ಶ್ರೀದೇವಿಯನ್ನು ನೋಡಿ ಇದ್ಯಾವ ನಟಿ ಎಂದ ರಿಷಿ ಕಪೂರ್‌!

ಅತ್ಯುತ್ತಮ ನಟ ಎನಿಸಿಕೊಂಡಿರುವ ರಿಷಿ ಕಪೂರ್ ಸಾಮಾಜಿಕ ತಾಣಗಳಲ್ಲಿ ವಿವಾದಗಳನ್ನು ಮೈಮೇಲೆ ಎಳೆದುಕೊಳ್ಳುವಲ್ಲೂ ಎತ್ತಿದ ಕೈ. ಸದಾ ಒಂದೆಲ್ಲಾ ಒಂದು ಹೇಳಿಕೆ ನೀಡಿ ಟ್ರೋಲ್‌ಗೊಳಗಾಗುತ್ತಿದ್ದ ರಿಷಿ ಕಪೂರ್‌ ಇದೀಗ ತನ್ನ ಚಿತ್ರದ ವೀಡಿಯೋ ತುಣುಕುವೊಂದರಲ್ಲಿ ಅವರ ಜತೆ ನೃತ್ಯ ಮಾಡಿದ ಶ್ರೀದೇವಿಯನ್ನು ಗುರುತಿಸದೆ 'ಇದು ಯಾರು' ಎಂದು ಕೇಳುವ ಮೂಲಕ ಸಿಕ್ಕಾಪಟ್ಟೆ ಟ್ರೋಲ್‌ಗೊಳಗಾಗಿದ್ದಾರೆ.


ಅಭಿಮಾನಿಯೊಬ್ಬರು ಶ್ರೀದೇವಿ ಹಾಗೂ ರಿಷಿಕಪೂರ್‌ನ ಜಿಫ್‌ವೊಂದನ್ನು ಸೋಷಿಯಾ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಾರೆ. ಅದಕ್ಕೆ ಪ್ರತಿಕ್ರಿಯಿಸಿದ ರಿಷಿಕಪೂರ್‌ ಯಾವ ಚಿತ್ರವಿದು, ನನ್ನ ಜತೆ ಇರುವ ನಟಿಯ ಗುರುತು ಸಿಕ್ಕಿಲ್ಲ' ಎಂದು ಪ್ರತಿಕ್ರಿಯಿಸಿರುವುದು ಅಭಿಮಾನಿಗಳ ಕೋಪಕ್ಕೆ ಕಾರಣವಾಗಿದೆ.

90ರ ದಶಕದ ಅತ್ಯುತ್ತಮ ಸಿನಿ ಜೋಡಿಯಾಗಿ ಗುರುತಿಸಿಕೊಂಡಿದ್ದ ಶ್ರೀದೇವಿ-ರಿಷಿ ಕಪೂರ್‌ ಹಲವಾರು ಚಿತ್ರಗಳಲ್ಲಿ ಒಟ್ಟಾಗಿ ನಟಿಸಿದ್ದರು. ಈ ಜೋಡಿ ನಟಿಸಿದ್ದ ಚಾಂದಿನಿ ಚಿತ್ರ ಸೂಪರ್‌ ಹಿಟ್‌ ಆಗಿತ್ತು, ಆ ಚಿತ್ರದ ತುಣುಕಿನ ವೀಡಿಯೋವನ್ನು ಗುರುತಿಸದ ರಿಷಿ ಕಪೂರ್ ಮೇಲೆ ನಾಳೆ ರಣಬೀರ್‌ ಕಪೂರ್ ನೋಡಿ ಇದ್ಯಾರು ಎಂದು ಕೇಳಬೇಡಿ ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ.