ಬಹು ಭಾಷೆಯಲ್ಲಿ ಸುದೀಪ್‌ ನಟನೆಯ ಪೈಲ್ವಾನ್‌

ಕನ್ನಡದಲ್ಲೀಗ ಬಹುಭಾಷೆ ಸಿನಿಮಾಗಳ ಟ್ರೆಂಡ್‌ ಹೆಚ್ಚಾಗುತ್ತಿದೆ. ಯಶ್‌ ನಟನೆ ಕೆಜಿಎಫ್‌, ಉಪೇಂದ್ರ ನಟನೆಯ ಐ ಲವ್‌ ಯೂ ಸಿನಿಮಾಗಳ ನಂತರ ಸುದೀಪ್‌ ಮುಖ್ಯ ಭೂಮಿಕೆಯ ಪೈಲ್ವಾನ್‌ ಸಿನಿಮಾ ಕೂಡ ವಿವಿಧ ಭಾಷೆಗಳಲ್ಲಿ ನಿರ್ಮಾಣ ಆಗುತ್ತಿದೆ. ಇದು ಬರೋಬ್ಬರಿ 8 ಭಾಷೆಗಳಲ್ಲಿ ರಿಲೀಸ್‌ ಆಗಲಿದೆ ಎಂದಿದ್ದಾರೆ ನಿರ್ದೇಶಕ ಕೃಷ್ಣ. ಹಾಗಾಗಿಯೇ ಸಹಜವಾಗಿ ಅಭಿಮಾನಿಗಳು ಫುಲ್‌ ಖುಷಿಯಾಗಿದ್ದಾರೆ.

ಕನ್ನಡ ಸೇರಿದಂತೆ ತಮಿಳು, ತೆಲುಗು, ತಮಿಳು, ಮಲೆಯಾಳಂ, ಹಿಂದಿ, ಮರಾಠಿ, ಪಂಜಾಬಿ, ಬೆಂಗಾಲಿ ಭಾಷೆಗಳಲ್ಲಿ ಪೈಲ್ವಾನ್‌ ಮೂಡಿಬರಲಿದ್ದು, ಈಗಾಗಲೇ ರಿಲೀಸ್‌ ಆಗಿರುವ ಫಸ್ಟ್‌ ಲುಕ್‌ನ ಟೀಸರ್‌ನಿಂದ ಸ್ಯಾಂಡಲ್‌ವುಡ್‌ನಲ್ಲಿ ಸಾಕಷ್ಟು ಕ್ರೇಜ್‌ ಕ್ರಿಯೇಟ್‌ ಆಗಿದೆ. ಕನ್ನಡದಲ್ಲಷ್ಟೇ ಅಲ್ಲ, ಇತರ ಭಾಷೆಗಳಲ್ಲೂ ಸುದೀಪ್‌ ಅವರಿಗೆ ಅಭಿಮಾನಿಗಳು ಇರುವುದರಿಂದ ಚಿತ್ರದ ಬಗ್ಗೆ ಬಹುತೇಕ ಕಡೆ ಕುತೂಹಲ ಮೂಡಿದೆ. 'ಸುದೀಪ್‌ ಅವರಿಗೆ ಭಾರತೀಯ ಸಿನಿಮಾ ರಂಗದಲ್ಲೇ ಅಭಿಮಾನಿಗಳು ಇದ್ದಾರೆ. ಹಾಗಾಗಿ ಆಯಾ ಭಾಷೆಗಳಲ್ಲಿ ಪೈಲ್ವಾನ್‌ ಸಿನಿಮಾ ನೋಡುವ ಅವಕಾಶ ಕಲ್ಪಿಸುತ್ತಿದ್ದೇವೆ. ಇದು ನಮಗೂ ಹೆಮ್ಮೆ ಅಂದಿದ್ದಾರೆ' ನಿರ್ದೇಶಕ ಕೃಷ್ಣ.