ನಟಿ ಸೋನಾಕ್ಷಿ ಸಿನ್ಹಾ ಅರೆಸ್ಟ್ ಆಗಿರುವ ವೀಡಿಯೊ ವೈರಲ್

ನಟಿ ಸೋನಾಕ್ಷಿ ಸಿನ್ಹಾ ಬಂಧನಕ್ಕೊಳಗಾಗಿರುವ ವೀಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಸೋನಾಕ್ಷಿ ಕೈಗಳಿಗೆ ಹಿಂಬದಿಯಿಂದ ಕೋಳ ತೊಡಿಸುತ್ತಿರುವ ದೃಶ್ಯವನ್ನು ವೀಡಿಯೊದಲ್ಲಿ ಕಾಣಬಹುದು.

"ನನ್ನನ್ನು ನೀವು ಬಂಧಿಸಲು ಸಾಧ್ಯವಿಲ್ಲ. ನಾನ್ಯಾರು ಗೊತ್ತಾ? ನಾನು ಮುಗ್ಧೆ, ನನಗೇನು ಗೊತ್ತಿಲ್ಲ. ನನ್ನನ್ನು ಈ ರೀತಿ ಹೇಗೆ ಬಂಧಿಸಲು ಸಾಧ್ಯ?" ಎಂದು ಸೋನಾಕ್ಷಿ ಕೂಗುತ್ತಿರುವನ್ನೂ ವೀಡಿಯೊದಲ್ಲಿ ಕೇಳಬಹುದು. ನಿಜವಾಗಿಯೂ ಸೋನಾಕ್ಷಿ ಬಂಧನಕ್ಕೊಳಗಾದರೆ ಅಥವಾ ಇದು ಪ್ರಚಾರ ತಂತ್ರವೇ ಎಂಬುದು ಇನ್ನಷ್ಟೇ ಗೊತ್ತಾಗಬೇಕು.

ಕೆಲ ತಿಂಗಳ ಹಿಂದೆ ಕಾರ್ಯಕ್ರಮದ ಆಯೋಜಕರನ್ನು ಸೋನಾಕ್ಷಿ ವಂಚಿಸಿದ್ದು ಕಾನೂನು ತೊಂದರೆಗೆ ಸಿಲುಕಿದ್ದಾರೆ ಎನ್ನಲಾಗಿದೆ. ಉತ್ತರ ಪ್ರದೇಶದಲ್ಲಿ ಸೋನಾಕ್ಷಿ ವಿರುದ್ಧ ಪ್ರಕರಣವನ್ನೂ ದಾಖಲಿಸಲಾಗಿದೆ ಎಂಬ ಸುದ್ದಿ ಇದೆ. ಮಿಷನ್ ಮಂಗಲ್ ಚಿತ್ರೀಕರಣಲ್ಲಿ ಈ ಘಟನೆ ನಡೆದಿದೆಯಂತೆ.

ಈ ವೀಡಿಯೊ ಜತೆಗೆ ಇನ್ನೊಂದು ವೀಡಿಯೊ ಸಹ ಹರಿದಾಡುತ್ತಿದ್ದು, ಬಂಧನದಿಂದ ಸೋನಾಕ್ಷಿ ತಪ್ಪಿಸಿಕೊಳ್ಳುತ್ತಿರುವ ದೃಶ್ಯಗಳನ್ನು ಸೆರೆಹಿಡಿಯಲಾಗಿದೆ. ಇದು ನಕಲಿಯೋ ಅಸಲಿಯೋ ಅಥವಾ ಗಿಮ್ಮಿಕ್ ಇರಬಹುದೇ ಎಂದು ಅಭಿಮಾನಿಗಳು ಅನುಮಾನ ವ್ಯಕ್ತಪಡಿಸಿದ್ದಾರೆ.