ಡಿಸೆಂಬರ್‌ನಲ್ಲಿ ವರುಣ್‌ ಧವನ್‌ ಮದುವೆ

ಬಾಲಿವುಡ್‌ ನಟ ವರುಣ್‌ ಧವನ್‌ ಅವರು ತಮ್ಮ ಬಾಲ್ಯದ ಗೆಳತಿ ನತಾಶ ದಲಾಲ್‌ರನ್ನು ಈ ವರ್ಷಾಂತ್ಯದಲ್ಲಿ ಮದುವೆಯಾಗಲಿದ್ದಾರೆ ಎಂದು ತಿಳಿದುಬಂದಿದೆ. ಅವರ ಮದುವೆಯ ಸಿದ್ಧತೆಗಳು ಈಗಾಗಲೇ ಆರಂಭವಾಗಿದ್ದು, ಗೋವಾದ ಸುಂದರ ತಾಣವೊಂದರಲ್ಲಿ ಅದ್ಧೂರಿ ಬೀಚ್‌ ವೆಡ್ಡಿಂಗ್‌ ನಡೆಯಲಿದೆಯಂತೆ.

ವರುಣ್‌ ಮತ್ತು ನತಾಶ ಕುಟುಂಬಗಳು ಡಿಸೆಂಬರ್‌ನಲ್ಲಿ ಮದುವೆ ದಿನಾಂಕವೊಂದನ್ನು ಗೊತ್ತು ಮಾಡಿದ್ದು, ಆ ದಿನ ಆತ್ಮೀಯ ಬಂಧುಗಳು ಮತ್ತು ಸ್ನೇಹಿತರಿಗೆ ಆಹ್ವಾನವಿರಲಿದೆ. ಗೋವಾದಲ್ಲಿ ಡೆಸ್ಟಿನೇಷನ್‌ ಮದುವೆ ನಡೆದ ಬಳಿಕ ಮುಂಬಯಿಯಲ್ಲಿ ಅದ್ಧೂರಿ ರಿಸೆಪ್ಷನ್‌ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಬಾಲ್ಯದಿಂದಲೂ ಸ್ನೇಹಿತರಾಗಿರುವ ವರುಣ್‌ ಧವನ್‌ ಮತ್ತು ನತಾಶ ಕಳೆದ ಕೆಲವು ವರ್ಷಗಳಿಂದ ಡೇಟಿಂಗ್‌ನಲ್ಲಿದ್ದಾರೆ. ವರುಣ್‌ ಬಳಿ ನಿಮ್ಮ ಮದುವೆ ಯಾವಾಗ ಎಂದು ಕೇಳಿದಾಗ ಮಾತ್ರ ಕಾದು ನೋಡಿ ಎಂಬ ಉತ್ತರ ಮಾತ್ರ ನೀಡುತ್ತಿದ್ದರು. ಇತ್ತೀಚೆಗೆ ಅವರು ಈ ವರ್ಷದ ಸಿನಿಮಾ ಪ್ರಾಜೆಕ್ಟ್ ಮುಗಿದ ಮೇಲೆ ಮದುವೆ ಗ್ಯಾರಂಟಿ ಎಂದು ಹೇಳಿದ್ದಾರೆ. ಸದ್ಯಕ್ಕೆ ಅವರು ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಬಿಝಿಯಾಗಿದ್ದಾರೆ.