ಶಾರುಖ್‌ ಜತೆ ಸನ್ನಿ ಡಾನ್ಸ್‌

ಸನ್ನಿ ಲಿಯೋನ್‌ ಅದೃಷ್ಟವಂತ ನಟಿ ಎನ್ನುವುದು ಮತ್ತೊಮ್ಮೆ ಸಾಬೀತಾಗಿದೆ. ಆಕೆಯೀಗ ‘ರಾಯೀಸ್‌’ ಚಿತ್ರಕ್ಕಾಗಿ ಬಾಲಿವುಡ್‌ ಬಾದ್‌ಷಾ ಶಾರುಖ್‌ ಖಾನ್‌ ಜತೆ ಹೆಜ್ಜೆ ಹಾಕಲಿದ್ದಾರೆ. ‘ಶಾರುಖ್‌ ಜತೆ ಡಾನ್ಸ್‌ ಮಾಡುವ ಅವಕಾಶದ ಮೂಲಕ ನನ್ನ ಕನಸು ನನಸಾಗಿದೆ. ನನ್ನ ವೃತ್ತಿ ಬದುಕಿನಲ್ಲಿ ಘಟಿಸುತ್ತಿರುವ ಮಹತ್ವದ ಸಂಗತಿಯಿದು. ನನ್ನ ಬೆಳವಣಿಗೆ ಕುರಿತು ನನಗೆ ಹೆಮ್ಮೆ ಎನಿಸುತ್ತಿದೆ. ಖಂಡಿತವಾಗಿ ಈ ಹಾಡನ್ನು ಪ್ರೇಕ್ಷಕರು ಮೆಚ್ಚಿಕೊಳ್ಳಲಿದ್ದಾರೆ’ ಎಂದು ಸನ್ನಿ ಸಂಭ್ರಮಿಸುತ್ತಿದ್ದಾರೆ.

ಚಿತ್ರತಂಡದ ಮೂಲಗಳು ಹೇಳುವಂತೆ 1980ರ ಅವಧಿಯ ‘ಖುರ್ಬಾನಿ’ ಚಿತ್ರದ ಸೂಪರ್‌ಹಿಟ್‌ ಗೀತೆ ‘ಲೈಲಾ ಓ ಲೈಲಾ’ ಇಲ್ಲಿ ಮತ್ತೆ ಕೇಳಿಸಲಿದೆ. ಇದರ ರೀಮಿಕ್ಸ್‌ನಲ್ಲಿ ಶಾರುಖ್‌ ಮತ್ತು ಹೆಜ್ಜೆ ಹಾಕಲಿದ್ದಾರಂತೆ. ಮೂಲ ಹಾಡಿನಲ್ಲಿ ಫಿರೋಜ್‌ ಖಾನ್‌ ಮತ್ತು ಜೀನತ್‌ ಅಮಾನ್‌ ಇದ್ದರು. ಪೋರ್ನ್‌ ಸಿನಿಮಾ ತಾರೆ ಸನ್ನಿ ಲಿಯೋನ್‌ ಈಗ ಬಾಲಿವುಡ್‌ನಲ್ಲಿ ಬೇಡಿಕೆಯ ತಾರೆ. ಸನ್ನಿ ಜತೆ ತಾವು ನಟಿಸಲು ಸಿದ್ಧ ಎಂದು ಮೊನ್ನೆಯಷ್ಟೇ ಅಮೀರ್‌ ಖಾನ್‌ ಹೇಳಿದ್ದರು. ಇದೀಗ ಶಾರುಖ್‌ ಜತೆ ಹೆಜ್ಜೆ ಹಾಕುತ್ತಿದ್ದಾರೆ.