ಎನ್‌ಟಿಆರ್‌ ಮತ್ತು ರಾಮ್‌ಚರಣ್‌ ತೇಜ ಜತೆ ಆರ್‌ಆರ್‌ಆರ್‌ ಸಿನಿಮಾ ಮಾಡುತ್ತಿರುವ ಖ್ಯಾತ ನಿರ್ದೇಶಕ ರಾಜಮೌಳಿ ಇದೀಗ ಹೊಸ ಸುದ್ದಿ ನೀಡಿದ್ದಾರೆ. ಚಿತ್ರದಲ್ಲಿಎನ್‌ಟಿಆರ್‌ಗೆ ನಾಯಕಿಯಾಗಿ ಲಂಡನ್‌ ಮೂಲದ ರಂಗ ಕಲಾವಿದೆ ಒಲಿವಿಯಾ ಮೋರಿಸ್‌ ಆಯ್ಕೆಯಾಗಿದ್ದು, ಅದನ್ನು ಅಧಿಕೃತವಾಗಿ ಪ್ರಕಟಿಸಿದ್ದಾರೆ.

ಇಂಗ್ಲಿಷ್‌ ರಂಗಭೂಮಿಲ್ಲಿದೊಡ್ಡ ಹೆಸರು ಮಾಡಿರುವ ಒಲಿವಿಯಾಗೆ ಅಲ್ಲಿನ ಕಿರುತೆರೆಯಲ್ಲೂಭಾರೀ ಫಾಲೋಯಿಂಗ್‌ ಇದೆ. ಆದರೆ ಭಾರತೀಯ ಪ್ರೇಕ್ಷಕರಿಗೆ ಅಷ್ಟೇನೂ ಪರಿಚಿತವಲ್ಲದ ಇವರನ್ನು ರಾಜಮೌಳಿ ತೀವ್ರ ಶೋಧ ಮಾಡಿದ ಆಯ್ಕೆ ಮಾಡಿಕೊಂಡಿದ್ದಾರೆ.

ಎಸ್ ಎಸ್ ರಾಜಮೌಳಿ ಹಿಂದಿರುವ ಆ ಅಜ್ಞಾತ ಮಹಿಳೆ ಯಾರು?

ಒಲಿವಿಯಾ ಅವರನ್ನು ಆಯ್ಕೆ ಮಾಡಿದ್ದಕ್ಕೆ ಹಲವು ಕಾರಣಗಳಿವೆ. ಅವು ಏನು ಎಂಬುದು ಸಿನಿಮಾ ನೋಡಿದ ಮೇಲಷ್ಟೇ ಗೊತ್ತಾಗಲಿದೆ. ಅದಕ್ಕಿಂತ ಹೆಚ್ಚೇನೂ ಹೇಳಲಾರೆ ಎಂದು ಅವರು ಹೇಳಿಕೊಂಡಿದ್ದಾರೆ. ಇನ್ನೊಂದೆಡ ಚಿತ್ರತಂಡವೂ ಈ ಬಗ್ಗೆ ಮಾಹಿತಿ ಬಿಟ್ಟುಕೊಟ್ಟಿಲ್ಲ.

ಒಲಿವಿಯಾ ಜತೆಗೆ ಇನ್ನೂ ಮೂರು ಮಂದಿ ಅಂತಾರಾಷ್ಟ್ರೀಯ ಕಲಾವಿದರೂ ಆರ್‌ಆರ್‌ಆರ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅಲಿಸನ್ ಡೂಡಿ ಹಾಗೂ ರೇ ಸ್ಟೀವನ್‍ಸನ್ ಈ ಚಿತ್ರದಲ್ಲಿ ಅಭಿನಯಿಸುತ್ತಿರುವ ಇನ್ನಿಬ್ಬರು ಕಲಾವಿದರು.

'ಆರ್‌ಆರ್‌ಆರ್'ಗಾಗಿ ರಾಮ್ ಚರಣ್, ಎನ್‍ಟಿಆರ್‌ ಪಡೆದ ಸಂಭಾವನೆ ಎಷ್ಟು ಗೊತ್ತಾ?


ಇವರ ಪಾತ್ರಗಳ ಬಗ್ಗೆ ಆರ್‌ಆರ್‌ಆರ್ ಸಿನಿಮಾದ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಮಾಹಿತಿ ನೀಡಲಾಗಿದೆ. ಅಲಿಸನ್ ಡೂಡಿ ಅವರು ಹಾಲಿವುಡ್‌ನ ಇಂಡಿಯಾನಾ ಜೋನ್ಸ್ ಹಾಗೂ ರೇ ಸ್ಟೀವನ್‍ಸನ್ ಅವರು ಥಾರ್ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ.

ಎಸ್ ಎಸ್ ರಾಜಮೌಳಿ 'ಆರ್ ಆರ್ ಆರ್' ಶೀರ್ಷಿಕೆಯ ಲೇಟೆಸ್ಟ್ ಅರ್ಥ


ಇನ್ನೊಂದು ವಿಶೇಷ ಎಂದರೆ ಆರ್‌ಆರ್‌ಆರ್ ಸಿನಿಮಾವನ್ನು ಒಟ್ಟು 10 ಭಾಷೆಗಳಲ್ಲಿ ರಿಲೀಸ್ ಮಾಡಲಾಗುತ್ತಿದೆ. ಮುಂದಿನ ವರ್ಷ ಜುಲೈ 30ಕ್ಕೆ ಈ ಸಿನಿಮಾವನ್ನು ರಿಲೀಸ್ ಮಾಡಲು ಪ್ಲಾನ್ ಮಾಡಿದ್ದಾರೆ ರಾಜಮೌಳಿ. ಈ ಸಿನಿಮಾದ ಬಜೆಟ್ ಸುಮಾರು ₹ 300 ಕೋಟಿ ಎಂದಿವೆ ಮೂಲಗಳು.

ರಾಜಮೌಳಿ ನಿರ್ದೇಶನದ ಸಿನಿಮಾಗಳಿಗೆ ಮಾರುಕಟ್ಟೆ ಸಿಕ್ಕಾಪಟ್ಟೆ ಇರುವುದು ಗೊತ್ತೇ ಇದೆ. ಬಾಹುಬಲಿ ಹಾಗೂ ಬಾಹುಬಲಿ 2 ಸಿನಿಮಾಗಳು ಜಗತ್ತಿನಾದ್ಯಂತ ಇದುವರೆಗೆ ₹ 2000 ಕೋಟಿ ಕಲೆಕ್ಷನ್ ಮಾಡಿವೆ.