ಬ್ರಿಟಿಷ್‌ ಕಾಲದ ಬೇಕರಿಯಲ್ಲಿ ಕೇಕ್‌ ಮಾಡಿದ ಅಚ್ಯುತ್‌

ನಟ ಅಚ್ಯುತ್‌ ಮೊದಲ ಬಾರಿಗೆ ಅಯ್ಯಂಗಾರ್‌ ಬೇಕರಿ ಮಾಲಿಕರಾಗಿ ನಟಿಸಿದ್ದಾರೆ. ಅರವಿಂದ್‌ ಅಯ್ಯರ್‌ ನಟನೆಯ ಭೀಮಸೇನ ನಳಮಹಾರಾಜ ಚಿತ್ರದಲ್ಲಿ ಸ್ಟ್ರಿಕ್ಟ್ ತಂದೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಕೆಜಿಎಫ್‌ನಲ್ಲಿರುವ 150 ವರ್ಷಗಳಷ್ಟು ಹಳೆಯದಾದ ಬಂಗಲೆ ಮತ್ತು ಶತಮಾನದಷ್ಟು ಹಳೆಯದಾದ ಇಂಪಿರಿಯಲ್‌ ಬೇಕರಿಯಲ್ಲಿ ಚಿತ್ರೀಕರಣ ಮಾಡಲಾಗಿದೆ.

ಜಾನ್‌ ಟೇಲರ್‌ ಎಂಬುವರಿಗೆ ಸೇರಿದ ಬ್ರಿಟಿಷ್‌ ಬಂಗಲೆಗೆ ಸುಮಾರು 150 ವರ್ಷ. ನಟ ಅಚ್ಯುತ್‌ ಇಲ್ಲಿರುವ ಹಳೆಯ ಬೇಕರಿಯಲ್ಲಿ ತಿನಿಸುಗಳನ್ನು ತಯಾರಿಸುವ ದೃಶ್ಯಗಳನ್ನು ಚಿತ್ರೀಕರಿಸಲಾಗಿದೆ. 'ನನಗೆ ಅಡುಗೆ ಮಾಡೋಕೆ ಬರೋಲ್ಲ. ಆದರೆ, ನನ್ನ ಸ್ನೇಹಿತರ ಬೇಕರಿಗಳಲ್ಲಿ ಕೇಕ್‌ ಮಾಡೋದನ್ನು ನೋಡಿದ್ದೆ. ಇಂಪಿರಿಯಲ್‌ ಬೇಕರಿಯಲ್ಲಿ ಹಳೆಯ ಎಕ್ಯುಪ್‌ಮೆಂಟ್‌ ಬಳಸಿ ತಯಾರಿಸೋದನ್ನು ನೋಡಿ ಕಲಿತೆ' ಎಂದಿದ್ದಾರೆ ಅಚ್ಯುತ್‌.

ಚಿತ್ರದಲ್ಲಿ ಕಿರುತೆರೆ ಕಲಾವಿದೆ ಚಿತ್ರಾಲಿ ನಟಿಸಿದ್ದು, ತಂದೆಯ ಪಾತ್ರದಲ್ಲಿ ಅಚ್ಯುತ್‌ ಕಾಣಿಸಿಕೊಂಡಿದ್ದಾರೆ. 'ನಾನು ಬಹಳ ಸ್ಟ್ರಿಕ್ಟ್ ತಂದೆ. ಒಳ್ಳೆಯದನ್ನೇ ಹೇಳುತ್ತೇನೆ. ಆದರೆ, ಮಗಳಿಗೆ ನಾನು ಹಿಟ್ಲರ್‌ ತರ ಕಾಣುತ್ತಿರುತ್ತೇನೆ' ಎಂದಿದ್ದಾರೆ ಅವರು.