ಸರಿಸುಮಾರು 20 ವರ್ಷಗಳ ಬಳಿಕ ಈ ಚಿತ್ರದ ಸೀಕ್ವೆಲ್ ಮಾಡಿದರೆ ಚೆನ್ನಾಗಿರುತ್ತದೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ ಸುನೀಲ್ ಶೆಟ್ಟಿ. ಟೈಮ್ಸ್ ಬಳಗದ NBT.comಗೆ ನೀಡಿರುವ ಸಂದರ್ಶನದಲ್ಲಿ ಹಲವಾರು ಸಂಗತಿಗಳನ್ನು ಸುನೀಲ್ ಶೆಟ್ಟಿ ಹಂಚಿಕೊಂಡಿದ್ದಾರೆ.
ಧಡ್ಕನ್ ಪಾರ್ಟ್ 2 ಸಿನಿಮಾದಲ್ಲಿ ತನ್ನ ಮಗ ಅಹಾನ್ ಶೆಟ್ಟಿ ಹಾಗೂ ಅಕ್ಷಯ್ ಕುಮಾರ್ ಮಗ ಆರವ್ ಕುಮಾರ್ ನಟಿಸಿದರೆ ಚೆನ್ನಾಗಿರುತ್ತದೆ ಎಂದಿದ್ದಾರೆ. “ನನಗೆ ಮತ್ತು ಅಕ್ಷಯ್‍ಗೆ ಈಗ ವಯಸ್ಸಾಗಿದೆ. ನಮ್ಮಂತವರು ತೆರೆಯ ಮೇಲೆ ಲವ್ ಮಾಡುವುದನ್ನು ಯಾರೂ ಇಷ್ಟಪಡಲ್ಲ. ನಮ್ಮ ಮಕ್ಕಳ ಜೊತೆಗೆ ಮುಂದುವರೆದ ಭಾಗ ಮಾಡಿದರೆ ಚೆನ್ನಾಗಿರುತ್ತದೆ. (ನಗುತ್ತಾ) ಆದರೆ ಶಿಲ್ಪಾ ಶೆಟ್ಟಿ ಮಗಳು ತುಂಬಾ ಮುದ್ದಾಗಿದ್ದಾರೆ ಹಾಗೂ ಇನ್ನೂ ಪುಟ್ಟ ಪಾಪು. ಹಾಗಾಗಿ ಅವಳು ಈ ಸಿನಿಮಾದ ಭಾಗವಾಗಲ್ಲ" ಎಂದಿದ್ದಾರೆ. (ಕೃಪೆ: NBT.com)
ಏಪ್ರಿಲ್ 2021ರಿಂದ ಧಡ್ಕನ್ ಚಿತ್ರೀಕರಣ ಶುರು
ಈ ಬಗ್ಗೆ ಅಕ್ಷಯ್ ಕುಮಾರ್ ಜೊತೆಗೂ ಹಲವಾರು ಸಲ ಚರ್ಚಿಸಿದ್ದೇನೆ. “ನಮ್ಮಿಬ್ಬರ ಆಲೋಚನೆಗಳನ್ನೂ ನಿರ್ಮಾಪಕ ರತನ್ ಜೈನ್ ಬಳಿ ಹೇಳಿದ್ದೇವೆ. ಅವರಿಗೂ ಇಷ್ಟವಾಗಿದೆ” ಎಂದಿದ್ದಾರೆ ಸುನಿಲ್ ಶೆಟ್ಟಿ. ಧಡ್ಕನ್ ಪಾರ್ಟ್ 2 ಮಾಡಬೇಕು ಎಂಬುದು ಬಹಳ ಕಾಲದಿಂದ ಚರ್ಚೆಯಲ್ಲಿದೆ. ಕಥೆ, ಚಿತ್ರಕಥೆ, ಸಂಭಾಷಣೆ ಎಲ್ಲವೂ ಸಿದ್ಧವಾಗಿದೆ. ಆದರೆ ತಾರಾಗಣ ಮಾತ್ರ ಇನ್ನೂ ಆಯ್ಕೆಯಾಗಿಲ್ಲ.
“ತಾರಾಗಣದ ಆಯ್ಕೆ ನಡೆಯುತ್ತಿದೆ. ಲಾಕ್ಡೌನ್ ಹಾಗೂ ಕೊರೊನಾ ವೈರಸ್ ಕಾರಣ ಸ್ಕ್ರಿನ್ ಟೆಸ್ಟ್‌ಗಳಾಗಲಿ ಅಥವಾ ಲುಕ್ ಟೆಸ್ಟ್ ಗಳಾಗಲಿ ಮಾಡಲು ಸಾಧ್ಯವಾಗಿಲ್ಲ. ಎಲ್ಲವೂ ಅಂದುಕೊಂಡರೆ ನಡೆದ ಏಪ್ರಿಲ್ 2021ರಿಂದ ಚಿತ್ರೀಕರಣ ಆರಂಭಿಸುತ್ತೇವೆ ಎಂದಿದ್ದಾರೆ ರತನ್ ಜೈನ್.
ನನ್ನ ಡೇಟ್ಸ್ ಗಾಗಿ ನಿರ್ಮಾಪಕರು ಸುದೀರ್ಘ ಸಮಯ ಕಾದಿದ್ದರು
ಧಡ್ಕನ್ ಸಿನಿಮಾ ಬಗ್ಗೆ ನೆನಪಿಸಿಕೊಂಡಿರುವ ಸುನೀಲ್ ಶೆಟ್ಟಿ, ಆ ಸಿನಿಮಾ ಸಂದರ್ಭದಲ್ಲಿ ಡೇಟ್ಸ್ ಸಮಸ್ಯೆಯಾಗಿತ್ತು. ನಾನಾಗ ಬಾರ್ಡರ್ ಸಿನಿಮಾ ಚಿತ್ರೀಕರಣದಲ್ಲಿದ್ದೆ. ಧಡ್ಕನ್ ಚಿತ್ರೀಕರಣ ಸಹ ಶುರುವಾಯಿತು. ಧಡ್ಕನ್ ನಿರ್ದೇಶಕರಿಗೆ ಡೇಟ್ಸ್ ಕೊಡುವುದು ಕಷ್ಟವಾಯಿತು. ಈ ಬಗ್ಗೆ ಕೋಪಗೊಂಡ ಅವರು ಬೇರೆ ನಟನೊಂದಿಗೆ ಒಂದೆರಡು ದಿನ ಶೂಟಿಂಗ್ ಸಹ ಮಾಡಿದರು. ಆದರೆ ದೇವ್ ಪಾತ್ರ ನನಗೆ ಮಾತ್ರ ಒಪ್ಪುತ್ತಿದ್ದ ಕಾರಣ ವಿಧಿಯಿಲ್ಲದೆ ಡೇಟ್ಸ್‌ಗಾ‌ಗಿ ಸುದೀರ್ಘ ಸಮಯ ಕಾದರು ಎಂದಿದ್ದಾರೆ ಸುನೀಲ್ ಶೆಟ್ಟಿ.
ಕೆ.ಎಲ್‌ ರಾಹುಲ್‌-ಅಥಿಯಾ ಶೆಟ್ಟಿ ಲವ್‌ಗೆ ಸಿಕ್ತು ಮತ್ತೊಂದು ಸಾಕ್ಷಿ!
ಲಾಕ್ ಡೌನ್ ನಲ್ಲೂ ಸುನೀಲ್ ಶೆಟ್ಟಿ ಬಿಝಿ
ಸದ್ಯಕ್ಕೆ ಲಾಕ್ಡೌನ್ ದಿನಗಳನ್ನು ಸುನೀಲ್ ಶೆಟ್ಟಿ ಸಮರ್ಥವಾಗಿ ಬಳಸಿಕೊಳ್ಳುತ್ತಿದ್ದಾರೆ. ಆನ್‍ಲೈನ್ ಫ್ಲಾಟ್‌ಫಾಮ್ ಒಂದನ್ನು ಆರಂಭಿಸಿದ್ದು ಅದರ ಮೂಲಕ ಯುವಕರ ಆಡಿಷನ್ ಕ್ಲಿಪ್‌ಗಳನ್ನು ನೋಡುತ್ತಿದ್ದಾರೆ. ಈ ಮೂಲಕ ಹೊಸಬರಿಗೆ ಚಾನ್ಸ್ ನೀಡುವ ಕೆಲಸ ಮಾಡುತ್ತಿದ್ದಾರೆ. ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಮೂಲಕ ಬಾಲಿವುಡ್‌ನ ಖ್ಯಾತ ನಟ ಸುನೀಲ್ ಶೆಟ್ಟಿ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಸುದೀಪ್ ಹಾಗೂ ಸುನೀಲ್ ಶೆಟ್ಟಿ ಕಾಂಬಿನೇಷನ್‌ ತೆರೆ ಮೇಲೆ ನೋಡುವುದೇ ಚಂದ. ಇದರ ಜೊತೆಗೆ ಪ್ಯಾನ್ ಇಂಡಿಯಾ ಸಿನಿಮಾ ಆಗಿರುವ ಮೋಹನ್ ಲಾಲ್ ಅಭಿನಯದ ಮರಕ್ಕಾರ್: ಅರಬಿಕಡಲಿಂಟೇ ಸಿಂಹಂ' ಚಿತ್ರದಲ್ಲೂ ಅಭಿನಯಿಸಿದ್ದಾರೆ. ಇದೀಗ ಕೊರೊನಾ, ಲಾಕ್ಡೌನ್ ಕಾರಣ ಈ ಸಿನಿಮಾ ಬಿಡುಗಡೆ ಮುಂದೆಕ್ಕೆ ಹೋಗಿದೆ.