ವಿದೇಶಿ ಹುಡುಗನನ್ನು ಪ್ರಿಯಾಂಕಾ ಮದುವೆ ಆಗುವುದು ಅವರ ತಾಯಿಗೆ ಇಷ್ಟವಿರಲಿಲ್ಲ! ಆದರೆ ಆಗಿದ್ದೇ ಬೇರೆ

ಬಾಲಿವುಡ್‌ನ ಖ್ಯಾತ ನಟಿ ಪ್ರಿಯಾಂಕಾ ಚೋಪ್ರಾ ಅವರ ಆತ್ಮಚರಿತ್ರೆ ಇನ್ನೇನು ಕೆಲವೇ ದಿನಗಳಲ್ಲಿ ಬಿಡುಗಡೆ ಆಗಲಿದೆ. ಅವರ ಬದುಕಿನ ಕೆಲವು ಇಂಟರೆಸ್ಟಿಂಗ್‌ ವಿಚಾರಗಳನ್ನು ತಿಳಿದುಕೊಳ್ಳಲು ಅಭಿಮಾನಿಗಳು ಕಾದಿದ್ದಾರೆ. ಅವರ ಮದುವೆ ಬಗ್ಗೆಯಂತೂ ಎಲ್ಲರಿಗೂ ಹಲವು ಪ್ರಶ್ನೆಗಳಿವೆ. ಪ್ರಿಯಾಂಕಾ ವಿದೇಶಿ ಹುಡುಗನನ್ನು ಮದುವೆ ಆಗುತ್ತಾರೆ ಎಂದು ಸ್ವತಃ ಅವರ ತಾಯಿ ಮಧು ಚೋಪ್ರಾ ಕೂಡ ಅಂದುಕೊಂಡಿರಲಿಲ್ಲ.

ಅಭಿಮಾನಿಗಳಿಂದ 'ದೇಸಿ ಗರ್ಲ್‌' ಎನಿಸಿಕೊಂಡ ಪ್ರಿಯಾಂಕಾ ಮದುವೆ ಆಗಿದ್ದು ವಿದೇಶಿ ಯುವಕನನ್ನು. ತಮಗಿಂತ 10 ವರ್ಷ ಚಿಕ್ಕ ವಯಸ್ಸಿನ ನಿಕ್‌ ಜೋನಸ್‌ ಅವರೊಂದಿಗೆ 2018ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಆದರೆ ತಮ್ಮ ಮಗಳು ವಿದೇಶಿ ಯುವಕನ ಜೊತೆ ಮದುವೆ ಆಗುತ್ತಾಳೆ ಎಂಬ ಕಲ್ಪನೆಯೇ ಪ್ರಿಯಾಂಕಾ ತಾಯಿಗೆ ಇರಲಿಲ್ಲ. ಆ ಬಗ್ಗೆ ಅವರು ಈ ಹಿಂದಿನ ಕೆಲವು ಸಂದರ್ಶನಗಳಲ್ಲಿ ಹೇಳಿಕೊಂಡಿದ್ದುಂಟು.

ಬಾಲಿವುಡ್‌ ಸಿನಿಮಾಗಳಲ್ಲಿ ಮಿಂಚಿದ ಬಳಿಕ ಪ್ರಿಯಾಂಕಾ ಹಾಲಿವುಡ್‌ಗೆ ಹಾರಿದ್ದರು. ಆಗ ಅಲ್ಲಿನ ಅನೇಕ ಸ್ಟಾರ್‌ ನಟರ ಜೊತೆ ಪ್ರಿಯಾಂಕಾ ಹೆಸರು ತಳುಕು ಹಾಕಿಕೊಳ್ಳಲು ಆರಂಭಿಸಿತ್ತು. ಆ ವೇಳೆ ಪ್ರಿಯಾಂಕಾ ಯಾವುದಾದರೂ ವಿದೇಶಿ ನಟನ ಜೊತೆ ಮದುವೆ ಆಗಬಹುದೇ ಎಂದು ಪ್ರಿಯಾಂಕಾ ತಾಯಿ ಮಧು ಚೋಪ್ರಾಗೆ ಮಾಧ್ಯಮಗಳು ಪ್ರಶ್ನಿಸಿದ್ದವು. 'ವಿದೇಶಿ ಹುಡುಗನ ಜೊತೆ ಪ್ರಿಯಾಂಕಾಳ ಮದುವೆಯನ್ನು ಊಹಿಸಿಕೊಳ್ಳಲೂ ನನಗೆ ಸಾಧ್ಯವಿಲ್ಲ' ಎಂದು ಅವರು ಉತ್ತರಿಸಿದ್ದರು!

also read: ಅಮೆರಿಕದ ಸೊಸೆಯಾದ್ರೂ ಭಾರತದ ಸಂಸ್ಕೃತಿ ಮರೆಯದ ಪ್ರಿಯಾಂಕಾ ಚೋಪ್ರಾ! ಅದಕ್ಕೆ ಇಲ್ಲಿದೆ ಸಾಕ್ಷಿ

ಮಧು ಚೋಪ್ರಾ ಲೆಕ್ಕಾಚಾರ ತಲೆಕೆಳಗಾಯಿತು. ಕಡೆಗೂ ಅಮೆರಿಕದ ಗಾಯಕ ನಿಕ್‌ ಜೋನಸ್‌ ಜೊತೆ ಪ್ರಿಯಾಂಕಾಗೆ ಪ್ರೀತಿ ಚಿಗುರಿತು. ಎರಡು ಕುಟುಂಬದವರ ಒಪ್ಪಿಗೆ ಸಿಕ್ಕ ಬಳಿಕ ಪ್ರಿಯಾಂಕಾ ಅಮೆರಿಕದ ಸೊಸೆಯಾದರು. ಪ್ರಿಯಾಂಕಾ ಮತ್ತು ನಿಕ್‌ ನೆಮ್ಮದಿಯ ದಾಂಪತ್ಯ ಜೀವನ ನಡೆಸುತ್ತಿದ್ದಾರೆ. ಇತ್ತೀಚೆಗೆ ಅವರು ಕರ್ವಾ ಚೌತ್‌ ಹಬ್ಬ ಆಚರಿಸಿದ ಫೋಟೋಗಳು ವೈರಲ್‌ ಆಗಿದ್ದವು.

also read: ಬಟ್ಟೆ ಕದ್ದ ಜನಪ್ರಿಯ ನಟಿ ಪ್ರಿಯಾಂಕಾ ಚೋಪ್ರಾ! ಫೋಟೋದಿಂದ ಬಯಲಾಯ್ತು ಸತ್ಯ