ಪ್ರಭಾಸ್‌ರನ್ನು ಸಹೃದಯಿ ಎಂದ ಶ್ರದ್ಧಾ ಕಪೂರ್‌

ಸಾಹೋ ಸಿನಿಮಾದಲ್ಲಿತಮ್ಮ ಸಹನಟರಾಗಿರುವ ಪ್ರಭಾಸ್‌ರನ್ನು ಬಾಲಿವುಡ್‌ ನಟಿ ಶ್ರದ್ಧಾ ಕಪೂರ್‌ ಸಿಕ್ಕಾಪಟ್ಟೆ ಹೊಗಳಿದ್ದಾರೆ. ಪ್ರಭಾಸ್‌ ದೊಡ್ಡ ಸೂಪರ್‌ಸ್ಟಾರ್‌. ಅದಕ್ಕಿಂತ ಹೆಚ್ಚಾಗಿ ಅವರು ಓರ್ವ ಉತ್ತಮ ಸಹೃದಯಿ. ನಾನು ಮಾತ್ರವಲ್ಲದೆ, ನಮ್ಮ ಇಡೀ ಚಿತ್ರತಂಡ ಅವರ ಈ ಗುಣಕ್ಕೆ ಮಾರು ಹೋಗಿದೆ ಎಂದು ಅವರು ಹೇಳಿದ್ದಾರೆ.

ಈ ಸಿನಿಮಾದ ಶೂಟಿಂಗ್‌ ಅನುಭವವನ್ನು ಹೇಳಿಕೊಂಡಿರುವ ಶ್ರದ್ಧಾ, ಎರಡು ವರ್ಷಗಳಿಂದ ಈ ಸಾಹೋ ಶೂಟಿಂಗ್‌ ಹೈದ್ರಾಬಾದ್‌ನಲ್ಲಿನಡೆದಿದೆ. ಈ ನಗರ ನನಗೀಗ ಎರಡನೇ ಮನೆಯಂತಾಗಿದೆ. ಇಡೀ ಚಿತ್ರತಂಡ ನನ್ನನ್ನು ತಮ್ಮ ಕುಟುಂಬದ ಸದಸ್ಯಳಂತೆ ನೋಡಿಕೊಂಡಿದ್ದಾರೆ ಎಂದಿದ್ದಾರೆ. ಈ ವರ್ಷದ ಬಹು ನಿರೀಕ್ಷೆಯ ಆ್ಯಕ್ಷನ್‌ ಥ್ರಿಲ್ಲರ್‌ ಸಿನಿಮಾ ಸಾಹೋ ಆಗಸ್ಟ್‌ 30ರಂದು ಬಿಡುಗಡೆಯಾಗಲಿದೆ.