ಟೀನೇಜ್‌ನಲ್ಲಿ ಪೋರ್ನ್‌ ವಿಡಿಯೋ ನೋಡಿ ಬಿಕ್ಕಿ ಬಿಕ್ಕಿ ಅತ್ತಿದ್ದ ಸನ್ನಿ ಲಿಯೋನ್‌

ಸದ್ಯಕ್ಕೆ ತನ್ನ ಬಯೋಪಿಕ್‌ ಇಟ್ಟುಕೊಂಡು ವೆಬ್‌ ಸೀರೀಸ್‌ ಮಾಡುತ್ತಿರುವ ನಟಿ ಸನ್ನಿ ಲಿಯೋನ್‌, ಟೀನೇಜ್‌ನಲ್ಲಿದ್ದಾಗ ಮೊದಲ ಸಲ ಪೋರ್ನ್‌ ವಿಡಿಯೋ ನೋಡಿದ ಮೇಲೆ ಬಿಕ್ಕಿಬಿಕ್ಕಿ ಅತ್ತಿದ್ದರಂತೆ. ಹಾಗಂತ ಅವರೇ ಹೇಳಿಕೊಂಡಿದ್ದಾರೆ.

ತಮ್ಮ ಬದುಕಿನ ಕಥೆಯ ಹೇಳಿಕೊಂಡಿರುವ ಅವರು, ನನ್ನ ಬಯೋಪಿಕ್‌ನಲ್ಲಿ ನನ್ನ ಪಾತ್ರವನ್ನು ನಾನೇ ಮಾಡುತ್ತಿರುವುದು ನಿಜಕ್ಕೂ ಸವಾಲಾಗಿದೆ. ಜೀವನದಲ್ಲಿ ಮೊದಲ ಸಲ ಪೋರ್ನ್‌ ವಿಡಿಯೋ ನೋಡಿದಾಗ ಬಿಕ್ಕಿ ಬಿಕ್ಕಿ ಅತ್ತಿದ್ದೆ. ದೊಡ್ಡ ಪಾಪ ಮಾಡಿಬಿಟ್ಟೆ ಎಂಬ ದುಃಖದಿಂದ ಬಾಬಾ ಗುರುನಾನಕ್‌ ಅವರ ಫೋಟೋ ಮೇಲೆ ಕೈ ಇಟ್ಟು 'ಬಾಬಾ.. ನಾನು ತಪ್ಪು ಮಾಡಿಬಿಟ್ಟೆ. ದಯವಿಟ್ಟು ಕ್ಷಮಿಸಿಬಿಡಿ' ಎಂದು ಬೇಡಿಕೊಂಡಿದ್ದೆ. ವಿಪರ್ಯಾಸವೆಂದರೆ ಕೊನೆಗೆ ನಾನೇ ಅಂಥ ನಟಿಯಾಗಬೇಕಾಯಿತು ಎಂದು ಸನ್ನಿ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.

ಇಂಡಿಯಾದಿಂದ ಕೆನಡಾಗೆ ಹೋಗಿದ್ದು, ಅಲ್ಲಿಂದ ಅಮೆರಿಕಕ್ಕೆ ಬಂದು ಪೋರ್ನ್‌ ಜಾಲದಲ್ಲಿ ಸಿಲುಕಿಕೊಂಡಿದ್ದೆಲ್ಲವೂ ಬಯೋಪಿಕ್‌ನಲ್ಲಿದೆ. ನನ್ನ ಮಾನಸಿಕ ತಮುಲುಗಳು, ಕಣ್ಣೀರ ಕಥೆಗಳು ಇಲ್ಲಿವೆ ಎಂದು ಸನ್ನಿ ಹೇಳಿದ್ದಾರೆ.

ಸದ್ಯಕ್ಕೆ ನಾನು ಭಾರತದಲ್ಲಿ ಸಂತೋಷವಾಗಿದ್ದೇನೆ. ಬಾಲಿವುಡ್‌ ಚಿತ್ರಗಳಲ್ಲಿ ಅವಕಾಶಗಳಿವೆ. ನನ್ನ ವೃತ್ತಿಯನ್ನು ಎಂಜಾಯ್‌ ಮಾಡುತ್ತಿದ್ದೇನೆ ಎಂದು ಅವರು ತಿಳಿಸಿದ್ದಾರೆ.