ಶ್ರೀಲಂಕಾ ಪ್ರೀಮಿಯರ್ ಲೀಗ್: ಕ್ಯಾಂಡಿ ಫ್ರಾಂಚೈಸ್ ಟೀಂ ಖರೀದಿ ಮಾಡಿದ ಸಲ್ಮಾನ್ ಖಾನ್ ಕುಟುಂಬ!

ಬಾಲಿವುಡ್ ನಟ ಸಲ್ಮಾನ್ ಖಾನ್ ಕುಟುಂಬವು ಲಂಕಾ ಪ್ರೀಮಿಯರ್ ಲೀಗ್‌ನಲ್ಲಿ ಕ್ಯಾಂಡಿ ಟಸ್ಕರ್ಸ್ ಫ್ರಾಂಬೈಸ್‌ನ್ನು ಖರೀದಿ ಮಾಡಿದೆಯಂತೆ. ನವೆಂಬರ್ 21ರಿಂದ ಶ್ರೀಲಂಕಾ ಪ್ರೀಮಿಯರ್ ಲೀಗ್ ಟಿ20 ಟೂರ್ನಿ ನಡೆಯಲಿದೆ. ಇದಕ್ಕೂ ಎರಡು ದಿನ ಮುನ್ನ ಆಟಗಾರರ ಹರಾಜು ಪ್ರಕ್ರಿಯೆ ನಡೆದಿದೆ.

ಶ್ರೀಲಂಕಾ ಟೀಂ ಖರೀದಿ ಮಾಡಿದ ಸಲ್ಮಾನ್ ಖಾನ್ ಕುಟುಂಬ!
ಸಲ್ಮಾನ್ ಖಾನ್ ಅವರ ಸಹೋದರ ಸೋಹೈಲ್ ಖಾನ್, ಹಾಗೂ ಕಥೆಗಾರ ಸಲೀಮ್ ಖಾನ್ ಅವರು ಹೂಡಿಕೆ ಮಾಡಿದ್ದಾರೆ. ಈ ಬಗ್ಗೆ ಸಲ್ಮಾನ್ ಖಾನ್ ಕುಟುಂಬ ಮಾಹಿತಿಯನ್ನು ದೃಢಪಡಿಸಿದೆ. ಈ ಬಗ್ಗೆ 'ಟೈಮ್ಸ್ ಆಫ್ ಇಂಡಿಯಾ'ಕ್ಕೆ ಮಾಹಿತಿ ನೀಡಿರುವ ಸಲ್ಮಾನ್ ಕುಟುಂಬ, 'ಅವರಲ್ಲಿ ಹೆಚ್ಚಿನ ಸಾಮರ್ಥ್ಯವಿದೆ' ಎಂದು ಹೇಳಿದೆ.

ಸಲ್ಮಾನ್ ಖಾನ್ ಖರೀದಿ ಮಾಡಿದ ಟೀಂನಲ್ಲಿ ಯಾರಿದ್ದಾರೆ?
ಅರ್ಬಾಜ್ ಖಾನ್, ಸಲ್ಮಾನ್ ಖಾನ್, ಸೋಹೈಲ್ ಖಾನ್ ಸಹೋದರರಲ್ಲಿ ಸಲ್ಮಾನ್ ಖಾನ್ ಅವರೇ ಎಲ್ಲ ಮ್ಯಾಚ್‌ಗಳಲ್ಲೂ ಭಾಗಿಯಾಗಲಿದ್ದಾರಂತೆ. ಶ್ರೀಲಂಕಾದಲ್ಲಿ 5 ಟೀಂಗಳಿದ್ದು, ಅವು Colombo Kings, Dambulla Hawks, Galle Gladiators, Jaffna Stallions and Kandy Tuskers. ಕ್ಯಾಂಡಿ ಟಸ್ಕರ್ಸ್ ಟೀಂನಲ್ಲಿ ಕುಸಾಲ್ ಪೆರೆರಾ, ಕ್ರಿಸ್ ಗೇಲ್, ಲಿಯಾಮ್ ಪ್ಲಂಕೆಟ್, ವಹಾಬ್ ರಯೇಜ್, ಕುಸಾಲ್ ಮೆಂಡಿಸ್ ಇದ್ದಾರೆ. ಕ್ರಿಸ್ ಗೇಲ್ ಅವರು ಸೋಹೈಲ್ ಟೀಂನಲ್ಲಿರೋದು ಅವರಿಗೆ ತುಂಬ ಖುಷಿಯಾದ ವಿಚಾರವಂತೆ.

ಸಿಕ್ಕಾಪಟ್ಟೆ ಬ್ಯುಸಿ ಸಲ್ಮಾನ್ ಖಾನ್!
ಸಲ್ಮಾನ್ ಖಾನ್ ಅವರು ಹಿಂದಿ ಬಿಗ್ ಬಾಸ್ 14 ನಿರ್ವಹಣೆ ಮಾಡುತ್ತಿದ್ದಾರೆ. ಇದರ ಜೊತೆಗೆ ಸಿನಿಮಾ ಕೆಲಸಗಳಲ್ಲಿಯೂ ಭಾಗಿಯಾಗುತ್ತಿದ್ದಾರೆ. ಲಾಕ್‌ಡೌನ್ ಟೈಮ್‌ನಲ್ಲಿ ಸಲ್ಮಾನ್ ಖಾನ್ ಅವರು ಕೃಷಿ ಚಟುವಟಿಕೆಯಲ್ಲಿಯೂ ಭಾಗಿಯಾಗಿದ್ದರು. 'ರಾಧೆ', 'ಕಭಿ ಈದ್ ಕಭಿ ದಿವಾಲಿ', 'ಟೈಗರ್ ಆಯೇಗಾ' ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ನಟನೆ, ನಿರ್ಮಾಣ, ನಿರೂಪಣೆ ಹೀಗೆ ಅನೇಕ ರಂಗದಲ್ಲಿ ಸಲ್ಮಾನ್ ಖಾನ್ ಬ್ಯುಸಿಯಿದ್ದಾರೆ. 2008ರಿಂದ ಇಲ್ಲಿಯವರೆಗೆ ಸಲ್ಮಾನ್ ಖಾನ್ ಅವರು ಕಿರುತೆರೆಯಲ್ಲಿಯೂ ಸಕ್ರಿಯರಾಗಿದ್ದಾರೆ.

Also Read-ಬೆಂಗಳೂರಿನಲ್ಲಿ ಸಾವು-ಬದುಕಿನ ನಡುವೆ ಹೋರಾಡುತ್ತಿರುವ ನಟನಿಗೆ ಸಲ್ಮಾನ್‌ ಖಾನ್‌ ಸಹಾಯ!

ಫರಾಜ್ ಖಾನ್‌ಗೆ ಸಹಾಯ!
'ಫರೆಬ್‌', ಮೆಹೆಂದಿ' ಮುಂತಾದ ಬಾಲಿವುಡ್‌ ಸಿನಿಮಾಗಳಲ್ಲಿ ಹೀರೋ ಆಗಿ ನಟಿಸಿದ್ದ ಫರಾಜ್‌ ಖಾನ್‌ ಅವರು ಶ್ವಾಸಕೋಶದ ಇನ್‌ಫೆಕ್ಷನ್‌ಗೆ ಒಳಗಾಗಿ, ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ಚಿಕಿತ್ಸೆಗೂ ಹಣವಿಲ್ಲದೆ ಪರದಾಡುತ್ತಿರುವ ಅವರಿಗೆ ನಟ ಸಲ್ಮಾನ್‌ ಖಾನ್‌ ಸಹಾಯ ಮಾಡಿದ್ದರು.