'ಇನ್‌ಸ್ಟಾಗ್ರಾಮ್‌ಗೆ ಹಾಕಲು ಒಳ್ಳೆಯ ಫೋಟೋ ಬೇಕು, ಬಟ್ಟೆ ಹೇಗಾದರೂ ಇರಲಿ': ಅನನ್ಯಾ ಪಾಂಡೆ!

ನಟಿ ಅನನ್ಯಾ ಪಾಂಡೆ ಅವರಿಗೆ ಈಗಿನ್ನೂ 22ರ ಪ್ರಾಯ. ಬಾಲಿವುಡ್‌ನಲ್ಲಿ ಮಾಡಿರುವುದು ಮೂರು ಸಿನಿಮಾ ಮಾತ್ರ. ಆದರೆ ಅವರ ಜನಪ್ರಿಯತೆ ಕಡಿಮೆ ಏನಿಲ್ಲ. ಇನ್‌ಸ್ಟಾಗ್ರಾಮ್‌ನಲ್ಲಿ ಬರೋಬ್ಬರಿ ಒಂದೂವರೆ ಕೋಟಿಗಿಂತಲೂ ಅಧಿಕ ಫಾಲೋವರ್ಸ್‌ ಹೊಂದಿದ್ದಾರೆ ಈ ಸುಂದರಿ. ಹಾಗಂತ ಅವರಿಗೆ ಆನ್‌ಲೈನ್‌ನಲ್ಲಿ ಟ್ರೋಲ್‌ ಕಾಟ ತಪ್ಪಿದ್ದಲ್ಲ. ಅದರ ಬಗ್ಗೆ ಅನನ್ಯಾ ಮಾತನಾಡಿದ್ದಾರೆ.

ಸೋಶಿಯಲ್‌ ಮೀಡಿಯಾದಲ್ಲಿ ಹೆಚ್ಚು ಸಕ್ರಿಯವಾಗಿರುವ ಅನನ್ಯಾ ಪಾಂಡೆ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹೊಸ ಹೊಸ ಫೋಟೋಗಳನ್ನು ಅಪ್‌ಲೋಡ್‌ ಮಾಡುತ್ತಲೇ ಇರುತ್ತಾರೆ. ಅವುಗಳಿಗೆ ನೆಟ್ಟಿಗರಿಂದ ಮೆಚ್ಚುಗೆ ಸಿಗುವ ರೀತಿಯಲ್ಲೇ ಟೀಕೆಗಳು ಕೂಡ ಬರುತ್ತವೆ. ಮೊದಲೆಲ್ಲ ಈ ಟ್ರೋಲ್‌ಗಳ ಬಗ್ಗೆ ತಲೆ ಕೆಡಿಸಿಕೊಳ್ಳುತ್ತಿದ್ದ ಅವರು ಈಗ ತಲೆ ಕೆಡಿಸಿಕೊಳ್ಳುತ್ತಿಲ್ಲ. ಕರೀನಾ ಕಪೂರ್‌ ನಡೆಸಿಕೊಡುವ 'ವಾಟ್‌ ವಿಮೆನ್‌ ವಾಂಟ್‌' ಟಾಕ್‌ ಶೋನಲ್ಲಿ ಅನನ್ಯಾ ಈ ಕುರಿತು ವಿವರಿಸಿದ್ದಾರೆ.

'ನಾನು ಯಾವುದೇ ರೀತಿ ಬಟ್ಟೆ ಹಾಕಿದರೂ ಜನರು ಟ್ರೋಲ್‌ ಮಾಡುವುದು ತಪ್ಪುವುದಿಲ್ಲ. ಎಲ್ಲಿಯವರೆಗೆ ನನಗೆ ಈ ಬಟ್ಟೆಗಳು ಕಂಫರ್ಟ್‌ ಎನಿಸುತ್ತವೆಯೋ ಅಲ್ಲಿಯವರೆಗೆ ಅವುಗಳನ್ನೇ ಧರಿಸುತ್ತೇನೆ. ಎಲ್ಲಿಯವರೆಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಅಪ್‌ಲೋಡ್‌ ಮಾಡಲು ನನಗೆ ಒಳ್ಳೆಯ ಫೋಟೋಗಳು ಸಿಗುತ್ತಿವೆಯೋ ಅಲ್ಲಿಯವರೆಗೆ ಬಟ್ಟೆಗಳ ಕುರಿತ ಟ್ರೋಲ್‌ಗೆ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ' ಎಂದಿದ್ದಾರೆ ಅನನ್ಯಾ.

also read: ವಿಜಯ್‌ ದೇವರಕೊಂಡ-ಅನನ್ಯಾ ಪಾಂಡೆಗೆ ಇದು ಮೊದಲ ಅನುಭವ! ಇಬ್ಬರೂ ಆಗಿದ್ರು ನರ್ವಸ್‌!

ಜನಪ್ರಿಯ ಬಾಲಿವುಡ್‌ ನಟ ಚಂಕಿ ಪಾಂಡೆ ಪುತ್ರಿಯಾದ ಅನನ್ಯಾ 'ಸ್ಟೂಡೆಂಟ್‌ ಆಫ್‌ ದಿ ಇಯರ್‌', 'ಪತಿ ಪತ್ನಿ ಔರ್‌ ವೋ' ಹಾಗೂ 'ಖಾಲಿ ಪೀಲಿ' ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಅಂಗ್ರೇಜಿ ಮೀಡಿಯಂ' ಚಿತ್ರದ ಒಂದು ಹಾಡಿನಲ್ಲೂ ಕಾಣಿಸಿಕೊಂಡಿದ್ದಾರೆ. ಪ್ರಸ್ತುತ ಅವರು ನಟ ವಿಜಯ್‌ ದೇವರಕೊಂಡ ಜೊತೆ ಬಹುಭಾಷಾ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅದಕ್ಕೆ ಖ್ಯಾತ ನಿರ್ದೇಶಕ ಪೂರಿ ಜಗನ್ನಾಥ್‌ ಆ್ಯಕ್ಷನ್‌-ಕಟ್ ಹೇಳುತ್ತಿದ್ದಾರೆ.

also read: ಹೆಲ್ಮೆಟ್‌ ಇಲ್ಲದೆ ವಿಜಯ್‌ ದೇವರಕೊಂಡ-ಅನನ್ಯಾ ಪಾಂಡೆ ಅಪಾಯಕಾರಿ ಬೈಕ್‌ ಸ್ಟಂಟ್‌!