ಬಾಲಿವುಡ್‌ ತಾರೆಯರಾದ ಸೈಫ್‌ ಅಲಿ ಖಾನ್‌ ಮತ್ತು ಕರೀನಾ ಕಪೂರ್‌ ಖಾನ್‌ ಪುತ್ರ ತೈಮೂರ್‌ ಖಾನ್‌ ತನ್ನ ಪ್ಲೇ ಸ್ಕೂಲ್‌ನಲ್ಲಿ ಕೃಷ್ಣ ಜನ್ಮಾಷ್ಣಮಿಯನ್ನು ಮೊಸರು ಕುಡಿಕೆ ಒಡೆಯುವ ಮೂಲಕ ಆಚರಿಸಿದ್ದಾನೆ. ಕಸಿನ್‌ ಇನ್ನಯಾ ನೌಮಿ ಜತೆಗೆ ದಹಿ ಹಂಡಿ (ಮೊಸರು ಕುಡಿಕೆ) ಒಡೆಯುವ ದೃಶ್ಯದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಸದ್ದು ಮಾಡುತ್ತಿದೆ.

ಸುತ್ತಲೂ ಬಣ್ಣ ಬಣ್ಣದ ಬಲೂನ್‌ನಿಂದ ಅಲಂಕರಿಸಲಾದ ಕುಡಿಕೆಯನ್ನು ಬಿಳಿ ಬಣ್ಣದ ಟೀ-ಶರ್ಟ್‌ ಧರಿಸಿ ವ್ಯಕ್ತಿಯೊಬ್ಬರ ಭುಜದ ಮೇಲೇರಿ ಸೋಹಾ ಅಲಿ ಖಾನ್‌ ಪುತ್ರಿ ಇನ್ನಯಾ ಜತೆಗೂಡಿ ಒಡೆಯುವ ದೃಶ್ಯ ಇದರಲ್ಲಿದೆ.
'ಗುಡ್ ನ್ಯೂಸ್'ಗಾಗಿ ಮತ್ತೆ ಗರ್ಭಿಣಿಯಾದ ಕರೀನಾ ಕಪೂರ್

ಇದೇ ವೇಳೆ, ಇನ್ನೊಬ್ಬ ಸ್ಟಾರ್‌ ಅಮೀರ್‌ ಖಾನ್‌ ಪುತ್ರ ಕೂಡ ಜನ್ಮಾಷ್ಟಮಿಯನ್ನು ಖುಶಿ ಖುಶಿಯಾಗಿ ಆಚರಿಸಿದ್ದಾರೆ. ಅಮೀರ್‌, ಪತ್ನಿ ಕಿರಣ್‌ ರಾವ್‌ ಜತೆಗೆ ತಮ್ಮ ಮುಂಬಯಿ ನಿವಾಸದಲ್ಲಿನಡೆದ ಸಂಭ್ರಮವನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿಹಂಚಿಕೊಂಡಿದ್ದಾರೆ. ಇಲ್ಲಿಮೊಸರು ಕುಡಿಯ ಬದಲಾಗಿ ಪುತ್ರ ಆಜಾದ್‌ನ ಇಷ್ಟದಂತೆ ಚಾಕಲೇಟ್‌ ಹಂಡಿ ಇರಿಸಲಾಗಿತ್ತು. ತಂದೆ ಅಮೀರ್‌ ಬೆನ್ನನ್ನು ಏರಿ ಕುಳಿತು ಕುಡಿಕೆಯನ್ನು ಒಡೆಯುವ ದೃಶ್ಯ ಇದರಲ್ಲಿದೆ. ಇದಕ್ಕೆ ಎಲ್ಲರಿಗೂ ಜನ್ಮಾಷ್ಟಮಿ ಶುಭಾಶಯಗಳು ಎಂಬ ಕ್ಯಾಪ್ಶನ್‌ನ್ನು ಅಮೀರ್‌ ನೀಡಿದ್ದಾರೆ.
‘ತೈಮೂರ್‌’ ಹೆಸರು ಬದಲಾವಣೆಗೆ ಸೈಫ್‌ ಚಿಂತನೆ