ದೇವ್ರ ದೊಡ್ಡವ್ನು: ಅಪಾಯದಿಂದ ಸನ್ನಿ ಪಾರು

ಮಾಜಿ ಪಾರ್ನ್‌ ಸುಂದರಿ, ಬಾಲಿವುಡ್‌ನ ಹಾಟ್‌ ಬೆಡಗಿ ಸನ್ನಿ ಲಿಯೋನ್‌ ಪ್ರಯಾಣಿಸುತ್ತಿದ್ದ ಖಾಸಗಿ ವಿಮಾನ ಬುಧವಾರ ಅವಘಡದಿಂದ ಪಾರಾಗಿದ್ದು, ಸನ್ನಿ ಸೇರಿದಂತೆ ಉಳಿದ ಪ್ರಯಾಣಿಕರು ಕೂದಲೆಳೆ ಅಂತರದಿಂದ ಬಚಾವ್‌ ಆಗಿದ್ದಾರೆ.

ಪತಿ ಡೇನಿಯಲ್‌ ಹಾಗೂ ಸಹಚರರ ಜತೆ ಖಾಸಗಿ ವಿಮಾನದಲ್ಲಿ ಮುಂಬೈಗೆ ತೆರಳುತ್ತಿದ್ದರು ಸನ್ನಿ. ಈ ವೇಳೆ ಪ್ರತಿಕೂಲ ಹವಾಮಾನದ ಪರಿಣಾಮ ವಿಮಾನ ಪತನಗೊಳ್ಳುವ ಭೀತಿ ಎದುರಾಗಿತ್ತು. ಆದರೆ ಪೈಲಟ್‍ನ ಸಮಯಪ್ರಜ್ಞೆ ವಿಮಾನದಲ್ಲಿದ್ದವರ ಜೀವವನ್ನು ಅಪಾಯದಿಂದ ಪಾರು ಮಾಡಿದೆ. ಪತನಗೊಳ್ಳಲಿದ್ದ ವಿಮಾನ ಮಹಾರಾಷ್ಟ್ರದ ದುರ್ಗಮ ಪ್ರದೇಶದಲ್ಲಿ ತುರ್ತು ಭೂಸ್ಪರ್ಶ ಮಾಡಿತು.

Thank the lord we are all alive! Our private plane almost crashed through bad weather. Counting our stars and driving home! Thank you God! pic.twitter.com/9jhTQ1arHX — Sunny Leone (@SunnyLeone) 31 May 2017 ಈ ಸಂಬಂಧ ಟ್ವಿಟರ್‌ನಲ್ಲಿ ವೀಡಿಯೋ ಪೊಸ್ಟ್‌ ಮಾಡಿರುವ ಸನ್ನಿ, ನಾವು ಸೇಫ್ ಆಗಿದ್ದು, ರಸ್ತೆಯ ಮಾರ್ಗದಿಂದ ಸುರಕ್ಷಿತವಾಗಿ ಮನೆಗೆ ತೆರಳುತ್ತಿದ್ದೇವೆ ಎಂದು ಹೇಳಿದ್ದಾರೆ. ದೇವರ ದಯೆಯಿಂದ ನಾವೆಲ್ಲ ಬದುಕಿದೆವು ಎಂದು ಸನ್ನಿ ನಿಟ್ಟುಸಿರು ಬಿಟ್ಟಿದ್ದಾರೆ.