ಮೋದಿಗೆ ಮೀಸಲಾದ ಟೆಂಟ್‌ನಲ್ಲಿ ವಿದ್ಯಾ ಬಾಲನ್

ಅದು ಅಂತಿಂಥ ಟೆಂಟ್ ಅಲ್ಲ. ಸಕಲ ಸೌಲಭ್ಯಗಳೂ ಇರುವಂತಹ ಐಶಾರಾಮಿ ಟೆಂಟ್ ಅದು. ಪ್ರಧಾನಿ ನರೇಂದ್ರ ಮೋದಿ ಅವರು ಬಳಸುತ್ತಿದ್ದಂತಹ ಟೆಂಟ್. ಇಂತಹ ಟೆಂಟ್‌ನಲ್ಲಿ ನಟಿ ವಿದ್ಯಾಬಾಲನ್‍ ಉಳಿದುಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ.

ಸದ್ಯಕ್ಕೆ ವಿದ್ಯಾ ಬಾಲನ್ ಗುಜರಾತ್‌ ಪ್ರವಾಸದಲ್ಲಿದ್ದಾರೆ. ಆಕೆ ಮುಖ್ಯಭೂಮಿಕೆಯಲ್ಲಿರುವ 'ತುಮ್ಹಾರಿ ಸುಲು' ಚಿತ್ರದ ಪ್ರಚಾರ ಕಾರ್ಯದ ಭಾಗವಾಗಿ ವಿದ್ಯಾ ಗುಜರಾತ್‌‌ನಲ್ಲಿ ಸುತ್ತುತ್ತಿದ್ದಾರೆ. ಆದರೆ ಅವರು ಗುಜರಾತ್‌ಗೆ ಬಂದ ಕಾರಣ ಅಲ್ಲಿನ ಪ್ರವಾಸೋದ್ಯಮ ಇಲಾಖೆ ಅವರಿಗೆ ವಿಶೇಷ ಸೌಲಭ್ಯಗಳನ್ನು ಕಲ್ಪಿಸಿದೆ.

ಅವರಿಗಾಗಿ ಸಖಲ ಸೌಲಭ್ಯಗಳ ಬುಲ್ಲೆಟ್ ಫ್ರೂಪ್ ಟೆಂಟನ್ನು ನೀಡಿದೆ. ಈ ಟೆಂಟ್ ಕೇವಲ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಮಾತ್ರ ನೀಡಲಾಗುತ್ತಿತ್ತು. ಇದರಲ್ಲಿ ಸೋಫಾ, ಟಿವಿ, ಮಲ್ಟಿ ಮೀಡಿಯಾ ಪ್ಲೇಯರ್‌ಗಳು, ಎರಡು ಬೆಡ್ ರೂಮ್‌ಗಳು ಇವೆ. ಈ ಟೆಂಟ್‍ನ ಫೋಟೋವನ್ನು ವಿದ್ಯಾ ಬಾಲನ್ ಎಲ್ಲರೊಂದಿಗೆ ಹಂಚಿಕೊಂಡಿದ್ದಾರೆ.

'ಆ ಟೆಂಟ್ ತುಂಬಾ ಅಧ್ಬುತವಾಗಿದೆ. ರಾಜ ಭೋಗಗಳನ್ನು ಅನುಭವಿಸುತ್ತಿದ್ದಂತೆ ಅನ್ನಿಸಿತು' ಎಂದಿದ್ದಾರೆ. ಇನ್ನು ಅವರ ಸಿನಿಮಾ ತುಮ್ಹಾರಿ ಸುಲು ವಿಚಾರಕ್ಕೆ ಬರುವುದಾದರೆ ಈ ಸಿನಿಮಾದಲ್ಲಿ ಲೇಟ್ ನೈಟ್ ಆರ್‌ಜೆ ಸುಲೋಚನಾ ಪಾತ್ರದಲ್ಲಿ ವಿದ್ಯಾ ಅಭಿನಯಿಸುತ್ತಿದ್ದಾರೆ. ನವೆಂಬರ್ 17ರಂದು ಈ ಸಿನಿಮಾ ತೆರೆಕಾಣುತ್ತಿದೆ.