ಸೂಪರ್ ಡೂಪರ್ ಹಿಟ್ ಆಯ್ತು ದಲೇರ್‌ ಮೆಹಂದಿ ವಿಶ್ವಕಪ್‌ ಹಾಡು

ವಿಶ್ವಕಪ್‌ ಕ್ರಿಕೆಟ್‌ ಜ್ವರ ಏರುತ್ತಿರುವಂತೆಯೇ ಭಲ್ಲೇ ಭಲ್ಲೇ ಖ್ಯಾತಿಯ ಪಂಜಾಬಿ ಗಾಯಕ ದಲೇರ್‌ ಮೆಹಂದಿ ಹಾಡಿರುವ ವರ್ಲ್ಡ್‌ ಕಪ್‌ ಹಮಾರಾ ಹೈ ಹಾಡು ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಉಲ್ಲುಮನತಿ ಬರೆದಿರುವ ಸಾಹಿತ್ಯಕ್ಕೆ ಮೆಹೆಂದಿ ಧ್ವನಿ ನೀಡಿದ್ದಾರೆ.

ಕ್ರಿಕೆಟ್‌ ಕೇವಲ ಕ್ರೀಡೆಯಲ್ಲ, ಅದೊಂದು ಧರ್ಮ, ಬಾಲಿವುಡ್‌ಗಿಂತ ಹಿರಿದಾದುದು ಕ್ರಿಕೆಟ್‌ ಜಗತ್ತಿನ ಯಾವುದೇ ವಿಷಯಕ್ಕಿಂತ ಕ್ರಿಕೆಟ್‌ ದೊಡ್ಡದು. ಈ ಬಾರಿಯ ವಿಶ್ವಕಪ್‌ ನಮ್ಮದೇ (ವರ್ಲ್ಡ್‌ ಕಪ್‌ ಹಮಾರಾ ಹೈ) ಎಂದು ಆ್ಯಂಥೆಮ್‌ ಹಾಡು ಸಾಗುತ್ತದೆ.

ಚಂಡೀಗಢದಲ್ಲಿ ಹೆಚ್ಚಿನ ಭಾಗ ಹಾಗೂ ಉಳಿದ ಕೆಲವು ರಾಜ್ಯಗಳಲ್ಲೂ ಹಾಡಿನ ಚಿತ್ರೀಕರಣ ಮಾಡಲಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಹಾಡು ವೈರಲ್‌ ಆಗಿದೆ.

ಈ ಕುರಿತು ಪ್ರತಿಕ್ರಿಯಿಸಿರುವ ದಲೇರ್‌ ಮೆಹಂದಿ, ಯಾವಾಗಲೂ ನನ್ನಿಂದ ಸಾಧ್ಯವಾದಷ್ಟು ಉತ್ತಮ ಸಾಧನೆ ನೀಡಲು ಯತ್ನಿಸಿದ್ದೇನೆ. ಈ ಬಾರಿ ಈ ಹಾಡು ಮಾತೃಭೂಮಿ ಭಾರತಕ್ಕೆ ಸಮರ್ಪಣೆ. ವಿಶ್ವಕಪ್‌ ಪ್ರತಿಯೊಬ್ಬ ಭಾರತೀಯನ ಹೃದಯ ಮಿಡಿತವೇ ಆಗಿದೆ. ನನ್ನ ಕಡೆಯಿಂದ ದೇಶಕ್ಕಾಗಿ ನಾನು ಮಾಡಿದ ಸಮರ್ಪಣೆ ಇದು ಎಂದು ಹೇಳಿದ್ದಾರೆ.

ಈ ಹಾಡಿನ ಬಗ್ಗೆ ನಿರ್ಮಾಪಕರು ಹೇಳಿದ ಕೂಡಲೇ ಇಲ್ಲವೆಂದು ಹೇಳಲು ಸಾಧ್ಯವೇ ಆಗಲಿಲ್ಲ. ನಾನು ಕೂಡ ಕ್ರಿಕೆಟ್‌ ಪ್ರೇಮಿ. ವಿಶ್ವಕಪ್‌ ಕುರಿತ ಈ ಹಾಡನ್ನು ಹಾಡುವಾಗ ನನ್ನಷ್ಟು ಇನ್ನಷ್ಟು ಎನರ್ಜಿ ತುಂಬಿದ ಭಾವ ಬಂತು ಎಂದು ಸಂತಸ ಹಂಚಿಕೊಂಡಿದ್ದಾರೆ.