ಶ್ರುತಿ ಹಾಸನ್‌ ಪ್ರೇಮ ಸಂಬಂಧದಲ್ಲಿ ಬಿರುಕು

ಕಮಲ್‌ ಹಾಸನ್‌ ಪುತ್ರಿ ಶ್ರುತಿ ಹಾಸನ್‌ ಮತ್ತು ಬ್ರಿಟಿಷ್‌ ನಟ ಮೈಕಲ್‌ ಕೊರ್ಸೆಲ್‌ ನಡುವಿನ ಪ್ರೇಮ ಸಂಬಂಧದಲ್ಲಿ ಬಿರುಕು ಕಂಡುಬಂದಿದೆ ಎಂದು ಹೇಳಲಾಗುತ್ತಿದೆ. ಇವರಿಬ್ಬರಲ್ಲಿ ಪರಸ್ಪರ ವೈಮನಸ್ಸು ಮೂಡಿದ್ದು, ಪ್ರೇಮ ಸಂಬಂಧ ಹದಗೆಟ್ಟಿದೆ ಎಂದು ವರದಿಯಾಗಿದೆ. ನಟಿ ಮತ್ತು ಗಾಯಕಿ ಶ್ರುತಿ ಹಾಸನ್‌ ಮತ್ತು ಮೈಕಲ್‌ ಕೆಲವು ವರ್ಷಗಳಿಂದ ಒಟ್ಟಿಗೆ ಓಡಾಡುತ್ತಿದ್ದರು ಮತ್ತು ಶ್ರುತಿ ಕುಟುಂಬದ ಕೆಲವು ಸಮಾರಂಭಗಳಲ್ಲೂ ಕಾಣಿಸಿಕೊಂಡಿದ್ದರು.

ತಾವಿಬ್ಬರು ಲವ್‌ ಬರ್ಡ್ಸ್ ಎಂದು ಅವರು ಎಲ್ಲಿಯೂ ಹೇಳಿಕೊಳ್ಳದಿದ್ದರೂ, ತಾವಿಬ್ಬರು ಜತೆಯಾಗಿರುವ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿಕೊಳ್ಳಲು ಹಿಂಜರಿಯುತ್ತಿರಲಿಲ್ಲ. ಆದರೆ ಇತ್ತೀಚೆಗೆ ಶ್ರುತಿ ತಮ್ಮ ಇನ್‌ಸ್ಟಾಗ್ರಾಮ್‌ ಅಕೌಂಟ್‌ನಿಂದ ತಮ್ಮಿಬ್ಬರ ಕೆಲವು ಫೋಟೋಗಳನ್ನು ಡಿಲೀಟ್‌ ಮಾಡಿದ್ದಾರಂತೆ. ಮೈಕಲ್‌ ಕೂಡಾ ಈ ಮೊದಲಿನಂತೆ ಶ್ರುತಿಯ ವೃತ್ತಿ ಬದುಕಿಗೆ ಪೂರಕವಾಗುವ ಯಾವುದೇ ಕಾಮೆಂಟ್‌ಗಳನ್ನು ಹಾಕುತ್ತಿಲ್ಲ ಎಂದು ತಿಳಿದುಬಂದಿದೆ. ಶ್ರುತಿ ಇನ್‌ಸ್ಟಾಗ್ರಾಮ್‌ನಲ್ಲಿ ಶೇರ್‌ ಮಾಡಿಕೊಂಡಿರುವ ಲೇಟೆಸ್ಟ್‌ ಪೋಸ್ಟ್‌ನಲ್ಲಿ ತಮ್ಮ ಸಿನಿಮಾ ಮತ್ತು ಸಂಗಿತ ಕರಿಯರ್‌ ಬಗ್ಗೆ ಮಾತ್ರ ಹೇಳಿಕೊಂಡಿದ್ದಾರೆ.