13 ವರ್ಷಗಳ ನಂತರ ಬೆಳ್ಳಿ ಪರದೆಗೆ ಮರಳಿದ ವಿಜಯಶಾಂತಿ

ತೆಲುಗು ಮತ್ತು ದಕ್ಷಿಣ ಭಾರತದ ಎಲ್ಲ ಚಿತ್ರರಂಗದಲ್ಲಿ ಲೇಡಿ ಸೂಪರ್‌ಸ್ಟಾರ್‌ ಮತ್ತು ಲೇಡಿ ಅಮಿತಾಭ್‌ ಎಂದೇ ಹೆಸರಾಗಿದ್ದ ನಟಿ ವಿಜಯಶಾಂತಿ 13 ವರ್ಷಗಳ ನಂತರ ಮತ್ತೆ ಬೆಳ್ಳಿತೆರೆಗೆ ವಾಪಾಸ್ಸಾಗಿದ್ದಾರೆ.

2006ರಲ್ಲಿ ನಾಯುಡಮ್ಮ ಚಿತ್ರದ ನಂತರ ರಾಜಕೀಯ ಪ್ರವೇಶಿಸಿ, ನಟನೆಗೆ ವಿದಾಯ ಹೇಳಿದ್ದ ವಿಜಯ್‌ ಶಾಂತಿ ಕನ್ನಡದಲ್ಲಿಯೂ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದರು. ಇದೀಗೆ ಮಹೇಶ್‌ ಬಾಬು ಮತ್ತು ರಶ್ಮಿಕಾ ಮಂದಣ್ಣ ನಟನೆಯ ಸರಿಲೇರು ನೀಕೆವ್ವರು ಚಿತ್ರದಲ್ಲಿ ಡೈನಾಮಿಕ್‌ ರೋಲ್‌ ಒಂದನ್ನು ಮಾಡುತ್ತಿದ್ದಾರೆ ಎಂದು ನಿರ್ದೇಶಕ ಅನಿಲ್‌ ರಾವಿಪುಡಿ ತಿಳಿಸಿದ್ದಾರೆ.

1980ರಲ್ಲಿ ಸೂಪರ್‌ ಸ್ಟಾರ್‌ ಕೃಷ್ಣ ಅವರ ಕಿಲಾಡಿ ಕೃಷ್ಣ ಚಿತ್ರದ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದ ವಿಜಯ್‌ ಶಾಂತಿ ಇದೀಗ ಅವರ ಪುತ್ರ ಮಹೇಶ್‌ ಬಾಬು ನಟನೆಯ ಚಿತ್ರದ ಮೂಲಕ ಕಮ್‌ ಬ್ಯಾಕ್‌ ಆಗುತ್ತಿರುವುದಕ್ಕೆ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ ಎಂದು ನಿರ್ದೇಶಕರು ಇದೇ ಸಮಯದಲ್ಲಿ ತಿಳಿಸಿದ್ದಾರೆ.