800 ಕೋಟಿ ರೂ. ಅರಮನೆ ಇದ್ರೂ ಸೈಫ್ ಅಲಿ ಖಾನ್‌ಗೆ ತಪ್ಪದ ಎಸಿ, ನೀರು ಲೀಕೇಜ್ ಸಮಸ್ಯೆ; ದೊಡ್ಡ ತಲೆನೋವು ಎಂದ ನಟ

ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಅವರು ಮುಂಬೈನಲ್ಲಿ ಫ್ಲ್ಯಾಟ್‌ಗಳನ್ನು ಬಾಡಿಗೆಗೆ ನೀಡಿದ್ದಾರೆ. ಇದರಿಂದ ಏನೆಲ್ಲ ಸಮಸ್ಯೆ ಆಗುತ್ತದೆ ಎಂದು ಸೈಫ್ ಅಲಿ ಖಾನ್ ಅವರು 'ದಿ ಕಪಿಲ್ ಶರ್ಮಾ ಶೋ'ನಲ್ಲಿ ಹೇಳಿದ್ದಾರೆ. ಚಿಕ್ಕ ಭೂ ಮಾಲೀಕ ಆಗಿರುವ ನನಗೆ ದೊಡ್ಡ ತಲೆನೋವು ತರುವ ಸಮಸ್ಯೆಗಳು ಬರುತ್ತವೆ ಎಂದಿದ್ದಾರೆ.

ಎಸಿ, ಲೀಕೇಜ್ ಸಮಸ್ಯೆ ಎಂದ ಸೈಫ್ ಅಲಿ ಖಾನ್‌
"ನಾನು ಸಣ್ಣ ಭೂ ಮಾಲೀಕ ಆದರೂ ನಿಜಕ್ಕೂ ಇದು ನನಗೆ ದೊಡ್ಡ ತಲೆನೋವು ತರತ್ತೆ. ನಮಗೆ ಹಳೆಯ ಕಾಲದ ಬುದ್ಧಿ ಇರೋದರಿಂದ ಫ್ಲ್ಯಾಟ್‌ಗಳನ್ನು ಮಾರಾಟಕ್ಕೆ ಇಟ್ಟೆವು. ಎಸಿ ಸರಿ ಇಲ್ಲ, ಲೀಕೇಜ್ ಸಮಸ್ಯೆ ಅಂತ ಫೋನ್‌ಗಳು ಬರತ್ತೆ. ಆಗೆಲ್ಲ ನಾನು ಯಾರಾದರೂ ಮ್ಯಾನೇಜರ್ ನೇಮಕ ಮಾಡಬೇಕು ಅಂತ ಯೋಚನೆ ಮಾಡುತ್ತಿದ್ದೆ" ಎಂದು 51 ವರ್ಷದ ಸೈಫ್ ಅಲಿ ಖಾನ್ ಹೇಳಿದ್ದಾರೆ.

"ಕೊನೆಗೂ ನಾನು ಮ್ಯಾನೇಜರ್‌ನನ್ನು ನೇಮಕ ಮಾಡಿದೆ. ಅದಕ್ಕೂ ಮೊದಲು ನಾನೇ ಈ ಸಮಸ್ಯೆಗಳನ್ನು ಆಲಿಸಿ, ಪರಿಹಾರ ಮಾಡುತ್ತಿದ್ದೆ" ಎಂದು ಸೈಫ್ ಹೇಳಿದ್ದಾರೆ.

ಪೂರ್ವಜರಿಂದ ಬಂದ ಪಟೌಡಿ ಅರಮನೆಯನ್ನು ಮರು ಖರೀದಿ ಮಾಡಿಲ್ಲ: ನಟ ಸೈಫ್ ಅಲಿ ಖಾನ್

ಹೊಸ ಫ್ಲ್ಯಾಟ್‌ಗೆ ಕಾಲಿಟ್ಟ ಸೈಫ್ ಅಲಿ ಖಾನ್ ದಂಪತಿ
ಎರಡನೇ ಮಗ ಜೆಹಾಂಗೀರ್ ಹುಟ್ಟಿದ ನಂತರ ಸೈಫ್ ಅಲಿ ಖಾನ್ ಹಾಗೂ ಕರೀನಾ ಕಪೂರ್ ದೊಡ್ಡದಾದ ಫ್ಲ್ಯಾಟ್‌ಗೆ ತೆರಳಿದ್ದಾರೆ. ಈ ಹಿಂದೆ ಹಳೆಯ ಫ್ಲ್ಯಾಟ್‌ನ್ನು ಅವರು ತಿಂಗಳು 3.5 ಲಕ್ಷ ರೂಪಾಯಿಗೆ ಬಾಡಿಗೆ ನೀಡುತ್ತಿದ್ದರು ಎಂಬ ಮಾಹಿತಿ ಸಿಕ್ಕಿದೆ. ಈ ಹಿಂದೆ ಕರೀನಾ ದಂಪತಿ ಇದ್ದ ಫ್ಲ್ಯಾಟ್ ಮುಂದೆಯೇ ಹೊಸ ಫ್ಲ್ಯಾಟ್ ಇದೆಯಂತೆ. ಕಳೆದ ಫೆಬ್ರವರಿ ತಿಂಗಳಲ್ಲಿ ಕರೀನಾ ಕಪೂರ್ ಎರಡನೇ ಮಗುವಿಗೆ ಜನ್ಮ ನೀಡಿದ್ದರು. ತೈಮೂರ್ ಅಲಿ ಖಾನ್ ಮುಂಬರುವ ಡಿಸೆಂಬರ್‌ಗೆ 5 ನೇ ವರ್ಷಕ್ಕೆ ಕಾಲಿಡುತ್ತಾರೆ.

ಲಾಕ್‌ಡೌನ್‌ನಲ್ಲಿ ಏನು ಮಾಡಿದ್ರಿ ಅಂತ ಕೇಳಿದ್ದಕ್ಕೆ ಮಗು ಬಂತು ಎಂದ ನಟ ಸೈಫ್ ಅಲಿ ಖಾನ್

ಲಾಕ್‌ಡೌನ್‌ನಲ್ಲಿ ಮಗು ಬಂತು ಎಂದ ಸೈಫ್ ಅಲಿ ಖಾನ್
ಸೈಫ್ ಅಲಿ ಖಾನ್‌ಗೆ ಸೇರಿದ ಪಟೌಡಿ ಅರಮನೆಯಲ್ಲಿ 'ತಾಂಡವ್' ವೆಬ್ ಸಿರೀಸ್ ಶೂಟಿಂಗ್ ನಡೆದಿತ್ತು. ಅದರಿಂದ ಬಂದ ಹಣವನ್ನೆಲ್ಲ ಸೈಫ್ ತಾಯಿ ಶರ್ಮಿಳಾ ಠಾಗೋರ್ ಪಡೆದಿದ್ದಾರಂತೆ. ಆ ಅರಮನೆಗೆ ಸೈಫ್ ಕೇವಲ ನಾಮಿನಿ ಅಂತೆ. 'ದಿ ಕಪಿಲ್ ಶರ್ಮಾ ಶೋ'ನಲ್ಲಿ ಭಾಗವಹಿಸಿದ್ದ ಸೈಫ್ ಅಲಿ ಖಾನ್ ಅವರು 'ಭೂತ್ ಪೊಲೀಸ್' ಸಿನಿಮಾ ಪ್ರಚಾರಕ್ಕೆ ಆಗಮಿಸಿದ್ದಾಗ, ಲಾಕ್‌ಡೌನ್‌ನಲ್ಲಿ ಏನು ಮಾಡಿದ್ರಿ ಎಂಬ ಪ್ರಶ್ನೆಗೆ ಉತ್ತರ ನೀಡಿದ್ದ ಸೈಫ್ ಅಲಿ ಖಾನ್ 'ಮಗು ಬಂತು' ಎಂದು ಹೇಳಿದ್ದಾರೆ.

2014ರಲ್ಲಿ ಸೈಫ್ ಅಲಿ ಖಾನ್ ಅವರು ಮತ್ತೆ ಪಟೌಡಿ ಮನೆ ಖರೀದಿ ಮಾಡಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಅವರು ಮನೆ ಖರೀದಿ ಮಾಡಲಿಲ್ಲ. ಲೀಸ್‌ ಕ್ಲಿಯರ್ ಮಾಡಿದೆ ಎಂದು ಸ್ಪಷ್ಟನೆ ನೀಡಿದ್ದರು. ಹರಿಯಾಣದಲ್ಲಿ ಪಟೌಡಿ ಅರಮನೆಯಿದ್ದು, ಇದರ ಮೊತ್ತ 800 ಕೋಟಿ ರೂಪಾಯಿಗೂ ಮೀರಿದೆ ಎಂದು ವರದಿಯಾಗಿತ್ತು.