'ಕಳಂಕ್' ಸಿನಿಮಾ ಬಾಕ್ಸ್ ಆಫೀಸಲ್ಲಿ ನಿರೀಕ್ಷಿಸಿದ ಮಟ್ಟದಲ್ಲಿ ಗೆಲುವು ಸಾಧಿಸದಿದ್ದದ್ದು ತನ್ನ ದುರದೃಷ್ಟ ಎಂದಿದ್ದಾರೆ ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ. ಮಾಧುರಿ ದೀಕ್ಷಿತ್, ವರುಣ್ ಧವನ್, ಆದಿತ್ಯಾ ರಾಯ್ ಕಪೂರ್, ಸಂಜಯ್ ದತ್ ಮತ್ತು ಸೋನಾಕ್ಷಿ ಸಿನ್ಹಾ ಬಹು ತಾರಾಗಣದ ಸಿನಿಮಾ ಇದು.
ಅಭಿಷೇಕ್ ವರ್ಮನ್ ನಿರ್ದೇಶನದ ಈ ಸಿನಿಮಾ ಏಪ್ರಿಲ್ 17ರಂದು ಪ್ರೇಕ್ಷಕರ ಮುಂದೆ ಬಂತು. ಭಾರಿ ನಿರೀಕ್ಷೆಗಳೊಂದಿಗೆ ರಿಲೀಸ್ ಆದ ಸಿನಿಮಾ ನಿರೀಕ್ಷಿಸಿದ ಮಟ್ಟದಲ್ಲಿ ಯಶಸ್ಸು ಸಾಧಿಸಲಿಲ್ಲ. ಐದು ದಿನಗಳಲ್ಲಿ ವಿದೇಶಗಳಲ್ಲಿ 33 ಕೋಟಿ ರೂ, ಭಾರತದಲ್ಲಿ 66 ಕೋಟಿ ರೂ. ಗಳಿಸಿದ್ದಾಗಿ ಸಿನಿ ವಿಶ್ಲೇಷಕರು ಅಂದಾಜಿಸಿದ್ದಾರೆ.
ಈ ಚಿತ್ರದ ವೈಫಲ್ಯದ ಬಗ್ಗೆ ಸೋನಾಕ್ಷಿ ಸಿನ್ಹಾ ಮಾತನಾಡಿದ್ದು ತಮ್ಮ ಬೇಗುದಿಯನ್ನು ಹೊರಹಾಕಿದ್ದಾರೆ. ಕಳಂಕ್ ಜತೆಗೆ ತನ್ನ ಈ ಹಿಂದಿನ ಚಿತ್ರಗಳಿಗೂ ಸಹ ಅಷ್ಟಾಗಿ ಪ್ರೇಕ್ಷಕರ ಆದರಣೆ ಸಿಗದೆ ಇರುವ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ.
"ನನಗೆ ಪ್ರತಿ ಸಿನಿಮಾ ಮುಖ್ಯ. ಪ್ರತಿ ಸಿನಿಮಾ ಹಿಟ್ ಆಗಬೇಕೆಂದು ಪ್ರಾರ್ಥಿಸುತ್ತೇನೆ. ಆದರೆ ನನ್ನ ಈ ಹಿಂದಿನ ಸಿನಿಮಾಗಳು ಪರಾಜಯವಾಗಿದ್ದು ನನ್ನ ದುರದೃಷ್ಟ. ಆದರೂ ನಾನು ಆತ್ಮವಿಶ್ವಾಸ ಕಳೆದುಕೊಳ್ಳಲ್ಲ. ದಿ ಬೆಸ್ಟ್ಗಾಗಿ ಮುಂದೆ ಸಾಗುತ್ತಲೇ ಇರುತ್ತೇನೆ. ಸಿನಿಮಾಗಳನ್ನು ನಾನು ತುಂಬಾ ಎಚ್ಚರಿಕೆಯಿಂದಲೇ ಆಯ್ಕೆ ಮಾಡಿಕೊಳ್ಳುತ್ತೇನೆ. ಆದರೆ ಬಾಕ್ಸ್ ಆಫೀಸ್ ನನ್ನ ನಿಯಂತ್ರಣದಲ್ಲಿ ಇರಲ್ಲ ಅಲ್ಲವೇ?" ಎಂದಿದ್ದಾರೆ ಸೋನಾಕ್ಷಿ.
"ಓರ್ವ ನಟಿಯಾಗಿ ನಟನೆ ಮಾತ್ರ ನನ್ನ ನಿಯಂತ್ರಣದಲ್ಲಿರುತ್ತದೆ. ನಾನು ನಟಿಸಿದ ಪ್ರತಿ ಸಿನಿಮಾ ನನಗೆ ಹೊಸ ವಿಷಯವನ್ನು ಕಲಿಸುತ್ತದೆ. ಆ ಅನುಭವವನ್ನು ಎಂಜಾಯ್ ಮಾಡುತ್ತೇನೆ. ಭುಜ್: ದಿ ಪ್ರೈಡ್ ಆಫ್ ಇಂಡಿಯಾಗೆ ಸಹಿ ಹಾಕಿದ್ದೇನೆ. ಜೂನ್ನಲ್ಲಿ ಈ ಸಿನಿಮಾ ಶೂಟಿಂಗ್ ಆರಂಭವಾಗಲಿದೆ. ಇದರಲ್ಲಿ ಅದ್ಭುತ ಪಾತ್ರ ಪೋಷಿಸುತ್ತಿದ್ದೇನೆ" ಎಂದಿದ್ದಾರೆ ಸೋನಾಕ್ಷಿ. ಇನ್ನೊಂದು ಕಡೆ ದಬಾಂಗ್ 3 ಸಿನಿಮಾದಲ್ಲಿ ಸಲ್ಮಾನ್ ಖಾನ್ಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ. ಈ ಚಿತ್ರದ ಶೂಟಿಂಗ್ ಸದ್ಯಕ್ಕೆ ಭರದಿಂದ ಸಾಗಿದೆ.
ಅಭಿಷೇಕ್ ವರ್ಮನ್ ನಿರ್ದೇಶನದ ಈ ಸಿನಿಮಾ ಏಪ್ರಿಲ್ 17ರಂದು ಪ್ರೇಕ್ಷಕರ ಮುಂದೆ ಬಂತು. ಭಾರಿ ನಿರೀಕ್ಷೆಗಳೊಂದಿಗೆ ರಿಲೀಸ್ ಆದ ಸಿನಿಮಾ ನಿರೀಕ್ಷಿಸಿದ ಮಟ್ಟದಲ್ಲಿ ಯಶಸ್ಸು ಸಾಧಿಸಲಿಲ್ಲ. ಐದು ದಿನಗಳಲ್ಲಿ ವಿದೇಶಗಳಲ್ಲಿ 33 ಕೋಟಿ ರೂ, ಭಾರತದಲ್ಲಿ 66 ಕೋಟಿ ರೂ. ಗಳಿಸಿದ್ದಾಗಿ ಸಿನಿ ವಿಶ್ಲೇಷಕರು ಅಂದಾಜಿಸಿದ್ದಾರೆ.
ಈ ಚಿತ್ರದ ವೈಫಲ್ಯದ ಬಗ್ಗೆ ಸೋನಾಕ್ಷಿ ಸಿನ್ಹಾ ಮಾತನಾಡಿದ್ದು ತಮ್ಮ ಬೇಗುದಿಯನ್ನು ಹೊರಹಾಕಿದ್ದಾರೆ. ಕಳಂಕ್ ಜತೆಗೆ ತನ್ನ ಈ ಹಿಂದಿನ ಚಿತ್ರಗಳಿಗೂ ಸಹ ಅಷ್ಟಾಗಿ ಪ್ರೇಕ್ಷಕರ ಆದರಣೆ ಸಿಗದೆ ಇರುವ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ.
"ನನಗೆ ಪ್ರತಿ ಸಿನಿಮಾ ಮುಖ್ಯ. ಪ್ರತಿ ಸಿನಿಮಾ ಹಿಟ್ ಆಗಬೇಕೆಂದು ಪ್ರಾರ್ಥಿಸುತ್ತೇನೆ. ಆದರೆ ನನ್ನ ಈ ಹಿಂದಿನ ಸಿನಿಮಾಗಳು ಪರಾಜಯವಾಗಿದ್ದು ನನ್ನ ದುರದೃಷ್ಟ. ಆದರೂ ನಾನು ಆತ್ಮವಿಶ್ವಾಸ ಕಳೆದುಕೊಳ್ಳಲ್ಲ. ದಿ ಬೆಸ್ಟ್ಗಾಗಿ ಮುಂದೆ ಸಾಗುತ್ತಲೇ ಇರುತ್ತೇನೆ. ಸಿನಿಮಾಗಳನ್ನು ನಾನು ತುಂಬಾ ಎಚ್ಚರಿಕೆಯಿಂದಲೇ ಆಯ್ಕೆ ಮಾಡಿಕೊಳ್ಳುತ್ತೇನೆ. ಆದರೆ ಬಾಕ್ಸ್ ಆಫೀಸ್ ನನ್ನ ನಿಯಂತ್ರಣದಲ್ಲಿ ಇರಲ್ಲ ಅಲ್ಲವೇ?" ಎಂದಿದ್ದಾರೆ ಸೋನಾಕ್ಷಿ.
"ಓರ್ವ ನಟಿಯಾಗಿ ನಟನೆ ಮಾತ್ರ ನನ್ನ ನಿಯಂತ್ರಣದಲ್ಲಿರುತ್ತದೆ. ನಾನು ನಟಿಸಿದ ಪ್ರತಿ ಸಿನಿಮಾ ನನಗೆ ಹೊಸ ವಿಷಯವನ್ನು ಕಲಿಸುತ್ತದೆ. ಆ ಅನುಭವವನ್ನು ಎಂಜಾಯ್ ಮಾಡುತ್ತೇನೆ. ಭುಜ್: ದಿ ಪ್ರೈಡ್ ಆಫ್ ಇಂಡಿಯಾಗೆ ಸಹಿ ಹಾಕಿದ್ದೇನೆ. ಜೂನ್ನಲ್ಲಿ ಈ ಸಿನಿಮಾ ಶೂಟಿಂಗ್ ಆರಂಭವಾಗಲಿದೆ. ಇದರಲ್ಲಿ ಅದ್ಭುತ ಪಾತ್ರ ಪೋಷಿಸುತ್ತಿದ್ದೇನೆ" ಎಂದಿದ್ದಾರೆ ಸೋನಾಕ್ಷಿ. ಇನ್ನೊಂದು ಕಡೆ ದಬಾಂಗ್ 3 ಸಿನಿಮಾದಲ್ಲಿ ಸಲ್ಮಾನ್ ಖಾನ್ಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ. ಈ ಚಿತ್ರದ ಶೂಟಿಂಗ್ ಸದ್ಯಕ್ಕೆ ಭರದಿಂದ ಸಾಗಿದೆ.