ಸಖತ್ ಟ್ರೋಲ್ ಆಯ್ತು 'ಸ್ಟುಡೆಂಟ್ ಆಫ್‌ ದಿ ಇಯರ್ 2' ಪೋಸ್ಟರ್

ಬಾಲಿವುಡ್ ನಟ ಟೈಗರ್ ಶ್ರಾಫ್ ನಟಿಸಿರುವ ಸಿನಿಮಾ 'ಸ್ಟುಡೆಂಟ್ ಆಫ್ ದಿ ಇಯರ್ 2'. ಚಿತ್ರದ ಶೀರ್ಷಿಕೆಯೇ ಹೇಳುವಂತೆ ಇದು ಕಾಲೇಜು ಹಿನ್ನೆಲೆಯಲ್ಲಿ ಸಾಗುವ ಕಥೆ. ಅನನ್ಯಾ ಪಾಂಡೆ, ತಾರಾ ಸುತಾರಿಯಾ ಚಿತ್ರದ ಇಬ್ಬರು ನಾಯಕಿಯರು. ಈ ಸಿನಿಮಾದ ಪೋಸ್ಟರ್‌‍ಗಳು ಇತ್ತೀಚೆಗೆ ಬಿಡುಗಡೆಯಾಗಿದ್ದು ಸಖತ್ ಟ್ರೋಲ್‌ಗೆ ಒಳಗಾಗಿವೆ.

ಈ ಚಿತ್ರದ ಪೋಸ್ಟರ್‌ಗಳಲ್ಲಿ ನಟಿಯರ ಡ್ರೆಸ್ ಟ್ರೋಲ್‌ಗೆ ಒಳಗಾಗಿದ್ದು, ಅವರು ಧರಿಸಿರುವ ತುಂಡುಡುಗೆ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದೆ. ಹೀರೋಯಿನ್‌ಗಳ ತುಂಡುಡುಗೆ ಬಗ್ಗೆ ನೆಟ್ಟಿಗರು ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ. ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ.

"ಭಾರತದ ಯಾವ ಕಾಲೇಜಿನ ವಿದ್ಯಾರ್ಥಿನಿಯರು ಈ ರೀತಿಯ ಬಟ್ಟೆ ಧರಿಸುತ್ತಿದ್ದಾರೆ? ಇದು ಶಿಕ್ಷಣ ನೀಡುವ ಶಾಲೆಯೇ? ಅಥವಾ ಬಟ್ಟೆ ಬ್ರಾಂಡ್‌ಗಳನ್ನು ಪ್ರಚಾರ ಮಾಡುವ ಶಾಲೆಯೇ? ಇದು ಕೇವಲ ಧರ್ಮಾ ಪ್ರೊಡಕ್ಷನ್ ಕಾಲೇಜಲ್ಲಿ ಮಾತ್ರ ಸಾಧ್ಯವಾಗುತ್ತದೆ. ಇಂತಹ ಬಟ್ಟೆ ಧರಿಸಿ ಕಾಲೇಜಿಗೆ ಹೋದರೆ ದಂಡ ಹಾಕುತ್ತಾರೆ. ನಾವು ಭಾರತದಲ್ಲೇ ಇದ್ದೀವಾ ಕರಣ್" ಎಂಬ ಕಾಮೆಂಟ್‌ಗಳು ಬಂದಿವೆ.

ಏನೇ ಆಗಲಿ ಸ್ಟುಡೆಂಟ್ ಆಫ್ ದಿ ಇಯರ್ 2 ಪೋಸ್ಟರ್‌ಗಳನ್ನು ನೋಡಿದ ಸಿನಿಪ್ರಿಯರು ಇಷ್ಟೆಲ್ಲಾ ಕಾಮೆಂಟ್ ಮಾಡಿದ್ದಾರೆ ಎಂದರೆ ಪ್ರೇಕ್ಷಕರು ಎಷ್ಟೆಲ್ಲಾ ಬದಲಾಗಿದ್ದರೆ ಎಂಬುದು ಇದರಿಂದ ಅರ್ಥವಾಗುತ್ತದೆ. 2012ರಲ್ಲಿ ತೆರೆಕಂಡ ಬ್ಲಾಕ್ ಬಸ್ಟರ್ ಸಿನಿಮಾ 'ಸ್ಡುಡೆಂಟ್ ಆಫ್ ದಿ ಇಯರ್'. ಇದೀಗ ಇದರ ಮುಂದುವರೆದ ಭಾಗ ತೆರೆಗೆ ಬರುತ್ತಿದೆ. ಪುನೀತ್ ಮಲ್ಹೋತ್ರಾ ನಿರ್ದೇಶನದ ಸಿನಿಮಾ ಇದು.

ಧರ್ಮಾ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಕರಣ್ ಜೋಹರ್ ಈ ಸಿನಿಮಾವನ್ನು ನಿರ್ಮಿಸಿದ್ದಾರೆ. ಮೇ 10ರಂದು ಈ ಚಿತ್ರ ಪ್ರೇಕ್ಷಕರ ಮುಂದೆ ಬರುತ್ತಿದೆ. ಸ್ಟುಡೆಂಟ್ ಆಫ್ ದಿ ಇಯರ್ ಸಿನಿಮಾದಲ್ಲಿ ಆಲಿಯಾ ಭಟ್, ವರುಣ್ ಧವನ್, ಸಿದ್ಧಾರ್ಥ್ ಮಲ್ಹೋತ್ರಾ ಮುಖ್ಯ ಭೂಮಿಕೆಯಲ್ಲಿದ್ದರು.