ಚುಡಾಯಿಸಿದ ಗಂಡ, ಮನೆಗೆ ಬಂದು ನೇತಾಕ್ತೀನಿ ಎಂದ ಶಿಲ್ಪಾ ಶೆಟ್ಟಿ!

ಬಾಲಿವುಡ್ ಕ್ರೇಜಿ ದಂಪತಿಗಳು ನಟಿ ಶಿಲ್ಪಾ ಶೆಟ್ಟಿ ಹಾಗೂ ರಾಜ್ ಕುಂದ್ರಾ. ಆಗಾಗ ಈ ಜೋಡಿ ಸುದ್ದಿಯಲ್ಲಿರುತ್ತದೆ. ಅವರಿಬ್ಬರ ನಡುವಿನ ತಮಾಷೆ, ಫನ್ನಿ ಸಂಭಾಷಣೆಗಳು ಆಗಾಗ ಸುದ್ದಿಯಾಗುತ್ತಿರುತ್ತವೆ. ಇದು ಅಭಿಮಾನಿಗಳಿಗೂ ಭರ್ಜರಿ ಮನರಂಜನೆ ನೀಡುತ್ತಿರುತ್ತವೆ. ಅನ್ಯೋನ್ಯ ದಾಂಪತ್ಯ ಇವರದು ಎಂಬುದರಲ್ಲಿ ಎರಡು ಮಾತಿಲ್ಲ.

ಇದೀಗ ರಾಜ್ ಕುಂದ್ರಾ ತಮ್ಮ ಪತ್ನಿಯ ಕಾಲನ್ನು ಲೈಟ್ ಆಗಿ ಎಳೆದಿರುವುದು ಸುದ್ದಿಯಾಗಿದೆ. ಶಿಲ್ಪಾ ಶೆಟ್ಟಿ ಇತ್ತೀಚೆಗೆ ಡಿಫರೆಂಡ್ ವಿನ್ಯಾಸದ ಬಟ್ಟೆ ಧರಿಸಿ ಕಾರ್ಯಕ್ರಮವೊಂದಕ್ಕೆ ಹಾಜರಾಗಿದ್ದರು. ಶಿಲ್ಪಾ ಶೆಟ್ಟಿ ಧರಿಸಿದ್ದ ಡ್ರೆಸ್ ನೋಡುಗರ ಗಮನಸೆಳೆದಿತ್ತು. ಈ ಡ್ರೆಸ್ ನೋಡಿದ ರಾಜ್ ಕುಂದ್ರಾ ಶಿಲ್ಪಾ ಶೆಟ್ಟಿ ಬಗ್ಗೆ ಈ ರೀತಿ ಕಾಮೆಂಟ್ ಮಾಡಿದರು.

"ನೀನು ಮನೆಗೆ ಮರಳಿದ ಬಳಿಕ ಆ ಕರ್ಟನ್ ತಂದು, ಮತ್ತೆ ಸೇಮ್ ಪ್ಲೇಸ್‌ನಲ್ಲಿ ನೇತಾಕು. ಹಹ್ಹಹ ಮೈ ಡಾರ್ಲಿಂಗ್ ಏಂಜೆಲ್" ಎಂದು ಟ್ವಿಟರ್‌ನಲ್ಲಿ ಫನ್ನಿಯಾಗಿ ಕಾಮೆಂಟ್ ಮಾಡಿದ್ದ. ಇದಕ್ಕೆ ಕೌಂಟರ್ ಕೊಟ್ಟ ಶಿಲ್ಪಾ ಶೆಟ್ಟಿ, "ಕರರ್ಟ್ ಜತೆಗೆ ನಿಮ್ಮನ್ನೂ ಕೂಡ ನೇತಾಕುತ್ತೇನೆ" ಎಂದಿದ್ದಾರೆ. ದಂಪತಿಗಳ ನಡುವಿನ ಈ ಹಾಸ್ಯಪ್ರಜ್ಞೆಗೆ ನೆಟ್ಟಿಗರು ತಲೆದೂಗಿದ್ದಾರೆ.

ಇತ್ತೀಚೆಗೆ ಶಿಲ್ಪಾ ಶೆಟ್ಟಿ ಡಿವೋರ್ಸ್ ಸಂಗತಿ ಸಹ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು. ಆದರೆ ಅದೂ ಸಹ ತಮಾಷೆಗೆ ನಡೆದದ್ದು. ಫಿಲಂ ಮೇಕರ್ ಅನುರಾಗ್ ಬಸು ಅವರು ಕಳುಹಿಸಿರುವ ಫ್ರಾಂಕ್ ಮೆಸೇಜ್ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ತಮಾಷೆಗೆ ಕಳುಹಿಸಿದ ಮೆಸೇಜ್ ಬಾಲಿವುಡ್ ವಲಯದಲ್ಲಿ ಚರ್ಚಾಸ್ಪದ ಸಂಗತಿಯಾಗಿದೆ.

ಸೂಪರ್ ಡ್ಯಾನ್ಸರ್ 3 ರಿಯಾಲಿಟಿ ಶೋನ ಭಾಗವಾಗಿ ಅನುರಾಸ್ ಬಸು ಅವರು ಶಿಲ್ಪಾ ಶೆಟ್ಟಿ ಫೋನ್‌ನಿಂದ ಅವರ ತಾಯಿಗೆ ಒಂದು ಮೆಸೇಜ್ ಕಳುಹಿಸಿದರು. "ರಾಜ್ ಕುಂದ್ರಾಗೆ ವಿಚ್ಛೇದನ ನೀಡಿದ್ದೀನಿ" ಎಂಬ ಸಂದೇಶ ಕಳುಹಿಸಿದರು.

ಆದರೆ ಕೂಡಲೆ ಎಚ್ಚೆತ್ತುಕೊಂಡ ಶಿಲ್ಪಾ ಶೆಟ್ಟಿ ರಿಯಾಲಿಟಿ ಶೋನ ಸೆಟ್‌ನಲ್ಲೇ ಫೋನ್ ಕಸಿದುಕೊಂಡು ಅಮ್ಮನಿಗೆ ಕರೆ ಮಾಡಿ ಗಾಬರಿ ಬೀಳುವಂತಹದ್ದು ಏನೂ ಇಲ್ಲ ಎಂದು ಘಟನೆಯನ್ನು ವಿವರಿಸಿದ್ದಾರೆ. ಅಲ್ಲಿಗೆ ಅವರ ತಾಯಿಗೂ ಸಮಾಧಾನವಾಗಿದೆ. ಏನೋ ಮಾಡಲು ಹೋಗಿ ಇನ್ನೇನೋ ಆಯಿತು ಎಂಬಂತಾಗಿದೆ ಈಗ ಅನುರಾಗ್ ಬಸು ಮಾಡಿದ ಫ್ರಾಂಕ್ ಮೆಸೇಜ್.