ಸಾರಾ ಅಲಿ ಖಾನ್‌, ರಾಕುಲ್‌ ಪ್ರೀತ್‌ ಸಿಂಗ್‌ಗೆ ಡ್ರಗ್ಸ್‌ ಕಳಂಕ: ವದಂತಿ ತಳ್ಳಿ ಹಾಕಿದ NCB ಅಧಿಕಾರಿಗಳು!

ಇಡೀ ಚಿತ್ರೋದ್ಯಮವೇ ಈಗ ಮಂಕಾಗಿದೆ. ಬಣ್ಣದ ಲೋಕದ ಯಾರೋ ಕೆಲವರು ಡ್ರಗ್ಸ್‌ ವಿಚಾರದಲ್ಲಿ ಮಾಡಿದ ತಪ್ಪಿನಿಂದಾಗಿ ಎಲ್ಲರನ್ನೂ ಒಂದೇ ದೃಷ್ಟಿಯಲ್ಲಿ ನೋಡಲಾಗುತ್ತಿದೆ. ಬಾಲಿವುಡ್‌ ಮತ್ತು ಸ್ಯಾಂಡಲ್‌ವುಡ್‌ನಲ್ಲಿ ನಟಿಯರನ್ನು ವಿಚಾರಣೆಗೆ ಒಳಪಡಿಸಲಾಗುತ್ತಿದೆ. ಈ ನಡುವೆ ಅನೇಕ ಸೆಲೆಬ್ರಿಟಿಗಳ ಹೆಸರು ಹೊರಬಂದಿದ್ದು, ಅವರ ಅಭಿಮಾನಿಗಳಿಗೆ ಒಂದು ಕ್ಷಣ ಶಾಕ್‌ ಆಯಿತು.

ನಟಿ ರಿಯಾ ಚಕ್ರವರ್ತಿಯನ್ನು ಎನ್‌ಸಿಬಿ ಅಧಿಕಾರಿಗಳು ವಿಚಾರಣೆ ಮಾಡುತ್ತಿದ್ದಾರೆ. ಈ ವೇಳೆ ಅವರು 25ಕ್ಕೂ ಹೆಚ್ಚು ಬಾಲಿವುಡ್‌ ಸೆಲೆಬ್ರಿಟಿಗಳ ಹೆಸರನ್ನು ಬಾಯಿ ಬಿಟ್ಟಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿತ್ತು. ಅದರಲ್ಲಿ ನಟಿಯರಾದ ಸಾರಾ ಅಲಿ ಖಾನ್‌ ಮತ್ತು ರಾಕುಲ್‌ ಪ್ರೀತ್‌ ಸಿಂಗ್‌ ಹೆಸರುಗಳು ಕೂಡ ಇವೆ ಎಂಬುದು ಆತಂಕಕಾರಿ ಆಗಿತ್ತು. ಆದರೆ ಅದು ಸುಳ್ಳು ಎಂಬುದನ್ನು ಸ್ವತಃ ಎನ್‌ಸಿಬಿ ಅಧಿಕಾರಿಗಳೇ ಹೇಳಿದ್ದಾರೆ.

'ನಾವು ಬಾಲಿವುಡ್‌ನ ಯಾವುದೇ ಸೆಲೆಬ್ರಿಟಿಗಳ ಹೆಸರನ್ನೂ ಪಟ್ಟಿ ಮಾಡಿಲ್ಲ. ಡ್ರಗ್‌ ಪೆಡ್ಲರ್‌ಗಳ ಪಟ್ಟಿಯನ್ನು ಮಾತ್ರ ಮಾಡಲಾಗಿತ್ತು. ಅದನ್ನೇ ಬಾಲಿವುಡ್‌ ಸೆಲೆಬ್ರಿಟಿಗಳ ಪಟ್ಟಿ ಎಂದು ಗೊಂದಲ ಮಾಡಿಕೊಂಡಿರಬಹುದು' ಎಂದು ಎನ್‌ಸಿಬಿ ಅಧಿಕಾರಿ ಕೆಪಿಎಸ್‌ ಮಲ್ಹೋತ್ರಾ ತಿಳಿಸಿದ್ದಾರೆ. ಈ ವಿಷಯ ಬಹಿರಂಗ ಆಗುತ್ತಿದ್ದಂತೆಯೇ ಅನೇಕರು ಸಾರಾ ಅಲಿ ಖಾನ್‌ ಮತ್ತು ರಾಕುಲ್‌ ಪ್ರೀತ್‌ ಸಿಂಗ್‌ ಪರವಾಗಿ ಟ್ವೀಟ್‌ ಮಾಡುತ್ತಿದ್ದಾರೆ.

also read: ಡ್ರಗ್‌ ಮಾಫಿಯಾ: ಸುಶಾಂತ್ ಸಿಂಗ್ ಪ್ರೇಯಸಿ ರಿಯಾ ಚಕ್ರವರ್ತಿ ಜಾಮೀನು ಅರ್ಜಿ ವಜಾ!

ರಿಯಾ ಬಾಯಿ ಬಿಟ್ಟಿರುವ ಆರೋಪಿಗಳ ಪಟ್ಟಿಯಲ್ಲಿ ಸಾರಾ ಅಲಿ ಖಾನ್‌ ಮತ್ತು ರಾಕುಲ್‌ ಪ್ರೀತ್‌ ಸಿಂಗ್‌ ಕೂಡ ಇದ್ದಾರೆ ಎಂದು ಕೆಲವು ಸುದ್ದಿ ವಾಹಿನಿಗಳು ವರದಿ ಪ್ರಸಾರ ಮಾಡಿದ್ದವು. ಆ ಬಳಿಕ ಸೋಶಿಯಲ್‌ ಮೀಡಿಯಾದಲ್ಲಿ ಈ ನಟಿಯರ ವಿರುದ್ಧ ಭಾರಿ ಟೀಕೆ ಕೇಳಿಬಂತು. ಸಿಕ್ಕಾಪಟ್ಟೆ ಟ್ರೋಲ್‌ ಕೂಡ ಮಾಡಲಾಯಿತು. ಆದರೆ ಆ ಸುದ್ದಿ ನಿಜವಲ್ಲ ಎಂಬುದು ಗೊತ್ತಾದ ಬಳಿಕ ಸಾರಾ ಮತ್ತು ರಾಕುಲ್‌ ನಿಟ್ಟುಸಿರುವ ಬಿಡುವಂತಾಗಿದೆ.

also read: ಖಿನ್ನತೆಯಲ್ಲಿದ್ದ ಸುಶಾಂತ್‌ಗೆ ರಿಯಾ ಡ್ರಗ್ಸ್‌ ಕೊಟ್ಟಿದ್ದು ಯಾಕೆ? ದ್ವೇಷಿಗಳಿಗೆ ಅಂಕಿತಾ ಲೋಖಂಡೆ ಪ್ರಶ್ನೆ!