ವರ್ಲ್ಡ್‌ಕಪ್ ಸೋಲಿಗೆ ಅನುಷ್ಕಾ ಶರ್ಮಾ ಟೀಕಿಸಿದ ಮೀಮ್ಸ್

ಕ್ರಿಕೆಟ್‌ ವರ್ಲ್ಡ್ಕಪ್‌ನಲ್ಲಿ ವಿರಾಟ್‌ ಕೊಹ್ಲಿ ನೇತೃತ್ವದ ಭಾರತ ತಂಡ ಸೆಮಿಫೈನಲ್‌ನಲ್ಲಿ ನ್ಯೂಝಿಲೆಂಡ್‌ ವಿರುದ್ಧ ಸೋತ ಪರಿಣಾಮ ನಟಿ ಅನುಷ್ಕಾ ಶರ್ಮ ಮೇಲಾಗಿದೆ. ಈ ಸೋಲಿನಿಂದ ಹತಾಶರಾಗಿರುವ ಕೆಲವು ಭಾರತೀಯ ಅಭಿಮಾನಿಗಳು ಕೊಹ್ಲಿ ಪತ್ನಿ ಅನುಷ್ಕಾ ವಿರುದ್ಧ ಸೋಷಿಯಲ್‌ ಮೀಡಿಯಾದಲ್ಲಿ ಮೀಮ್‌ಗಳನ್ನು ಹಾಕುವ ಮೂಲಕ ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ.

ಕ್ರೀಡಾಂಗಣದಲ್ಲಿ ಮಲಗಿರುವ ವಿರಾಟ್‌ ಹಾಗೂ ಅವರ ಪಕ್ಕ ಹಳ್ಳಿ ಹೆಂಗಸಿನ ಉಡುಗೆಯಲ್ಲಿ ಕುಳಿತಿರುವ ಅನುಷ್ಕಾ ಹಾಗೂ ಅವರು ಕಣ್ಣೀರಿಡುತ್ತಿರುವ ಚಿತ್ರಗಳನ್ನು ಕೆಲವರು ಹಾಕಿದ್ದಾರೆ. ಬುಧವಾರ ನಡೆದ ಪಂದ್ಯದಲ್ಲಿ ಭಾರತ ತಂಡ ಸೋತಿದ್ದಲ್ಲದೆ ವಿರಾಟ್‌ ಕೊಹ್ಲಿ ಕೇವಲ ಒಂದು ರನ್ನಿಗೆ ಔಟಾಗಿದ್ದರು.

ಇವೆಲ್ಲಕ್ಕೂ ಸೇರಿ ನೆಟ್ಟಿಗರು ಅನುಷ್ಕಾ ವಿರುದ್ಧ ಮೀಮ್ಸ್‌ ಪೋಸ್ಟ್‌ ಮಾಡಿದ್ದಾರೆ. ಭಾರತ ತಂಡದ ನಾಯಕನ ಕಳಪೆ ಪ್ರದರ್ಶನಕ್ಕೆ ಅವರ ಪತ್ನಿ ಅನುಷ್ಕಾರೇ ಕಾರಣ ಎಂಬಂತೆ ಕೆಲವು ಟೀಕೆಗಳೂ ಬಂದಿವೆ. 2015ರಲ್ಲಿ ನಡೆದ ಕ್ರಿಕೆಟ್‌ ವಿಶ್ವಕಪ್‌ನ ಸೆಮಿಫೈನಲ್‌ನ ಭಾರತ ಹಾಗೂ ಆಸ್ಪ್ರೇಲಿಯಾ ನಡುವಣ ಪಂದ್ಯದ ವೇಳೆಯೂ ಹಲವರು ಅನುಷ್ಕಾರನ್ನು ಟೀಕಿಸಿದ್ದರು. ಬಳಿಕ ವಿರಾಟ್‌ ಕೊಹ್ಲಿ ಟ್ವಿಟರ್‌ನಲ್ಲಿ ನೋಟ್‌ ಬರೆವ ಮೂಲಕ ಎಲ್ಲರನ್ನೂ ತರಾಟೆಗೆ ತೆಗೆದುಕೊಂಡಿದ್ದರು.