ಶಿವರಾಜ್‌ ಕುಮಾರ್‌ ಖದರ್‌ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇದಕ್ಕೆ ಸಾಕ್ಷಿ ಇತ್ತೀಚೆಗೆ ರಿಲೀಸ್‌ ಆದ ಮಫ್ತಿ ಚಿತ್ರದಲ್ಲಿನ ಬೈರತಿ ರಣಗಲ್ಲು ಪಾತ್ರ. ಜನರಿಗೆ ಮೋಡಿ ಮಾಡಿದ ಈ ಪಾತ್ರದಿಂದಾಗಿ ಈಗ ಅದೇ ಹೆಸರಿನ ಚಿತ್ರ ಸೆಟ್ಟೇರಲಿದೆ. ಸೂರಿ ಮತ್ತು ಶಿವರಾಜ್‌ ಕುಮಾರ್‌ ಕಾಂಬಿನೇಷನ್‌ನ ಟಗರು ಚಿತ್ರಕ್ಕಾಗಿ ಅಭಿಮಾನಿಗಳು ಕಾದಿದ್ದಾರೆ.
ಈಗ ಈ ಚಿತ್ರದ ಪ್ರಚಾರವನ್ನು ವಿಭಿನ್ನವಾಗಿ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಬೆಂಗಳೂರಿನ ಮಾಲ್‌ಗಳಲ್ಲಿ ಟಗರು ಚಿತ್ರದ ಶಿವಣ್ಣ ಲುಕ್‌ನ 8 ಅಡಿ ಎತ್ತರದ ಸ್ಟ್ಯಾಂಡಿ ನಿಲ್ಲಿಸಲು ನಿರ್ಧರಿಸಲಾಗಿದ್ದು, ಅವರ ಅಭಿಮಾನಿಗಳಿಗೆ ಇದರ ಜತೆ ಫೋಟೋ ತೆಗೆಸಿಕೊಳ್ಳಲು ಆಹ್ವಾನಿಸಲಾಗಿದೆ.
ಶಿವರಾಜ್‌ ಕುಮಾರ್‌ ಸ್ಟ್ಯಾಂಡಿಗಳನ್ನು ಬೆಂಗಳೂರಿನ ಚಿತ್ರಮಂದಿರಗಳು ಮತ್ತು ಮಾಲ್‌ಗಳಲ್ಲಿ ನಿಲ್ಲಿಸಲಾಗುತ್ತಿದೆ. ಇದರ ಜತೆ ನಿಂತುಕೊಂಡ ಫೋಟೋ ಟಗರು ಫೇಸ್‌ಬುಕ್‌ ಪೇಜ್‌ಗೆ ಕಳಿಸಿದರೆ, ಆ ನಿಮ್ಮ ಫೋಟೋವನ್ನು ಪೇಜ್‌ಗೆ ಅಪ್‌ಲೋಡ್‌ ಮಾಡಲಾಗುವುದು ಎಂದು ಚಿತ್ರತಂಡ ತಿಳಿಸಿದೆ.
ಚಿತ್ರದಲ್ಲಿ ಮಾನ್ವಿತಾ, ಭಾವನಾ ಮೆನನ್‌ ನಾಯಕಿಯರಾಗಿ ನಟಿಸಿದ್ದಾರೆ. ವಿಲನ್‌ ಪಾತ್ರಗಳಲ್ಲಿ ವಸಿಷ್ಠ ಸಿಂಹ ಮತ್ತು ಧನಂಜಯ್‌ ಕೂಡಾ ನಟಿಸಿದ್ದಾರೆ. ಸೂರಿ ನಿರ್ದೇಶನದಲ್ಲಿ ಶಿವಣ್ಣ ಅಭಿನಯಿಸುತ್ತಿರುವ 2ನೇ ಚಿತ್ರ ಇದು.