ಸನ್ನಿ ಲಿಯೋನ್‌ ಜತೆ ತೆರೆ ಹಂಚಿಕೊಳ್ಳಲು ಬಾಲಿವುಡ್‌ನ ಪ್ರಖ್ಯಾತ ಸ್ಟಾರ್‌ ನಟರಿಗೆ ಅವರ ಪತ್ನಿಯರು ಪರ್ಮಿಷನ್‌ ಕೊಡುತ್ತಿಲ್ಲವಂತೆ. ಹೀಗಾಗಿ, ಸನ್ನಿ ಲಿಯೋನ್‌ಗೆ ಉತ್ತಮ ಅವಕಾಶ ಸಿಗುತ್ತಿಲ್ಲ ಎಂದು ಸ್ವತಃ ಸನ್ನಿಲಿಯೋನ್‌ ಹೇಳಿದ್ದಾರೆ.
''ಬಾಲಿವುಡ್‌ನ ಹಲವು ನಟರು ನನ್ನ ಜೊತೆ ಕೆಲಸ ಮಾಡಲು ಭಯ ಪಡುತ್ತಾರೆ. ಅದಕ್ಕೆ ಕಾರಣ ಅವರ ಪತ್ನಿಯರೇ'' ಎಂದು ಇತ್ತೀಚೆಗೆ ಸನ್ನಿ ಹೇಳಿದ್ದಾರೆ. ಅಲ್ಲದೇ ಅವರು ಮುಂದುವರೆದು, ''ನನಗೆ ನಿಮ್ಮ ಗಂಡ ಬೇಡ. ನನಗೂ ಪತಿ ಇದ್ದಾರೆ. ನಾನು ನನ್ನ ಪತಿಯನ್ನ ಪ್ರೀತಿಸುತ್ತೇನೆ. ನನ್ನ ಎಲ್ಲ ಆಸೆಗಳನ್ನ ಈಡೇರಿಸುವ ಶಕ್ತಿ ನನ್ನ ಪತಿಗಿದೆ. ನನ್ನ ಕೆಲಸ ಮುಗಿದ ಕೂಡಲೆ ನಾನು ನನ್ನ ಪತಿ ಜೊತೆ ಮನೆಗೆ ಹೋಗಲು ಬಯಸುತ್ತೇನೆ ಹೊರತು ನಿಮ್ಮ ಪತಿ ಜೊತೆ ಅಲ್ಲ'' - ಎಂದು ಸ್ಟಾರ್‌ ನಟರ ಪತ್ನಿಯರನ್ನ ಉದ್ದೇಶಿಸಿ ಬೇಸರದಿಂದ ನುಡಿದಿದ್ದಾರೆ.
'
ರಯೀಸ್‌' ಸಿನಿಮಾದ ಆಫರ್‌ ಬಂದಾಗ, ಅವರು ರಾಂಗ್‌ ನಂಬರ್‌ ಗೆ ಡಯಲ್‌ ಮಾಡಿರಬಹುದು ಎಂದು ಭಾವಿಸಿದ್ದೆ. ಆದ್ರೆ, ಅದು ನಿಜವೇ ಆಗಿತ್ತು. ಶಾರುಖ್‌ ಖಾನ್‌ ಜೊತೆ ಕೆಲಸ ಮಾಡುವುದು ನನ್ನ ಕನಸಾಗಿತ್ತು. ಅದು ನೆರವೇರಿತು. ಇನ್ನೂ ಅಮೀರ್‌ ಖಾನ್‌ ಹಾಗೂ ಸಲ್ಮಾನ್‌ ಖಾನ್‌ ರವರ ಸಿನಿಮಾಗಳಲ್ಲೂ ನಟಿಸುವ ಆಸೆ ಇದೆ. ಅದು ಈಡೇರುತ್ತೋ, ಇಲ್ವೋ ನೋಡಬೇಕು ಎಂದು ಸನ್ನಿ ಹೇಳಿದ್ದಾರೆ.