ಚೊಚ್ಚಲ ಕಂದನ ನಿರೀಕ್ಷೆಯಲ್ಲಿ ಲೂಸ್ ಮಾದ-ಸಾಹಿತ್ಯ ಜೋಡಿ

ನಟ ಯೋಗೀಶ್‌ ತಂದೆಯಾಗಲಿದ್ದು, ತಮ್ಮ ಸಂತಸವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. 'ನಿನ್ನನ್ನು ಮತ್ತು ನಿನ್ನ ಜ್ಯೂನಿಯರ್‌ ಅನ್ನು ನಾನು ಯಾವಾಗಲೂ ಬಯಸಿದ್ದೆ. ಸದ್ಯದಲ್ಲೇ ಇದು ಸಾಧ್ಯವಾಗ್ತಿದೆ' ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಯೋಗೀಶ್‌ ಗೆಳತಿ ಸಾಹಿತ್ಯರನ್ನು ಮದುವೆಯಾಗಿದ್ದರು.

ಯೋಗಿ ಪತ್ನಿ ಸಾಹಿತ್ಯಾ ಸೋಫಾ ಮೇಲೆ ಕುಳಿತಿದ್ದು ಮಗುವಿನ ಉಡುಪನ್ನು ಹಿಡಿದು ಅದರ ಕಡೆ ತೋರಿಸುತ್ತಿದ್ದಾರೆ. ಈ ಫೋಟೋವನ್ನು ಹಂಚಿಕೊಂಡಿರುವ ಯೋಗಿ ನಿನ್ನನ್ನು ಮತ್ತು ನಿನ್ನ ಜ್ಯೂನಿಯರ್ ಅನ್ನು ನಾನು ಬಯಸಿದ್ದೆ ಎಂದಿದ್ದಾರೆ.

ಲೂಸ್‌ ಮಾದ ಯೋಗಿ ತಮ್ಮ ಗೆಳತಿ ಸಾಹಿತ್ಯಾ ಜತೆ ನವೆಂಬರ್‌ 2, 2017ರಲ್ಲಿ ಸಪ್ತಪದಿ ತುಳಿದರು. ಈಗ ಇವರ ಪ್ರೀತಿಯ ದಾಂಪತ್ಯ 'ಫಲ' ನಿರೀಕ್ಷೆಯಲ್ಲಿದೆ ಜೋಡಿ. ಸದ್ಯಕ್ಕೆ ಲೂಸ್ ಮಾದ ಅವರು ಲಂಬೋದರ ಸಿನಿಮಾದಲ್ಲಿ ಬಿಝಿಯಾಗಿದ್ದಾರೆ.

ಈ ಚಿತ್ರಕ್ಕೆ ಕೆ. ಕೃಷ್ಣರಾಜ್‌ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಲೂಸ್‌ ಮಾದ ಯೋಗಿಗೆ ನಾಯಕಿಯಾಗಿ ಆಕಾಂಕ್ಷ ನಟಿಸುತ್ತಿದ್ದು, ಚಿತ್ರದ ತಾರಾಗಣದಲ್ಲಿ ಧರ್ಮಣ್ಣ, ಅಚ್ಯುತ್‌ ಕುಮಾರ್, ಅರುಣಾ ಬಾಲರಾಜ್, ಮಂಜುನಾಥ್ ಹೆಗ್ಡೆ ಹಾಗೂ ಮುಂತಾದವರಿದ್ದಾರೆ.