ಕಾದಂಬರಿಕಾರನಾಗುತ್ತಿದ್ದಾನೆ ಅಕ್ಷಯ್ ಕುಮಾರ್ ಪುತ್ರ

ಬೆಂಗಳೂರು: ಕಂಡಕ್ಟರ್ ಮಗನೊಬ್ಬ ಕಣ್ ಡಾಕ್ಟರ್ ಬೇಕಾದರೂ ಆಗಬಹುದು, ಇಲ್ಲ ಕಂಡಕ್ಟರ್ ಬೇಕಾದರೂ ಆಗಬಹುದಾದರೂ ಹೆಚ್ಚಿನವರು ಅಪ್ಪನ ಉದ್ಯೋಗವನ್ನೇ ನೆಚ್ಚಿಕೊಳ್ಳುತ್ತಾರೆ. ಬಾಲಿವುಡ್‌ನಲ್ಲಿಯೂ ಈ ಟ್ರೆಂಡ್ ಹೊಸತಲ್ಲ. ಸ್ಟಾರ್ ಕಿಡ್ಸ್ ಎಂದು ಕರೆಯಿಸಿಕೊಳ್ಳುವ ಕಲಾವಿದರ ಮಕ್ಕಳು ಚಿತ್ರೋದ್ಯಮಕ್ಕೆ ಬರುವುದು ಸಾಮಾನ್ಯವಾಗಿದ್ದು, ಅದಕ್ಕೆ ಸಾಕಷ್ಟು ಉದಾಹರಣೆಗಳೂ ಇವೆ.

ಆದರೆ, ಇದಕ್ಕೆ ಅಪವಾದವೆಂಬಂತೆ ಅಕ್ಷಯ್ ಕುಮಾರ್ ಮಗ ಔರವ್ ಕುಮಾರ್ ನಟನಾಗುವ ಬದಲು ಕಾದಂಬರಿಕಾರನಾಗಿ ಹೊರಹೊಮ್ಮುತ್ತಿದ್ದಾನೆ. ತಂದೆಯ ಗ್ಲಾಮರಸ್ ವೃತ್ತಿಯೆಡೆಗೆ ಆಕರ್ಷಿತನಾಗದ ಇವನು, ಮೊದಲ ಕಾದಂಬರಿ ಬರೆಯಲು ಸಿದ್ಧನಾಗಿದ್ದಾನೆ. ಈಗಾಗಲೇ, ಕ್ಯಾಮೆರಾ ಮುಂದೆ ಫೋಸ್ ನೀಡುತ್ತಾ ಜೀವನವನ್ನು ಕಳೆಯುವ ಬದಲು, ಲ್ಯಾಪ್‌ಟಾಪ್ ಮುಂದೆ ಕುಳಿತು ಅಕ್ಷರಗಳನ್ನು ಜೋಡಿಸುತ್ತಿದ್ದಾನೆ ಈ ಯುವಕ.

ಈ ಮೊದಲು ತಾರೆಯಾಗಿ ಮಿಂಚಿದ್ದಕ್ಕಿಂತಲೂ ಪುಸ್ತಕಗಳನ್ನು ಬರೆದು ಜನಪ್ರಿಯವಾಗುತ್ತಿರುವ ಟ್ವಿಂಕಲ್ ಖನ್ನಾ ದಾರಿಯಲ್ಲಿಯೇ ಮಗನೂ ಹೆಜ್ಜೆ ಹಾಕುತ್ತಿದ್ದು, ಮಗನ ಬೆಳವಣಿಗೆಯಲ್ಲಿ ಟ್ವಿಂಕಲ್ ಸಂತೋಷ ಕಾಣುತ್ತಿದ್ದಾರೆ.

  A post shared by Twinkle Khanna (@twinklerkhanna) on May 3, 2017 at 7:44am PDT ಔರವ್ ಎಂಥ ಕಾದಂಬರಿ ಬರೆಯುತ್ತಿದ್ದಾನೆ ಎನ್ನುವ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗದಿದ್ದರೂ, ಅವರು ಏನು ಬರೆಯಬಹುದೆಂಬುದನ್ನು ಬಾಲಿವುಡ್ ಕುತೂಹಲದಿಂದ ಕಾಯುತ್ತಿದೆ.

ತಮ್ಮ ವೃತ್ತಿಯಲ್ಲಿ ಅಕ್ಷಯ್ ಕುಮಾರ್ ಬ್ಯುಸಿಯಾದರೂ, ಕುಟುಂಬಕ್ಕೆಂದು ಸಾಕಷ್ಟು ಟೈಂ ಸ್ಪೆಂಡ್ ಮಾಡುತ್ತಾರೆಂಬುವುದು ಅವರ ಸೋಷಿಯಲ್ ಮೀಡಿಯಾ ಪ್ರೊಫೈಲ್‌ಗಳಿಂದ ಗೊತ್ತಾಗುತ್ತದೆ. ಸದೃಢ ಕುಟುಂಬಕ್ಕೆ ಪ್ರೀತಿ, ಮೌಲ್ಯಗಳೇ ಮುಖ್ಯವೆಂದು ನಂಬಿರುವ ಈ ದಂಪತಿ, ಮಕ್ಕಳ ಮಾನಿಕ ಬೆಳವಣಿಗೆಗೆ ಹೆಚ್ಚಿನ ಗಮನ ಹರಿಸುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಷಯ.