5 ದಿನ ಮುನ್ನವೇ ಸುಶಾಂತ್‌ಗೆ ಸಿಕ್ಕಿತ್ತು ಸಾವಿನ ಸುಳಿವು! ಅಕ್ಕನ ಮೆಸೇಜ್‌ನಿಂದ ರಹಸ್ಯ ಬಹಿರಂಗ!

ಸುಶಾಂತ್‌ ನಿಧನರಾಗಿ ಮೂರು ತಿಂಗಳು ಕಳೆದಿದ್ದರೂ ಅವರ ಸಾವಿಗೆ ಕಾರಣ ಏನು ಎಂಬುದು ಸರಿಯಾಗಿ ಗೊತ್ತಾಗಿಲ್ಲ. ಈ ಬಗ್ಗೆ ಸಿಬಿಐ ಅಧಿಕಾರಿಗಳು ತನಿಖೆ ಮುಂದುವರಿಸಿದ್ದಾರೆ. ಅಚ್ಚರಿ ಏನೆಂದರೆ ಸಾಯುವುದಕ್ಕಿಂತ ಕೇವಲ 5 ದಿನ ಮುಂಚೆ ಅಕ್ಕನಿಗೆ ಮಾಡಿದ ವಾಟ್ಸಪ್‌ ಮೆಸೇಜ್‌ನಲ್ಲಿ ಸುಶಾಂತ್‌ ಕೆಲವು ಶಾಕಿಂಗ್‌ ಸಂಗತಿ ಬಗ್ಗೆ ಹೇಳಿಕೊಂಡಿದ್ದರು.

'ಇವರು ನನ್ನನ್ನು ಕೊಂದುಬಿಡುತ್ತಾರೆ' ಎಂದು ಸಹೋದರಿ ಮೀತು ಸಿಂಗ್‌ಗೆ ಸುಶಾಂತ್‌ ಸಿಂಗ್‌ ರಜಪೂತ್‌ ಮೆಸೇಜ್‌ ಮಾಡಿದ್ದರು ಎನ್ನಲಾಗಿದೆ. 'ಇವರು ನನ್ನನ್ನು ಸಿಕ್ಕಿಸಿಬಿಡುತ್ತಾರೆ' ಎಂಬುದಾಗಿಯೂ ಅವರು ಸಂದೇಶ ಕಳಿಸಿದ್ದರು. ಒಟ್ಟಿನಲ್ಲಿ ತನ್ನ ಪ್ರಾಣಕ್ಕೆ ಕಂಟಕ ಇದೆ ಎಂಬುದು ಅವರಿಗೆ ಮೊದಲೇ ತಿಳಿದಿತ್ತು. ಹಾಗಾಗಿ ಕಾಪಾಡುವಂತೆ ಅಕ್ಕನಿಗೆ ಸುಶಾಂತ್‌ ಕೇಳಿಕೊಂಡಿದ್ದರು ಎಂಬ ಸತ್ಯ ಈಗ ಬಹಿರಂಗ ಆಗಿದೆ.

ಹಾಗಾದರೆ ಸುಶಾಂತ್‌ಗೆ ಯಾರಿಂದ ಪ್ರಾಣ ಬೆದರಿಕೆ ಇತ್ತು? ಡ್ರಗ್ಸ್‌ ಮಾಫಿಯಾದ ಜೊತೆಗೂ ಸುಶಾಂತ್‌ ಸಂಪರ್ಕ ಇಟ್ಟುಕೊಂಡಿದ್ದರು ಎಂಬ ಮಾಹಿತಿ ಇತ್ತೀಚೆಗೆ ಬಹಿರಂಗ ಆಗಿತ್ತು. ಆ ಪೈಕಿ ಯಾರಿಂದಲಾದರೂ ಅವರಿಗೆ ಬೆದರಿಕೆ ಒಡ್ಡಲಾಗಿತ್ತಾ ಎಂಬ ಪ್ರಶ್ನೆ ಈಗ ಮೂಡಿದೆ. ಸದ್ಯ ಸಿಸಿಬಿ ಪೊಲೀಸರಿಂದ ಸುಶಾಂತ್‌ ಪ್ರೇಯಸಿ ರಿಯಾ ಚಕ್ರವರ್ತಿ ವಿಚಾರಣೆ ನಡೆಯುತ್ತಿದೆ.

also read: ರಿಯಾ, ಅಂಕಿತಾ, ಸಾರಾ ಮಾತ್ರವಲ್ಲ, ಸುಶಾಂತ್‌ಗೆ ಈ ಸ್ಟಾರ್‌ ನಟಿ ಕೂಡ ಗರ್ಲ್‌ಫ್ರೆಂಡ್‌ ಆಗಿದ್ರು! ಯಾರದು?

ಸ್ವತಃ ರಿಯಾ ಕೂಡ ಮಾದಕ ವಸ್ತು ಜಾಲದ ಜೊತೆ ನಂಟು ಹೊಂದಿದ್ದರು ಎಂಬುದು ಸಹ ಜಗಜ್ಜಾಹೀರಾಗಿದೆ. ಸುಶಾಂತ್‌ಗಾಗಿಯೇ ತಾನು ಡ್ರಗ್ಸ್‌ ಖರೀದಿಸುತ್ತಿದ್ದೆ ಎಂದು ಅವರು ವಿಚಾರಣೆ ವೇಳೆ ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ. ಇದರಿಂದ ಇಡೀ ಪ್ರಕರಣಕ್ಕೆ ಬೇರೆ ಸ್ವರೂಪ ಸಿಕ್ಕಿದೆ. ಸುಶಾಂತ್‌ರ ಮರಣೋತ್ತರ ಪರೀಕ್ಷೆಯ ನಿರ್ಣಾಯಕ ವರದಿಯು ಇಂದು (ಸೆ.22) ಸಿಬಿಐ ಅಧಿಕಾರಿಗಳ ಕೈ ಸೇರಲಿದೆ.

also read: ಶಾಕಿಂಗ್‌...! ಬಾಲಿವುಡ್‌ ಸೆಲೆಬ್ರಿಟಿಗಳ ಡ್ರಗ್ಸ್‌ ರಹಸ್ಯ ಬಯಲು ಮಾಡಿದ ಯುವರಾಜ್‌ ಎಸ್‌. ಸಿಂಗ್‌!