ಬಾಲಿವುಡ್‌ನಲ್ಲಿ ಫೇರ್‌ನೆಸ್‌ ಕ್ರೀಮ್‌ ಜಾಹೀರಾತುಗಳನ್ನು ನಿರಾಕರಿಸುತ್ತಿರುವ ನಟರ ಸಾಲಿಗೆ ಹೊಸ ಸೇರ್ಪಡೆ ಸುಶಾಂತ್‌ ಸಿಂಗ್‌ ರಜಪೂತ್‌. ಅವರು 15 ಕೋಟಿ ರೂಪಾಯಿ ಮೊತ್ತದ ಫೇರ್‌ನೆಸ್‌ ಕ್ರೀಮ್‌ ಆ್ಯಡ್‌ ತಿರಸ್ಕರಿಸಿ ಸುದ್ದಿಯಲ್ಲಿದ್ದಾರೆ.
ಜನರಿಗೆ ತಪ್ಪು ಸಂದೇಶ ನೀಡುವ ಇಂತಹ ಜಾಹೀರಾತುಗಳಲ್ಲಿ ನಟಿಸಲು ತಮಗೆ ಇಷ್ಟವಿಲ್ಲ. ಓರ್ವ ನಟನಾಗಿ ಇದು ನನ್ನ ಕರ್ತವ್ಯವೂ ಹೌದು. ಒಂದು ನಿರ್ದಿಷ್ಟ ಸ್ಕಿನ್‌ ಟೋನ್‌ಗಳಿಗೆ ಮಾತ್ರ ಒತ್ತು ನೀಡುವ ಫೇರ್‌ನೆಸ್‌ ಕ್ರೀಮ್‌ ಜಾಹೀರಾತುಗಳಲ್ಲಿ ತಮಗೆ ನಂಬಿಕೆಯೂ ಇಲ್ಲ ಎಂದು ಸುಶಾಂತ್‌ ಸ್ಪಷ್ಟಪಡಿಸಿದ್ದಾರೆ.