ಕೊರೆವ ಚಳಿಯಲ್ಲಿ ನಟಿಸಿದ ವರುಣ್‌ ಧವನ್‌

ಕಲಂಕ್‌ ಸಿನಿಮಾದ ಶೂಟಿಂಗ್‌ ಕಾರ್ಗಿಲ್‌ನಲ್ಲಿ ನಡೆಯುತ್ತಿದ್ದು, ಇಲ್ಲಿನ ಮೈ ಕೊರೆಯುವ ಮೈನಸ್‌ ಮೂರು ಡಿಗ್ರಿ ಸೆಲ್ಷಿಯಸ್‌ ಉಷ್ಣತೆಯಲ್ಲಿ ನಟ ವರುಣ್‌ ಧವನ್‌ ಮೈ ಮೇಲೆ ಶರ್ಟ್‌ ಇಲ್ಲದೆ ನಟಿಸಿ ಗಮನ ಸೆಳೆದಿದ್ದಾರೆ. ಈ ಅಸಹನೀಯ ಚಳಿಯಲ್ಲಿ ತೆರೆದ ಎದೆಯಲ್ಲಿರುವ ತಮ್ಮ ಫೋಟೊವನ್ನು ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದು, ಕಾರ್ಗಿಲ್‌ನಲ್ಲಿ ಹಿಮ ಬೀಳುವ ವೇಳೆ ಶೂಟಿಂಗ್‌ ಮಾಡಲಾಗಿದೆ. ಈ ಚಳಿಯಲ್ಲಿ ನಟನೆ ಮಾಡಲು ತರಬೇತಿ ನೀಡಲಾಗಿತ್ತು. ಆದರೆ ಮೈನಸ್‌ ಮೂರು ಡಿಗ್ರಿ ಉಷ್ಣಾಂಶದಲ್ಲಿ ತೆರೆದ ಮೈಯಲ್ಲಿ ಹೇಗೆ ನಟಿಸಬೇಕು ಎಂಬುದರ ಬಗ್ಗೆ ಸ್ಪಷ್ಟತೆ ಇರಲಿಲ್ಲ. ದೇವರು ದೊಡ್ಡವನು ಎಂದು ಬರೆದುಕೊಂಡಿದ್ದಾರೆ. ಅಭಿಷೇಕ್‌ ವರ್ಮನ್‌ ನಿರ್ಮಾಣದ ಈ ಸಿನಿಮಾದಲ್ಲಿ ಆಲಿಯಾ ಭಟ್‌, ಕುನಾಲ್‌ ಕೇಮು ಮುಂತಾದವರಿದ್ದಾರೆ.