ವೆಂಕಟೇಶ್ ಬಗೆಗಿನ ಗಾಸಿಪ್ ಅಲ್ಲಗಳೆದ ಸುರೇಶ್ ಪ್ರೊಡಕ್ಷನ್ಸ್

ತಮಿಳಿನ ಬ್ಲಾಕ್‌ ಬಸ್ಟರ್‌ ಸಿನಿಮಾ ವಿಕ್ರಂ ವೇದಾ ತೆಲುಗಿಗೆ ರಿಮೇಕ್‌ ಆಗುತ್ತಿದೆ, ಅದರಲ್ಲಿ ವೆಂಕಟೇಶ್‌ ನಟಿಸುತ್ತಾರೆ ಎಂಬ ಸುದ್ದಿಗಳು ಹರಿದಾಡುತ್ತಿತ್ತು, ಆದರೆ ಇದನ್ನು ವೆಂಕಟೇಶ್‌ ನಿರಾಕರಿಸಿದ್ದಾರೆ. ಈ ಬಗ್ಗೆ ವೆಂಕಟೇಶ್‌ ಅವರ ಸುರೇಶ್‌ ಪ್ರೊಡಕ್ಷನ್‌ ಹೌಸ್‌ನ ಅಧಿಕೃತ ಟ್ವೀಟರ್‌ ಅಕೌಂಟ್‌ನಿಂದ ಟ್ವೀಟ್‌ ಆಗಿದೆ.

ಸದ್ಯ ವೆಂಕಟೇಶ್‌ ವೆಂಕಿ ಮಾಮ ಎಂಬ ಸಿನಿಮಾದಲ್ಲಿ ಬಿಝಿ ಇದ್ದು, ವಿಕ್ರಂ ವೇದಾ ತೆಲುಗು ರಿಮೇಕ್‌ನಲ್ಲಿ ನಟಿಸುತ್ತಿಲ್ಲ ಎಂದು ಟ್ವೀಟ್‌ನಲ್ಲಿ ಬರೆಯಲಾಗಿದೆ.


ವೆಂಕಿಮಾಮ ಸಿನಿಮಾದಲ್ಲಿ ನಾಗಚೈತನ್ಯ, ರಾಶಿ ಖನ್ನ, ಪಾಯಲ್‌ ರಜಪೂತ್‌ ನಟಿಸುತ್ತಿದ್ದಾರೆ. ವಿಕ್ರಂ ವೇದಾ ಕಳೆದ ವರ್ಷ ಬಿಡುಗಡೆಯಾಗಿ ತಮಿಳಿನಲ್ಲಿ ದೊಡ್ಡ ಹಿಟ್‌ ಆಗಿತ್ತು. ಈ ಸಿನಿಮಾದ ರಿಮೇಕ್‌ ರೈಟ್ಸ್‌ಗೆ ಅತಿ ಹೆಚ್ಚು ಬೇಡಿಕೆ ಬಂದಿತ್ತು. ಈ ಚಿತ್ರ ಹಿಂದಿಗೂ ರಿಮೇಕ್‌ ಆಗುತ್ತಿದೆ. ವೆಂಕಟೇಶ್‌ ನಟಿಸುತ್ತಿಲ್ಲ ಎಂಬ ಸುದ್ದಿ ಹೊರಬೀಳುತ್ತದ್ದಂತೆ ವಿಕ್ರಂ ವೇದಾ ತೆಲುಗಿನಲ್ಲಿ ಆಗುತ್ತಾದ ಎಂಬ ಅನುಮಾನ ಅಲ್ಲಿನ ಸಿನಿಮಾ ಪಂಡಿತರಿಗೆ ಕಾಡುತ್ತಿದೆ.

ತಮಿಳಿನ ಸೂಪರ್ ಹಿಟ್ ಸಿನಿಮಾ ವಿಕ್ರಂ ವೇದ ಚಿತ್ರದಲ್ಲಿ ಸ್ಟಾರ್ ಹೀರೋಗಳಾದ ಮಾಧವನ್ ಮತ್ತು ವಿಜಯ್ ಸೇತುಪತಿ ನಟಿಸಿದ್ದಾರೆ. ಪೊಲೀಸ್ ಅಧಿಕಾರಿ ವಿಕ್ರಂ ಪಾತ್ರದಲ್ಲಿ ಮಾಧವನ್, ಡಾನ್ ವೇದಾ ಪಾತ್ರದಲ್ಲಿ ವಿಜಯ್ ಸೇತುಪತಿ ಅಭಿನಯ ಅಭಿಮಾನಿಗಳನ್ನು ರಂಜಿಸಿತ್ತು.

ಪುಷ್ಕರ ಗಾಯತ್ರಿ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾ ಪ್ರಶಸ್ತಿಗಳನ್ನೂ ಬಾಚಿಕೊಂಡು ಬಾಕ್ಸ್ ಆಫೀಸಲ್ಲೂ ಸೌಂಡ್ ಮಾಡಿತ್ತು. ಇದೀಗ ತೆಲುಗಿನಲ್ಲೂ ರೀಮೇಕ್ ಮಾಡುವ ಪ್ರಯತ್ನಗಳು ನಡೆಯುತ್ತಿವೆ.