ಶ್ರೀದೇವಿಯ ಮೇಣದ ಪ್ರತಿಮೆ ಅನಾವರಣ

ಬಾಲಿವುಡ್‌ನ ಮೊದಲ ಮಹಿಳಾ ಸೂಪರ್‌ಸ್ಟಾರ್‌ ದಿವಂಗತ ಶ್ರೀದೇವಿಯವರ ಮೇಣದ ಪ್ರತಿಮೆಯನ್ನು ಸಿಂಗಾಪುರದಲ್ಲಿರುವ ಮೇಡಮ್‌ ಟುಸ್ಸಾಡ್‌ ಮ್ಯೂಸಿಯಂನಲ್ಲಿಬುಧವಾರ ಅನಾವರಣಗೊಳಿಸಲಾಗಿದೆ. ಶ್ರೀದೇವಿ ಪತಿ ಬೋನಿ ಕಪೂರ್‌ ಮತ್ತು ಪುತ್ರಿಯರಾದ ಜಾಹ್ನವಿ ಮತ್ತು ಖುಷಿ ಕಪೂರ್‌ ಈ ಪ್ರತಿಮೆಯನ್ನು ಅನಾವರಣಗೊಳಿಸಿದರು.

ಭಾರತದ ಪ್ರಸಿದ್ಧ ನಟಿ ಶ್ರೀದೇವಿಯವರಿಗೆ ಗೌರವ ಸಲ್ಲಿಸಲು ಅವರ ಮೇಣದ ಪ್ರತಿಮೆಯನ್ನು ಅನಾವರಣಗೊಳಿಸಲಾಗಿದೆ ಎಂದು ಮೇಡಮ್‌ ಟುಸ್ಸಾಡ್‌ ಮ್ಯೂಸಿಯಂ ತಿಳಿಸಿದೆ. ಪ್ರತಿಮೆಯ ಜೊತೆಗೆ ಜಗತ್ತಿನಾದ್ಯಂತವಿರುವ ಶ್ರೀದೇವಿ ಅಭಿಮಾನಿಗಳು ಕಳಿಸಿರುವ ಮೆಸೇಜ್‌ಗಳನ್ನು ಸಂಗ್ರಹಿಸಿ ಟ್ರಿಬ್ಯೂಟ್‌ ವಾಲ್‌ ಮೇಲೆ ಡಿಸ್‌ಪ್ಲೇ ಮಾಡಲಾಗಿದೆ. ಮಿಸ್ಟರ್‌ ಇಂಡಿಯಾ ಸಿನಿಮಾದ ಐಕಾನಿಕ್‌ ಹವಾ ಹವಾಯಿ ಹಾಡಿನಲ್ಲಿಶ್ರೀದೇವಿ ಕಾಣಿಸಿಕೊಂಡಿರುವ ಗೋಲ್ಡನ್‌ ಡ್ರೆಸ್‌ ಲುಕ್‌ನಲ್ಲೇ ಈ ಮೇಣದ ಪ್ರತಿಮೆಯನ್ನು ವಿನ್ಯಾಸಗೊಳಿಸಲಾಗಿದೆ.