಂಟ್‌ ಮತ್ತು ಮೈನಸ್‌ ಪಾಯಿಂಟ್‌ಗಳಿರುತ್ತವೆ. ಮಹಿಳೆಯರು ತುಂಬಾ ಚೆನ್ನಾಗಿ ಕೆಲಸ ಮಾಡುತ್ತಾರೆ. ಅವರು ನಮ್ಮನ್ನು ಚಿಂತನೆಗೆ ಹಚ್ಚುತ್ತಾರೆ. ನಮ್ಮನ್ನು ಉತ್ತಮ ವ್ಯಕ್ತಿಯನ್ನಾಗಿಸುತ್ತಾರೆ. ಆದರೂ ಅವರು ತಮ್ಮ ಅರ್ಹತೆಗೆ ತಕ್ಕ ಸಂಭಾವನೆ ಪಡೆಯುತ್ತಿಲ್ಲ ಎಂಬುದೇ ದುಃಖದ ವಿಷಯ ಎಂದು ಶಾರುಖ್‌ ಖಾನ್‌ ಹೇಳಿದ್ದಾರೆ.