ಸೌಂಡ್‌ ಮಾಡ್ತಿದೆ ಸಲ್ಲು 'ಟ್ಯೂಬ್‌ಲೈಟ್‌' ಟ್ರೈಲರ್‌!

ಸಲ್ಮಾನ್‌ ಖಾನ್‌ ಅಭಿನಯದ 'ಟ್ಯೂಬ್‌ಲೈಟ್‌' ಚಿತ್ರ ಪೋಸ್ಟರ್‌ ಮತ್ತು ಟೀಸರ್‌ಗಳಿಂದ ಸಾಕಷ್ಟು ಕುತೂಹಲ ಮೂಡಿಸಿತ್ತು. ಇದೀಗ ಚಿತ್ರದ ಟ್ರೈಲರ್‌ ಬಿಡುಗಡೆಯಾಗಿದ್ದು ಸಲ್ಲು ಅಭಿಮಾನಿಗಳು ಚಿತ್ರಕ್ಕಾಗಿ ತುದಿಗಾಲಲ್ಲಿ ಕಾಯುವಂತೆ ಮಾಡಿದೆ.

ಹೌದು, ಬಿಡುಗಡೆಯಾಗಿರುವ 'ಟ್ಯೂಬ್‌ಲೈಟ್‌' ಟ್ರೇಲರ್‌ನಲ್ಲಿ ಭಾವನೆಗಳ ಸಮ್ಮಿಶ್ರಣವಿದೆ. ಒಬ್ಬ ಬುದ್ಧಿ ಮಾಂಧ್ಯನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಸಲ್ಲು, ತಮ್ಮ ಅಭಿನಯದಿಂದಲೇ ಗಮನ ಸೆಳೆದಿದ್ದಾರೆ. ಅದೇ ರೀತಿ ಸಲ್ಲು ಸಹೋದರ ಸೊಹೇಲ್‌ ಖಾನ್‌ 'ಟ್ಯೂಬ್‌ಲೈಟ್‌' ಚಿತ್ರದಲ್ಲಿಯೂ ಸಹೋದರನ ಪಾತ್ರ ನಿಭಾಯಿಸಿರುವುದು ಮತ್ತೊಂದು ವಿಶೇಷ. ಹಾಗಾಗಿ ಇವರಿಬ್ಬರ ಜೋಡಿ ಟ್ರೈಲರ್‌ನಲ್ಲಿಯೇ ಮೋಡಿ ಮಾಡಿದೆ.

ಇನ್ನು ಸಲ್ಲು ಅಭಿನಯದ 'ಏಕ್‌ ಥಾ ಟೈಗರ್‌' ಮತ್ತು 'ಭಜರಂಗಿ ಭಾಯ್‌ಜಾನ್‌' ಚಿತ್ರವನ್ನು ನಿರ್ದೇಶಿಸಿದ್ದ ಕಬೀರ್‌ ಖಾನ್‌ ಈ ಚಿತ್ರಕ್ಕೂ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಸಲ್ಲು ಮತ್ತು ಕಬೀರ್‌ ಕಾಂಬಿನೇಷನ್‌ ಚಿತ್ರಗಳು ಬಾಕ್ಸ್‌ ಅಫೀಸ್‌ನಲ್ಲಿ ಸೋಲು ಕಂಡಿಲ್ಲ. ಇದೇ ಕಾರಣಕ್ಕೆ ಸಹಜವಾಗಿ ಚಿತ್ರದ ಮೇಲೆ ನಿರೀಕ್ಷೆಗಳು ಹೆಚ್ಚಾಗುವಂತೆ ಮಾಡಿದೆ.



ಬಾಲಿವುಡ್‌ನಲ್ಲಿ ಸೌಂಡ್‌ ಮಾಡುತ್ತಿರುವ ಟ್ಯೂಬ್‌ಲೈಟ್‌ ಟ್ರೈಲರ್‌ನೊಮ್ಮೆ ನೀವೂ ನೋಡಿಬಿಡಿ.