ಫ್ರೀಡಂ ಫೈಟರ್‌ ರೋಲ್‌ನಲ್ಲಿ ವಿಕ್ಕಿ ಕೌಶಲ್‌

ಉರಿ: ದಿ ಸರ್ಜಿಕಲ್‌ ಸ್ಟ್ರೈಕ್‌ ಸಿನಿಮಾ ಖ್ಯಾತಿಯ ನಟ ವಿಕ್ಕಿ ಕೌಶಲ್‌ ಹೊಸ ಸಿನಿಮಾವೊಂದರಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ಸರ್ದಾರ್‌ ಉಧಾಮ್‌ ಸಿಂಗ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶೂಜಿತ್‌ ಸಿರ್ಕಾರ್‌ ನಿರ್ಮಾಣದ ಈ ಸಿನಿಮಾಗೆ ಪಂಜಾಬ್‌ ಮೂಲದ ಮತ್ತು ಸದ್ಯಕ್ಕೆ ಬಾಲಿವುಡ್‌ನ ಗೋಲ್ಡನ್‌ ಬಾಯ್‌ ಆಗಿರುವ ವಿಕ್ಕಿಯೇ ಮುಖ್ಯ ಪಾತ್ರ ಮಾಡಬೇಕು ಎಂದು ನಿರ್ಮಾಪಕರು ಬಯಸಿದ್ದರಂತೆ. ಈ ಆಫರ್‌ ಒಪ್ಪಿಕೊಂಡಿರುವ ವಿಕ್ಕಿ ಶೀಘ್ರದಲ್ಲೇ ಶೂಟಿಂಗ್‌ನಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಅಮೃತಸರದಲ್ಲಿ 1919 ರಲ್ಲಿ ನಡೆದ ಜಲಿಯನ್‌ವಾಲಾ ಬಾಗ್‌ ಹತ್ಯಕಾಂಡದ ವಿರುದ್ಧ ಪ್ರತಿಕಾರ ತೀರಿಸಿಕೊಳ್ಳಲು ಹೋಗಿ ಬ್ರಿಟಿಷ್‌ ಅಧಿಕಾರಿಯೊಬ್ಬರನ್ನು ಕೊಂದು ಗಲ್ಲು ಶಿಕ್ಷೆಗೆ ಗುರಿಯಾಗಿ ಹುತಾತ್ಮರಾದ ಉಧಾಮ್‌ ಸಿಂಗ್‌ ಪಾತ್ರಕ್ಕೆ ವಿಕ್ಕಿ ಕೌಶಲ್‌ ಅವರೇ ಸೂಕ್ತವಾಗುತ್ತಾರೆ ಎಂಬ ಕಾರಣಕ್ಕೆ ಈ ಆಯ್ಕೆ ಮಾಡಲಾಗಿದೆ. ಅವರು ತುಂಬಾ ಬದ್ಧತೆಯಿಂದ ಕೆಲಸ ಮಾಡುತ್ತಾರೆ ಎಂದು ಶೂಜಿತ್‌ ಸಿರ್ಕಾರ್‌ ಹೇಳಿದ್ದಾರೆ. ಉಧಾಮ್‌ ಸಿಂಗ್‌ ಪಾತ್ರ ಮಾಡಲು ತಾನು ಕೂಡಾ ಸಾಕಷ್ಟು ಉತ್ಸಾಹಿತನಾಗಿದ್ದೇನೆ ಎಂದು ವಿಕ್ಕಿ ಕೌಶಲ್‌ ತಿಳಿಸಿದ್ದಾರೆ.