ಡಾಕ್ಟರ್ ಆದ ಆರೋಹಿ

ರಮೇಶ್‌ ಅರವಿಂದ್‌ ಮುಖ್ಯ ಭೂಮಿಕೆಯ ಹೊಸ ಚಿತ್ರಕ್ಕೆ ಮತ್ತೋರ್ವ ನಾಯಕಿಯ ಆಯ್ಕೆ ಆಗಿದೆ. ಈಗಾಗಲೇ ರಾಧಿಕಾ ಚೇತನ್‌ ಈ ಸಿನಿಮಾದಲ್ಲಿ ನಟಿಸುತ್ತಿದ್ದು, ಎರಡನೇ ನಾಯಕಿಯಾಗಿ ಆರೋಹಿ ನಾರಾಯಣ್‌ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರು ಡಾಕ್ಟರ್‌ ಪಾತ್ರ ನಿರ್ವಹಿಸುತ್ತಿದ್ದಾರೆ. ಮನೋರೋಗ ತಜ್ಞೆಯ ಪಾತ್ರ ಇದಾಗಿದೆ. ಸದ್ಯ ಭೀಮಸೇನ ನಳಮಹರಾಜ ಚಿತ್ರದಲ್ಲಿ ಬಿಝಿ ಆಗಿರುವ ಇವರು, ಹೊಸ ಸಿನಿಮಾದ ಶೂಟಿಂಗ್‌ಗಾಗಿ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಅಡ್ವೊಕೇಟ್‌ ಆಗಿ ರಾಧಿಕಾ ನಟಿಸುತ್ತಿದ್ದಾರೆ. ಅದು ಕಥಾ ನಾಯಕನ ಹೆಂಡತಿಯ ಪಾತ್ರವಂತೆ. ಇದೊಂದು ಸೈಕಲಾಜಿಕಲ್‌ ಥ್ರಿಲ್ಲರ್‌ ಸಿನಿಮಾವಾಗಿದ್ದು, ಆಕಾಶ್‌ ಶ್ರೀವತ್ಸ ನಿರ್ದೇಶನದಲ್ಲಿ ಚಿತ್ರ ಮೂಡಿ ಬರಲಿದೆ.

ಮೊದಲ ಬಾರಿಗೆ ರಮೇಶ್‌ ಈ ಸಿನಿಮಾದಲ್ಲಿ ಹೊಸ ಬಗೆಯ ಪಾತ್ರ ಮಾಡುತ್ತಿದ್ದು, ಪಾತ್ರದ ಬಗ್ಗೆ ಸದ್ಯಕ್ಕೆ ಏನೂ ಹೇಳಲಾರೆ ಎನ್ನುವುದು ನಿರ್ದೇಶಕರ ಮಾತು. ಮೂರು ಪಾತ್ರಗಳ ಸುತ್ತ ನಡೆಯುವ ಕಥೆಯಲ್ಲಿ ಸಾಕಷ್ಟು ತಿರುವುಗಳು ಇವೆಯಂತೆ.