ಕ್ಯಾನ್ಸರ್‌ ಬಾಧಿತರು ಸದಾ ವೀಲ್‌ಚೇರ್‌ನಲ್ಲಿ ಕುಳಿತುಕೊಳ್ಳಬೇಕು ಮತ್ತು ತಲೆಗೆ ವಿಗ್‌ ಧರಿಸಬೇಕು ಎಂಬೊಂದು ಚಿತ್ರಣವನ್ನು ನಾವು ಬದಲಾಯಿಸಬೇಕು ಎಂದು ಹೇಳಿರುವ ಬಾಲಿವುಡ್‌ ನಟಿ ಸೋನಾಲಿ ಬೇಂದ್ರೆ, ಇವುಗಳನ್ನು ಅವಲಂಬಿಸದೆ ನಾವು ಹೇಗೆ ಇದ್ದೆವೆಯೊ ಅದೇ ರೀತಿ ಜನರ ಮುಂದೆ ಕಾಣಿಸಿ ಕೊಳ್ಳಬೇಕು ಎಂದಿದ್ದಾರೆ.

ಇತ್ತೀಚೆಗೆ ಸಂದರ್ಶನ ವೊಂದರಲ್ಲಿ ತಮ್ಮ ಕ್ಯಾನ್ಸರ್‌ ಚಿಕಿತ್ಸೆಯ ದಿನಗಳ ಕೆಲವು ಅನುಭವಗಳನ್ನು ಶೇರ್‌ ಮಾಡಿಕೊಂಡಿರುವ ಅವರು, ಚಿಕಿತ್ಸೆಯ ಸಂದರ್ಭದಲ್ಲಿವಿಗ್‌ ಧರಿಸಿ ವೀಲ್‌ಚೇರ್‌ ಮೇಲೆ ಕುಳಿತುಕೊಳ್ಳುವುದು ನನಗೆ ಇಷ್ಟವಿರಲಿಲ್ಲ. ನಾನು ಭಾರತಕ್ಕೆ ಬಂದಾಗ ವಿಮಾನದಲ್ಲಿ ನನಗಾಗಿ ವಿಗ್‌, ವೀಲ್‌ಚೇರ್‌ ಮುಂತಾದ ಸೌಲಭ್ಯ ಮಾಡಿಟ್ಟಿದ್ದರು. ಆಗ ನಾನು ಖಡಾಖಂಡಿತವಾಗಿ ನನಗೆ ಇದ್ಯಾವುದೂ ಬೇಡ. ನನಗೆ ಹಾಗೆಯೇ ಹೋಗಲು ಬಿಡಿ ಎಂದು ಹೇಳಿದೆ. ಹೊರಗಡೆ ನನಗಾಗಿ ಕಾಯುತ್ತಿದ್ದ ಮಾಧ್ಯಮದವರಿಗೂ ನಾನು ಬಾಲ್ಡ್‌ ಆಗಿದ್ದೇನೆ. ಓಕೆ ಅಲ್ವಾ ಎಂದು ಕೇಳಿದೆ ಎಂದು ಸೋನಾಲಿ ವಿವರಿಸಿದ್ದಾರೆ. ನನ್ನ ಬೊಕ್ಕ ತಲೆ ನೋಡಿ ಹೊರಗಿದ್ದ ಜನರು ಸ್ತಬ್ಧರಾಗಿಬಿಟ್ಟಿದ್ದರು.

ಸೋನಾಲಿ ಬೇಂದ್ರೆ ಮೇಲೆ ಕ್ರಶ್‌ ಇರ್ಲೇ ಇಲ್ಲ ಎಂದ ಶೋಯಿಬ್‌

ನನ್ನ ಸುಂದರ ಮುಖ, ಕೂದಲು, ಲುಕ್‌ ನೋಡಿ ಗೊತ್ತಿದ್ದ ಅವರಿಗೆ ಬೊಕ್ಕ ತಲೆಯಲ್ಲಿನನ್ನನ್ನು ಕಲ್ಪಿಸಿಕೊಳ್ಳುವುದು ತುಂಬಾ ಕಷ್ಟವಾಗಿತ್ತು. ಕೊನೆಗೂ ಅವರಿಗೆ ನನ್ನ ಉದ್ದೇಶ ಮನವರಿಕೆಯಾಯಿತು. ನಮ್ಮ ಲುಕ್‌ ಅನ್ನು ಮೊದಲಿಗೆ ನಾವು ಒಪ್ಪಿಕೊಂಡರೆ, ನಾವಿರುವ ರೀತಿಯನ್ನು ಜನರು ಖಂಡಿತಾ ಒಪ್ಪಿಕೊಳ್ಳುತ್ತಾರೆ ಎಂದು ಸೋನಾಲಿ ಬೇಂದ್ರೆ ಹೇಳಿದ್ದಾರೆ.

ಶಿಕ್ಷಣ ಸಂಸ್ಥೆಗಳ ಮೇಲಿನ ದಾಳಿ ನನ್ನನ್ನು ಅಲುಗಾಡಿಸಿದೆ: ನಟಿ ಸೋನಾಲಿ ಬೇಂದ್ರೆ