ದಿನವಿಡೀ ಅನುಷ್ಕಾ ಜೊತೆ 'ಪ್ರೈವೇಟ್ ಕ್ಷಣ' ಕಳೆಯಲಿರುವ ವಿರಾಟ್ ಕೊಹ್ಲಿ!

ಬಾಲಿವುಡ್ ನಟಿ ಹಾಗೂ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಅವರು ಇಂದು, ಮೇ 01ರಂದು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಅವರ ಬಹಳಷ್ಟು ಅಭಿಮಾನಿಗಳು ಹುಟ್ಟುಹಬ್ಬದ ಈ ಸಮಯದಲ್ಲಿ ಅವರಿಗೆ ಶುಭಾಶಯ ಕೋರಿದ್ದಾರೆ. ಅಷ್ಟೇ ಅಲ್ಲ, ಸ್ವತಃ ಅನುಷ್ಕಾ ಪತಿ ಕ್ರಿಕೆಟ್ ಸ್ಟಾರ್ ವಿರಾಟ್ ಕೊಹ್ಲಿ ಅವರು ತಮ್ಮ ಪತ್ನಿ ಅನುಷ್ಕಾ ಶರ್ಮಾ ಅವರಿಗೆ, ಹುಟ್ಟುಹಬ್ಬದ ಸ್ಪೆಷಲ್ ಗಿಫ್ಟ್ ಆಗಿ ಸ್ಪೆಷಲ್ ಡಿನ್ನರ್ ಇಟ್ಟುಕೊಂಡಿದ್ದಾರೆ. ಆದರೆ, ಅದು ತೀರಾ ಪ್ರೈವೇಟ್ ಕಾರ್ಯಕ್ರಮವಾಗಿದೆ.

ಹೌದು, ಇಂದು ಬೆಂಗಳೂರಿನಲ್ಲಿ ವಿರಾಟ್-ಅನುಷ್ಕಾ ಹುಟ್ಟುಹಬ್ಬದ ನಿಮಿತ್ತ ಖಾಸಗಿ ಕ್ಷಣಗಳನ್ನು ಕಳೆಯಲಿದ್ದಾರೆ ಎನ್ನಲಾಗಿದೆ. ತೀರಾ ಖಾಸಗಿಯಾಗಿ, ಅವರಿಬ್ಬರನ್ನು ಬಿಟ್ಟು ಇನ್ನೊಬ್ಬರಿಲ್ಲದ ರೀತಿಯಲ್ಲಿ ಇಂದು ಅವರಿಬ್ಬರೂ ಅನುಷ್ಕಾ ಬರ್ತ್ ಡೇ ಆಚರಿಸಲಿದ್ದಾರೆ ಎನ್ನಲಾಗಿದೆ. ಮದುವೆ ಬಳಿಕ ಎಲ್ಲ ಹುಟ್ಟುಹಬ್ಬವನ್ನೂ ಅತ್ಯಂತ ಅನ್ಯೋನ್ಯವಾಗಿ ಸೆಲೆಬ್ರೇಟ್ ಮಾಡುವ ಮೂಲಕ ವಿರಾಟ್-ಅನುಷ್ಕಾ ದಂಪತಿ ಹಲವರಿಗೆ ಮಾದರಿ ಎನಿಸಿದ್ದಾರೆ.

ನಟಿ ಅನುಷ್ಕಾ ಹುಟ್ಟುಹಬ್ಬಕ್ಕೆ ಗೂಗಲ್ ಇಂಡಿಯಾ' ಕೂಡ ನಟಿ ಅನುಷ್ಕಾ ಶರ್ಮಾಗೆ ವಿಶ್ ಮಾಡಿ ಅವರಿಗೆ ಸೋಷಿಯಲ್ ಮೀಡಿಯಾ ಮೂಲಕ ಕೇಕ್ ಕಳಿಸಿದೆ. "Band, baaja, and a whole lot of birthday cake. Happy birthday @AnushkaSharma 🎂🥳🎉.." ಎಂದು ಗೂಗಲ್ ಅನುಷ್ಕಾಗೆ ವೀಸ್ ಮಾಡಿದೆ.

ಹೌದು, ನಟಿ ಅನುಷ್ಕಾ ಶರ್ಮಾ ಅವರು ತಮ್ಮ ಹುಟ್ಟುಹಬ್ಬವನ್ನು ಇಂದು ಆಚರಿಸಿಕೊಳ್ಳುತ್ತಿದ್ದು ಅವರ ಬಹಳಷ್ಟು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಅವರಿಗೆ ವಿಶ್ ಮಾಡಿ ಹಾರೈಸಿದ್ದಾರೆ. ಅಭಿಮಾನಿಗಳ ಶುಭ ಹಾರೈಕೆಗೆ ಕರಗಿ ನೀರಾಗಿರುವ ಅನುಷ್ಕಾ ಶುಭ ಹಾರೈಸಿದ ಎಲ್ಲರಿಗೂ ಧನ್ಯವಾದ ತಿಳಿಸಿದ್ದಾರೆ. ಅಷ್ಟೇ ಅಲ್ಲ, ಈ ದಿನದಂದು ತಾವು ಸ್ಪೆಷಲ್ ಯೋಚನೆ, ಯೋಜನೆಗಳನ್ನು ಕಾರ್ಯರೂಪಕ್ಕೆ ತರುವುದಾಗಿ ಅವರು ಹೇಳಿದ್ದಾರೆ.

ಪತಿ ವಿರಾಟ್ ಕೊಹ್ಲಿ ಕಡೆಯಿಂದಲೂ ಶುಭ ಹಾರೈಕೆ ಪಡೆದಿರುವ ಅನುಷ್ಕಾ ಹುಟ್ಟುಹಬ್ಬದ ಖುಷಿಯಲ್ಲಿ ತೇಲಾಡುತ್ತಿದ್ದಾರೆ. ಇತ್ತೀಚೆಗೆ ಯಾವುದೇ ಹೊಸ ಚಿತ್ರವನ್ನು ಒಪ್ಪಿಕೊಳ್ಳದೇ ಪತಿ ವಿರಾಟ್ ಅವರಿಗೆ ಮೆಚ್ಚಿನ ಪತ್ನಿಯಾಗಲು ಮಾತ್ರ ಹಂಬಲಿಸಿದ್ದಾರಂತೆ ಅನುಷ್ಕಾ. ಅವರ ಈ ಮಾತಿಗೆ ಪುಷ್ಟಿ ಎಂಬಂತೆ, ಕಳೆದ ವರ್ಷದ ಕೊನೆಯಲ್ಲಿ ಬಿಡುಗಡೆಯಾದ ಶಾರುಖ್ ಖಾನ್-ಕತ್ರಿನಾ ಕೈಫ್ ಜೋಡಿಯ 'ಝೀರೋ' ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡ ಬಳಿಕ ಅನುಷ್ಕಾ ಬೇರೆ ಯಾವುದೇ ಚಿತ್ರಗಳನ್ನು ಒಪ್ಪಿಕೊಂಡಿಲ್ಲ.