ಕಿಂಗ್‌ ಖಾನ್‌ ಶಾರುಖ್‌ ಖಾನ್‌ ಫ್ಯಾನ್‌ ಸಿನಿಮಾದ ನಂತರ ಮತ್ತೊಂದು ಪ್ರಯೋಗಕ್ಕಿಳಿದಿದ್ದು, ಜೀರೋ ಸಿನಿಮಾದಲ್ಲಿ ಕುಬ್ಜನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆನಂದ್‌ ಎಲ್‌ ರೈ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದ ಟೀಸರ್‌ನ್ನು ಇತ್ತಿಚೆಗೆ ಶಾರುಖ್‌ಖಾನ್‌ ತಮ್ಮ ಟ್ವಿಟರ್‌ ಅಕೌಂಟ್‌ನಲ್ಲಿ ಶೇರ್‌ ಮಾಡಿದ್ದರು, ಇದು ಈಗ ವೈರಲ್‌ ಆಗಿದ್ದು, ಶಾರುಖ್‌ ಖಾನ್‌ ಅವರ ಲುಕ್‌ ಬಗ್ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಟೀಸರ್‌ ಫನ್‌ ಆಗಿದ್ದು ಅಭಿಮಾನಿಗಳಲ್ಲಿ ಬಹುನೀರಿಕ್ಷೆಯನ್ನು ಹುಟ್ಟಿಸಿದೆ. ಶಾರುಖ್‌ ಜತೆಗೆ ಅನುಷ್ಕಾ ಶರ್ಮಾ ಹಾಗೂ ಕರ್ತಿನಾ ಕೈಫ್‌ ಕೂಡ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಅನುಷ್ಕಾ ಮಾನಸಿಕ ಅಸ್ವಸ್ಥೆಯ ಪಾತ್ರವಾದರೆ, ಕರ್ತಿನಾ ನಟಿಯಾಗಿ ನಟಿಸುತ್ತಿದ್ದಾರೆ. ಈಗ ಬಿಡುಗಡೆಯಾಗಿರುವ ಟೀಸರ್‌ನಿಂದಾಗಿ ಸಿಕ್ಕಾಪಟ್ಟೆ ಹೈಪ್‌ ಕ್ರಿಯೇಟ್‌ ಆಗಿದ್ದು, ಎಲ್ಲರ ಕಣ್ಣು ಜೀರೋ ಮೇಲಿದೆ.