ಶಾಲೆ ಮುಗಿಯಿತು ಕಲಿಕೆ ಮುಗಿದಿಲ್ಲ ಎಂದು ಪುತ್ರಿಗೆ ಕಿವಿಮಾತು ಹೇಳಿದ ಎಸ್‌ಆರ್‌ಕೆ

ಇತ್ತೀಚೆಗಷ್ಟೇ ಬ್ರಿಟನ್‌ನ ಕಾಲೇಜೊಂದರಲ್ಲಿ ಪದವಿ ಮುಗಿಸಿದ ಶಾರುಖ್‌ ಖಾನ್‌ ಪುತ್ರಿ ಸುಹಾನ ಖಾನ್‌ಗೆ ಕಿಂಗ್‌ ಖಾನ್‌ ಹೇಳಿರುವ ಕಿವಿಮಾತು ಗಮನ ಸೆಳೆದಿದೆ. ಪುತ್ರಿಯ ಗ್ರ್ಯಾಜುಯೇಷನ್‌ ಡೇ ದಿನ ಶಾರುಖ್‌ ಅವರು ಸೋಷಿಯಲ್‌ ಮೀಡಿಯಾದಲ್ಲಿ ಹೃದಯಸ್ಪರ್ಶಿ ಪೋಸ್ಟ್‌ ಮಾಡಿದ್ದು, ಅದರಲ್ಲಿ 4 ವರ್ಷಗಳು ಕಳೆದು ಹೋದವು. ಆರ್ಡಿಂಗ್ಲಿ ಕಾಲೇಜ್‌ನಿಂದ ಪದವಿ ಸಿಕ್ಕಿತು. ಲಾಸ್ಟ್‌ ಪಿಜ್ಜಾ, ಲಾಸ್ಟ್‌ ಟ್ರೇನ್‌ ರೈಡ್‌ ಹಾಗೂ ರಿಯಲ್‌ ಪ್ರಪಂಚಕ್ಕೆ ಮೊದಲ ಹೆಜ್ಜೆ...ಸ್ಕೂಲ್‌ ಕೊನೆಯಾಯಿತು...ಆದರೆ ಕಲಿಕೆ ಕೊನೆಯಾಗಿಲ್ಲ ಎಂದು ಪುತ್ರಿಗೆ ಮೆಸೇಜ್‌ ಬರೆದಿದ್ದಾರೆ.

ಶಾರುಖ್‌ ಅವರು ಪುತ್ರಿಗೆ ಹೇಳಿರುವ ಈ ಮಹತ್ವದ ಸಂದೇಶಕ್ಕೆ ಸೋಷಿಯಲ್‌ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ. ಉತ್ತಮ ನಟ ಮಾತ್ರವಲ್ಲದೆ, ಅಪ್ಪಟ ಫ್ಯಾಮಿಲಿ ಮ್ಯಾನ್‌ ಕೂಡಾ ಆಗಿರುವ ಎಸ್‌ಆರ್‌ಕೆ ತಮ್ಮ ಮಕ್ಕಳಿಗೆ ಮಾಡಬೇಕಾದ ಕರ್ತವ್ಯ ಮತ್ತು ತಂದೆಯಾಗಿ ಅವರಿಗೆ ಮಕ್ಕಳಿಗೆ ನೀಡುವ ಅಗತ್ಯ ಸಲಹೆಗಳ ವಿಷಯದಲ್ಲಿ ಯಾವತ್ತೂ ಹಿಂದೆ ಬಿದ್ದಿಲ್ಲ ಎಂದು ಜನರು ಕಾಮೆಂಟ್‌ ಮಾಡಿದ್ದಾರೆ. ಸುಹಾನ ಖಾನ್‌ ನಟನಾ ವಿಷಯದಲ್ಲಿ ಪದವಿ ಪಡೆದಿದ್ದಾರೆ.