ನಮ್ಮೋರು ತಮ್ಮೋರು ಹಾಡು ಬಿಡುಗಡೆ

ಡಿ ಸತ್ಯಪ್ರಕಾಶ್‌ ನಿರ್ದೇಶನ ಒಂದಲ್ಲಾ ಎರಡಲ್ಲಾ ಸಿನಿಮಾದ ಮತ್ತೊಂದು ಹಾಡು ಇಂದು ಬಿಡುಗಡೆಯಾಗುತ್ತಿದೆ. ಈ ಸಿನಿಮಾದ ನಮ್ಮೋರು ತಮ್ಮೋರು ಎಂಬ ಹಾಡು ಇಂದು ಬಿಡುಗಡೆಯಾಗುತ್ತಿದ್ದು, ಇದು ಸಿನಿಮಾದ ಪ್ರಮುಖ ಘಟ್ಟದಲ್ಲಿ ಬರುತ್ತದಂತೆ.

ಬಿಸಿಲು ಮತ್ತು ಮಳೆ ಸೇರಿದರೆ ಕಾಮನಬಿಲ್ಲು ಮೂಡುತ್ತದೆ, ಕತ್ತಲು ಮತ್ತು ಬೆಳಕು ಸೇರುವಲ್ಲಿ ಹೊಸ ದಿನವೊಂದು ಪ್ರಾರಂಭವಾಗುತ್ತದೆ, ಜೀವನದ ಅತ್ಯಂತ ಖುಷಿಯ ಕ್ಷ ಣದಲ್ಲಿ ನಗು ಮತ್ತು ಅಳು ಎರಡೂ ಆವರಿಸಿಕೊಳ್ಳುತ್ತವೆ. ಹೀಗೆ'ೕಗೆ ವೈರುಧ್ಯಗಳು ಜೊತೆ ಸೇರಿದಾಗಲೇ ಜಗತ್ತಿನಲ್ಲಿ ತೀರಾ ವಿಶಿಷ್ಟವಾದದ್ದೇನೋ ಒಂದು ಸೃಷ್ಟಿಯಾಗುವುದು, ಇದೇ ವಿಷವಯನ್ನು ನಮ್ಮೋರು ತಮ್ಮೋರು ಹಾಡಿನಲ್ಲಿ ಹೇಳಲಾಗಿದೆಯಂತೆ.

ಈಹಾಡಿನ ಜತೆಯಲ್ಲಿ ಹಾಡಿನಜೊತೆಗೆ ಸೇರಿಸಿರುವ ಮೇಕಿಂಗ್‌ ದೃಶ್ಯಗಳನ್ನು ಸಹ ಸೇರಿಸಲಾಗಿದೆ. 1500 ಮಕ್ಕಳಲ್ಲಿ ಆಯ್ಕೆಯಾದ ರೋಹಿತ್‌ನನ್ನು ಯಾವ ರೀತಿ ತಯಾರಿ ಮಾಡಲಾಯಿತು, ಮತ್ತು ಆ ಹುಡುಗನ ಮುಗ್ಧತೆಯನ್ನು ಈ ಹಾಡಿನಲ್ಲಿ ತೋರಿಸಲಾಗುತ್ತಿದೆ.

ವಾಸುಕಿ ವೈಭವ್‌ ಮತ್ತು ನಾಬಿನ್‌ ಪಾಲ್‌ಅವರ ಸಂಗೀತ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಹಾಡಿಗೆ ನಿರ್ದೇಶಕ ಸತ್ಯಪ್ರಕಾಶ್‌ ಸಾಹಿತ್ಯ ಬರೆದಿದ್ದಾರೆ. ವಾಸುಕಿ ವೈಭವ್‌ ಇದನ್ನು ಹಾಡಿದ್ದಾರೆ.